İslam Azərbaycanda (İslam.Az)

Pakistan prezidenti ölkədə fövqəladə vəziyyyət elan etdikdən sonra xarici səfərə yollanır

Pakistan prezidenti Pərviz Müşərrəf ölkədə fövqəladə vəziyyyət elan etdikdən sonra ilk dəfədir ki, xarici səfərə yollanır. 2 günlük Səudiyyə Ərəbistanına gedən Pərviz Müşərrəf kral Abdalla və ölkənin digər rəsmilərilə görüşəcək, ikitərəfli münasibətləri müzakirə edəcək. Bundan əlavə Pərviz Müşərrəfin Məkkəni də ziyarət edəcəyi planlaşdırılır.

Penza vilayətin Paqanovqa kəndində özünü peyğəmbər elan edən Pyotr Kuznetsova inanan 29 nəfər mağaraya girərək dünyanın sonunu gözləyir

Rusiyanın Penza vilayətində qiyamət gününü mağarada qarşılamaq istəyən sekta üzvlərinin oradan çıxarılması istiqamətində aparılan danışıqlar uğursuzluqla nəticələnib.

Livan sünni liderlərindən olan Mustafa Malasın evinə basqın edildi

İslam-Azeri-nin YDH-ə istinadlı xəbərinə görə Sünni alim Ülüma heyəti üzvü Mustafa Malasın evinə basqın edildi. Fuad Senyora höküməti ilə müxaliflik edən Əl-Munəyyə bölgəsinin İmam Cüməsinin evinə soxulanların ABŞ yönlü Həriri tərəfdarları olduğu güman edilir.

İsveçin dövlət poçtu öz müştərilərinə içində Muhəmməd Peyğəmbərin (s.ə.s.) karikuturaları olan siyasi qəzet və vərəqələri göndərməkdən imtina edib. Bu aksiyaya ölkədə ən böyük ekspress-çatdırma özəl şirkəti də qoşulub. Məsələn, rəssam Lars Vilsin skandal yaradan məşhur karikaturalarını dərc edən və sağ təmayüllü İsveç demokratik partiyası tərəfindən nəşr olunan SD-Kurrien poçt tərəfindən yayılmır.

İndoneziyanın paytaxtında İslam prinsiplərinin ətraf mühitin müdafiəsi kontekstindən müzakirəsinə həsr olunmuş beynəlxalq konfrans keçirilib. Dialoq Britaniyanın Cakartadakı səfirliyinin dəstəyi ilə Dövlət islam Universitetində təşkil olunub. Tədbirdə dünyanın müxtəlif ölkələrindən olan mütəxəssislər iştirak ediblər.

Britaniyalı hakim şahid qismində ifadə verən Səudiyyə Ərəbistanı şeyxinin ünvanına dediyi sözlərə görə boşanma davasından uzaqlaşdırılıb. Hakim Sinqerin qeydləri rasizm kimi dəyərləndirilib. Məsələn, Sinqer qeyd edib ki, şeyx məhkəmə xərclərini ödəməmək üçün "xalça-təyyarədə uçmaq" istəyə bilər, bundan başqa, onun şahidliyi "rahat lokum kimi yumşaqdır". Hakim həmçinin (görünür, müsəlmanların oruc tutduqları Ramazan ayına eyham vuraraq) bildirib ki, şeyx "ilin oruc tutulmayan vaxtında" məhkəmədə iştirak edə bilər.

ABŞ müsəlmanları İslam haqqında daşlaşmış stereotiplərə qarşı müqavimət göstərmək üçün jurnalistlərin informasiya dəstəyi milli proqramını hazırlayıblar. Fəallar xüsusi hazırlanmış "Amerika müsəlmanları" məlumat kitabçasını bütün dünyada jurnalistlər arasında yaymaq niyyətindədirlər. Təşkilat 40 min insanı kitabla təmin etməyi planlaşdırır.

Britaniya hökuməti bəyan edib ki, Qərbdə ilk islami istiqraz vərəqələrini buraxmağa hazırlaşır. Belə ki, maliyyə nazirliyinin nümayəndələri bu planı London şəhərindən olan ekspertlərlə müzakirə ediblər və artıq gələn ilin əvvəllərində istiqraz vərəqələrini buraxmaq niyyətindədirlər. Britaniyalı politoloqların sözlərinə görə, onlar istəyirlər ki, London "İslam maliyyəsinin qlobal mərkəzi"nə çevrilsin.

Yoxlamalar vaxtı bəzi ev və mehmanxanaların təhlükəsizlik qaydalarına cavab vermədiyini aşkar edilib

Müsəlmanların dekabr ayında Səudiyyə Ərəbistanına başlayacaq Həcc ziyarəti ərəfəsində problem yaranıb. Belə ki, Məkkə şəhər rəhbərliyi zəvvarların yerləşdirilməsi üçün bəzi mehmanxana və şəxsi evlərdən istifadə edilməsinə icazə verməyib.

Dini sektanın üzvləri onların işlərinə müdaxilə ediləcəyi təqdirdə özlərinə od vuracaqlarını bəyan ediblər

Rusiyanın Penza vilayətinin Poqanovka kəndində qəribə hadisə baş verib. 29 nəfər ərzaq ehtiyatı toplayaraq qazdıqları yeraltı mağarada qiyamətin qopmasını gözləyir. Rayon prokurorluğundan verilən məlumata görə, aralarında 4 azyaşlının da olduğu qrup bütün ehtiyatlarını qazdıqları zirzəmiyə toplayaraq könüllü şəkildə gizləniblər.