İslam Azərbaycanda (İslam.Az)

Azərbaycanda hicablı vətəndaşların iş yerlərinə və təhsil müəssisələrinə buraxılmaması məsələsi Milli Məclisin bazar ertəsi keçirilən iclasında millət vəkilləri arasında fikir ayrılığına səbəb olub. Bakıda Müəllimlər İnstitutunun başı hicablı tələbələri dərsə buraxılmayıblar, son günlər televiziyalarda dini verilişlər qadağan olunub.

Təşkilatın baş katibi Ekmaləddin İhsanoğlu üzv dövlətləri BMT-nin baş assambleyasındakı səsvermələrdə Azərbaycanı dəstəkləməyə çağırıb. İslam Konfransı Təşkilatı Ermənistanın ölkəmizə qarşı işğalçılıq siyasətini birmənalı şəkildə pisləyib. Təşkilatın baş katibi Ekmaləddin İhsanoğlu üzv dövlətləri BMT-nin baş assambleyasındakı səsvermələrdə Azərbaycanı dəstəkləməyə çağırıb. Nyu-Yorkda keçirilən Xarici İşlər Nazirlərinin əlaqələndirici iclasında çıxış edən İhsanoğlu bildirib ki, Azərbaycan ərazisinin Ermənistan tərəfindən işğalına və təcavüzünə son qoymaq üçün İKT təsirli siyasi və iqtisadi tədbirlərə əl atmalıdır.

Azərbaycan Vətən Müharibəsi Veteranları Birliyinin (AVMVB) "İslam sülhün və qardaşlığın rəmzidir" adlı layihə çərçivəsində Bakıdan Məkkəyə piyada gedən iki üzvü dünən axşam Azərbaycandan İran ərazisinə daxil olub. AVMVB-nin mətbuat xidmətinin rəhbəri Bəhruz Əliyev bildirib ki, Şahid Qurbanov və Sahib Kazımov Azərbaycan-İran sərhədinə qədər 12 gün piyada yol gediblər və bu mərhələdə onları təşkilat üzvləri müşayiət edib. Bundan sonra isə onlar Məkkəyə qədər ikilikdə gedəcəklər.

Balakən rayonunda azanın səsgücləndiricilərlə oxunması qadağan edilib. Bu barədə ANS PRESS-ə yerli sakinlər məlumat verib. Onların sözlərinə görə, artıq neçə gündür rayonun icra hakimiyyəti azanın səsgücləndirici ilə oxunmasına imkan vermir. Amma yerli hakimiyyət məlumatı təsdiq etməyib.

"Orucluq başa çatdıqdan sonra Azərbaycan Müəllimlər İnstitutunda bütün tələbələr məktəb rəhbərliyi tərəfindən tərtib olunmuş eskizlərə uyğun geyim formaları ilə dərsə gələcək". Bu barədə APA-ya institutun rektoru Aqiyə Naxçıvanlı məlumat verib. Onun sözlərinə görə, tələbələrin hamısı ilə danışıqlar aparılıb və onlar razılıq veriblər.
"Biz bu məsələni axıra çatdıracağıq. Burada təkcə hicablı qızlar yox, açıq-saçıq geyinən qızlarla da bağlı iş aparılır. Burada başqa qızlar da var, əhd ediblər ki, Ramazan ayında oruc tutub başlarını bağlasınlar. Ona görə orucluq başa çatdıqdan sonra bu məsələyə bir də qayıdacağıq və birmənalı olaraq hamı bir formada olacaq".

Sentyabrın 30-da axşam saatlarında Milli Təhlükəsizlik Nazirliyinin (MTN) Xaçmaz şöbəsi Xudat şəhərində vəhhabi kimi tanınan şəxslərin - Xudat şəhərinin keçmiş imamı Nadir Xosrovoğlunun, AMİP fəalı Şaban Eyvazovun və Qarabağ əlili Vaqif Talıbovun evində axtarış aparıb.

Əziz müsəlmanlar! Bu Ramazan ayının da beləcə yarıdan çoxunu geridə qoyduq. Hər il gəlişini səbrsizliklə gözlədiyimiz Ramazan ayının artıq on beş gündən də az ömrü qalıb. Kim bilir, bəlkə də həyatımızın son Ramazanıdır bu yola saldığımız Ramazan. Kim bilir, bəlkə də günahlarımızı sildirə bilmək üçün növbəti şansımız olmayacaq. Amma "min aydan daha xeyirli bir gecə" adlı şansımız hələ qalmaqdadır.

Sumqayıtdakı 3 saylı orta məktəbdə 5-6 hicablı qız məktəb direktorunun əmri ilə bir həftə müddətində dərsə buraxılmayıblar. Bu barədə APA-ya dərsə buraxılmayan şagirdlərdən birinin qardaşı Nəsib Namazov məlumat verib. Onun sözlərinə görə, yeni dərs ili başlayandan məktəbin direktoru Tirmə Qurbanova sözügedən şagirdlərə bir neçə dəfə xəbərdarlıq edib, onlar hicabı çıxarmadıqda isə dərsə buraxılmalarını qadağan edib. O, məsələ ilə bağlı bir sıra dövlət qurumlarına və Sumqayıt dindarlarına müraciət olunduğunu bildirib.

"Müəllimlər İnstitutunda dərsə buraxılmayan hicablı qızlarla bağlı problem öz həllini tapıb. Artıq həmin qızlar rahat şəkildə dərslərdə iştirak edirlər" - bu barədə saytımızın əməkdaşına İnstitutun rektorunun köməkçisi Natəvan xanım məlumat verib. Natəvan xanımın sözlərinə görə, həqiqətən də bir neçə gün hicablı qızlar dərsə buraxılmamış, lakin sonradan bu qadağa aradan götürülmüşdür.

"Heç kimin hicabla gələnləri məktəbə buraxmamağa ixtiyarı yoxdur." Bu sözləri təhsil naziri Misir Mərdanov deyib. ANS TV-nin qızların dini dəyərlərlə bağlı məktəbə hicabla gəlməsi barədə sualını cavablandıran nazir deyib ki, bu gün Azərbaycanda şagirdlərin məktəbə vahid formada gəlmələri haqqında qərar yoxdur. Ancaq biz qərar vermişik ki, məktəblərdə məkətəbli formaları tədbiq olunsun.