İslam Azərbaycanda (İslam.Az)

Müsabiqənin qalibi "Parlaq Gələcək Gənclərin Maarifləndirilməsi" İctimai Birliyi tərəfindən Məşhəd ziyarətinə göndəriləcək. "Parlaq Gələcək Gənclərin Maarifləndirilməsi" İctimai Birliyi müqəddəs Ramazan ayının başlanması ilə əlaqədar müsabiqə elan edib.

Bu il Səudiyyə Ərəbistanı krallığı həcc ziyarəti üçün Azərbaycana 6 min nəfərlik kvota ayırıb. Qafqaz Müsəlmanları İdarəsi həcc ziyarəti zamanı azərbaycanlı zəvvarların ciddi problemlərlə qarşılaşmaması üçün banklardan 5 milyon dollar kredit götürüb.

Bildiyiniz kimiç həcc ziyarəti etmək istəyənlərin sənəd qəbulu artıq başlanıb və sentyabrın 20-nə kimi davam edəcək.
Qafqaz Müsəlmanları İdarəsinin beynəlxalq əlaqələr şöbəsinin rəhbəri Müqqəddəs Payızovun verdiyi məlumata görə, idarənin özündə ziyarət etmək istəyən şəxslərin sənədələri qəbul olunur. Bu mövsümdə Səudiyyə Ərəbistanı Azərbaycana 6000 yer kvota ayırıb ki, bu ötən mövsüm ayrılmış kvotadan 1700 yer çoxdur.

Oktyabrın 20-27-si tarixlərində Azərbaycanda ilk dəfə olaraq Mövlanə Cəlaləddin Rumi günləri keçiriləcək. Bu barədə məlumatı AZADİNFORM-a Azərbaycan Yazıçılar Birliyindən veriblər. Tədbir UNESCO-nun elan etdiyi "Mövlanə Cəlaləddin Rumi" ili çərçivəsində keçiriləcək. Tədbir Türkiyənin Konya bələdiyyəsi, Azərbaycan Yazıçılar Birliyi və Mədəniyyət və Turizm Nazirliyinin təşəbbüsü reallaşacaq.

"Sənət" qəzetinin baş redaktoru Samir Sədaqətoğlu və yazıçı-publisist Rafiq Tağı barəsində məhkəmə hökmündən Ali Məhkəməyə kasasiya şikayəti verilib. Bu barədə APA-ya R. Tağı və S. Sədaqətoğlunun Hüquqlarını Müdafiə Komitəsinin rəhbəri Rasət Pirisoyu bildirib. Vəkilin sözlərinə görə, həmkarları S. Sədaqətoğlu ilə görüşmək istəsələr də, onun saxlandığı Xələcdəki 5 saylı həbsxananın rəhbərliyi buna imkan verməyib: "Ona görə də yazıçılar Ədliyyə Nazirliyinin Penitensiar Xidmətinə müraciət edəcək".

Külli miqdarda vəsait sərf olunacaq məscid martda təhvil veriləcək

Hazırda təmir işləri aparılan Təzə Pir məscidinin günbəzi qızıldan olacaq. Bu barədə telekanalların hazırladığı reportajda qeyd olunur. Faktı məscidin tikintisinə rəhbərlik edən memar Ədalət Məmmədov da təsdiqlədi. Onun sözlərinə görə, Təzə Pir məscidinin damının müəyyən hissələri qızıl örtüklərlə örtüləcək. Bunun üçün nə qədər qızıldan istifadə olunacağını o, dəqiq deməsə də, bunun külli miqdarda olacağını bildirdi. Məscidin təmiri və bahalı örtüyü dövlət hesabına alınıb.

Qafqaz Müsəlmanları İdarəsi (QMİ) Ramazan ayının başlaması münasibətilə fətva verib. QMİ-dən APA-ya verilən məlumata görə, fətvada göstərilir ki, bu il Ramazan ayının hilali (Təzə ay) sentyabrın 24-25 görünə bilər. Ona görə də Ramazan orucu sentyabrın 24-dən başlayır. QMİ orucun mümkün davamiyyət müddətini nəzərə alaraq, dövlət başçısı İlham Əliyevə Ramazan bayramına bir gün deyil, iki bayram günü ayrılması xahişi ilə müraciət ünvanlayıb.

Sentyabrın 24-də müsəlman dünyasında 11 ayın sultanı sayılan Ramazan ayı başlayır. Bu barədə APA-ya Qafqaz Müsəlmanları İdarəsindən (QMİ) məlumat verilib. Məlumata görə, Ramazanın başlanması ilə bağlı QMİ tərəfindən fətva veriləcək. Fətva ilə bərabər QMİ iftar və imsaq vaxtlarını müəyyən edən cədvəli də təqdim edəcək. Qeyd edək ki, orucluq oktyabrın 23-də başa çatır.

İftar duası:

"Allahummə ləkə sumtu və əla rizqikə əftərtu və əleykə təvəkkəltu. Bismillahir-Rəhmanir-Rəhim. Ya vasiəl-məğfirəti iğfirli".


Tərcüməsi:

"İlahi, səndən ötrü oruc tutdum, sənin verdiyin ruzi ilə iftar açdım və sənə təvəkkül etdim. Bağışlayan və mehriban Allahın adı ilə. Ey hüdudsuz bağışlama sahibi, mənim günahlarımı bağışla!"

ALLAHŞÜKÜR PAŞAZADƏ İSƏ XVI BENEDİKTİN MÜSƏLMAN DÜNYASINDAN ÜZR İSTƏMƏSİNİ TƏLƏB EDİR

Roma Papası XVI Benediktin Məhəmməd peyğəmbər barədə fikirləri Azərbaycanda da narazılıqla qarşılanıb. Azərbaycan Xarici İşlər Nazirliyinin Mətbuat və İnformasiya Siyasəti İdarəsinin rəhbəri Tahir Tağızadə APA-ya açıqlamasında katolik kilsəsi rəhbərinin fikirlərindən təəssüfləndiyini bildirib. "Katolik kilsəsi rəhbərinin kütləvi informasiya vasitələrinə min il əvvəl yaşamış Bizans imperatorunun fikirlərini bölüşdüyünü ehtimal etmək imkanı verən çıxışından təəssüflənirəm". Qafqaz Müsəlmanları İdarəsi isə Roma papası 16-cı Benediktin islamın və Məhəmməd Peyğəmbərin ünvanına söylədiyi fikirlərə etiraz edən bəyanatla çıxış edib.