İslam Azərbaycanda (İslam.Az)

"Rayon ərazisində gürcü kilsəsinin bağlanması haqda yayılan məlumatlar təxribatdır"

"Qax rayonunda gürcü kilsəsinin bağlanması haqda yayılan məlumatların əsası yoxdur. Rayon ərazisində heç bir kilsə bağlanmayıb və gürcü icmasının yaşadığı ərazilərdə 5 kilsə fəaliyyət göstərir". Bu barədə ANS PRESS-in bölgə müxbirinə Qax icra hakimiyyəti başçısının müavini Ziyafət Xasıyeva məlumat verib.

"Sələfilər daxilində parçalanma yoxdur, sadəcə bir sıra radikal qruplar elə radikallıqlarına görə özlərini sələfilikdən kənarda qoyublar". "Əbu Bəkr" məscidinin imamı Hacı Qamət Süleymanov bu sözləri "Turan" agentliyinin müxbiriylə söhbətində deyib.

Bakıdan piyada Məkkəyə getmək niyyəti ilə bu il sentyabrın 21-də yola çıxan iki Azərbaycan vətəndaşı Türkiyənin Ərzurum rayonunda polis tərəfindən saxlanılıb. APA-nın Türkiyə mətbuatına istinadən verdiyi məlumata görə, saxlanılan şəxslər istefada olan polkovniklər Şahid Qurbanov və Sahib Kazımovdur. Adıçəkilən şəxslər əllərində bayraq, çanta və su qabları ilə axşam saatlarında Ərzurum Polis Məktəbinin yanında gəzişərkən polislərin diqqətini çəkiblər.

Vəhhabi təriqətinə mənsub olmaqda və saqqal saxlamaqda günahlandırılan daha bir Zaqatala sakini həbs olunub. Bu barədə APA-nın Şəki-Zaqatala bürosuna yerli dindarlar məlumat verib. Onların dediyinə görə, Zaqatala sakini Cavanşir Tağıyev şəhər məscidində cümə namazından çıxarkən rayon polis şöbəsinin əməkdaşları tərəfindən həbs edilib və indiyədək ondan bir xəbər yoxdur.

Azərbaycanlı zəvvarların ilk qrupu Həcc ziyarətinə dekabrın 3-də yola düşəcək. Bu barədə APA-ya Qafqaz Müsəlmanları İdarəsinin (QMİ) xarici əlaqələr şöbəsinin müdiri Müqəddəs Payızov məlumat verib.

Qonşularımız "David Qareci"dən sonra Qaxda yerləşən alban kilsəsinə göz dikib

Gürcüstanın Azərbaycan ərazisində yerləşən "David Qareci" məbədinə qarşı qaldırdığı iddiaları barədə ətraflı məlumat verilib. Azərbaycan hakimiyyətindən sərt təpki görməyən gürcülər indi də Qax rayonunda yerləşən "Kürmük" məbədinə müştəri düşüblər. Qeyd edək ki, "Kürmük" qədim Alban məbədidir. Artıq Gürcüstan tərəfi bu istiqamətdə əməli fəaliyyətə keçib. Oktyabrın 15-dən qonşu ölkə mətbuatında Qax rayonu ərazisində gürcü kilsəsinin bağlanması haqda məlumatlar dərc edilir.

"Heç kimin ağlı başqa dövlətə getməsin. Heç kim Azərbaycan dövlətində artıq hərəkət edə bilməz, heç bir artıq hərəkətə yol verilməyəcək"

APA-nın məlumatına görə, bunu Milli Məclisin I vitse-spikeri, Təhlükəsizlik və müdafiə məsələləri komissiyasının sədri Ziyafət Əsgərov vəhhabilərin Azərbaycandakı fəaliyyəti və son vaxtlar hüquq-mühafizə orqanları tərəfindən onlardan qanunsuz silah-sursatın aşkar edilməsi faktına münasibət bildirərkən deyib.

Oktyabrın 21-də Mədəniyyət və Turizm Nazirliyi, Konya Böyükşəhər Bələdiyyəsi, Azərbaycan Rəssamlar İttifaqı, Azərbaycan Yazıçılar Birliyi, Azərbaycan Milli Elmlər Akademiyası və "NAB Qrup"un təşkilatçılığı ilə Azərbaycanda Mövlana Cəlaləddin Rumi Günləri tədbirlərinə start veriləcək. APA-nın məlumatına görə, bu gün Bakıda adı çəkilən tədbirə həsr olunmuş mətbuat konfransı keçirilib.

Azərbaycan Milli Təhlükəsizlik Nazirliyi (MTN) və Sumqayıt şəhər Polis İdarəsi (ŞPİ) əməkdaşlarının Sumqayıtda keçirdikləri birgə əməliyyat nəticəsində Sumqayıtda bir evdə kirayədə yaşayan üç nəfər saxlanılıb. Hüquq-mühafizə orqanlarındakı mənbələrdən APA-ya daxil olan məlumata görə, saxlanılanlardan ikisi polisə müqavimətdə təqsirləndirilərək 15 sutkalıq inzibati cəzaya məhkum olunub. Bir nəfərə - Sumqayıt sakini Rafael Rəhimova qarşı isə Cinayət Məcəlləsinin 228-ci (qanunsuz silah saxlama) maddəsi ilə ittiham irəli sürülüb və barəsində həbs-qətimkan tədbiri seçilib. O, hazırda MTN-in istintaq təcridxanasında saxlanılır. Mənbə bildirib ki, Azərbaycanda terror törətməyə hazırlaşmaqda şübhəli bilinən ərəb əsilli bir nəfərin axtarışı isə hələ də nəticəsiz qalıb.

Polis dindarlardan dördünü həbs edib

Cəlilabad rayonunda vəhhabi cərəyanına məsub bir qrup şəxsin bir din xadimini təhqir etməsi bu günlərdə rayon sakinləri ilə qarşıdurmaya səbəb olub. Hadisənin şahidi olan şəxslərin "Turan"a bildirdiyinə görə, olay rayonun "İran bazarı" adlanan ərazisində baş verib və qarşıdurmaya səbəb din xadimlərindən biri buradan keçərkən bir qrup vəhhabinin onu "müşrik gedir, müşrik gedir" şəklində təhqir etməsi olub. Şahidlərin dediyinə görə, bundan sonra din xadimi bu adamlara nəzakətli olmağı tövsiyə etsə də, həmin şəxslər təhqiri davam etdiriblər.