İslam Azərbaycanda (İslam.Az)

İran prezidenti Mahmud Əhmədinejad Tehranda müsəlman ölkələrinin məhkəmə sədrlərinin iştirakı ilə keçirilən iclasda çıxış edərkən Beynəlxalq İslam Məhkəməsinin yaradılmasını təklif edib.

The Guardian qəzetinin məlumatına görə, şuranın işçi kabineti səsvermə keçirib, 18 nəfər boykotun aradan götürülməsinə, 8 nəfər isə leyhinə səs verib. Böyük Britaniyanın Müsəlman Şurası Holokost qurbanlarının xatirəsini yad etməyə razılıq verib.

İstiqlaliyyət müharibəsində yunanların atdığı top mərmisi 85 ildir ki, Türkiyədəki məscidin divarında qalır. Türkiyədə İstiqlalaliyyət müharibəsi dövründə işğalçı yunan ordusuna aid bir batalyon 8 sentyabr 1922-ci il cümə günü muharibə meydanını tərk edib qaçarkən Manisa vilayəti Saruhanlı rayonunun Cibilli təpəsindən şəhəri top atəşinə tutubmuş.

Qadına qarşı zorakılığın günah olduğunu deyən Livanın məşhur İslam alimi belə kişilərin Allah qarşısında cavab verəcəyini və şəriətə görə cəzalandırılacağını bildirib

Livanın məhşur İslam alimlərindən Ayətullah Muhamməd Hüseyn Fəzlullah beynəlxalq qadınlara qarşı zorakılığı ləğv etmə günü yeni bir fitva verib. Haberturk saytının verdiyi məlumata görə, fitvada bildirilib ki, İslam dini bəzi işlərdə kişiyə üstünlük versə də, kişinin həyat yoldaşına söyməsi və təhqir etməsi kimi heç bir zorakılığa xoş baxmır. Ayətullah Fəzlullah belə hərəkətlərin günah olduğunu, belə rəftar edənlərin Allah qarşısında cavab verəcəyini və şəriətə görə cəzalandırılacağını bildirib.

Hökumət rəsmiləri isə filmin törədəcəyi fəsadları göstərmək üçün həmin siyasətçiyə xəbərdarlıq ediblər

Hollandiyada "Müstəqillik partiyası"nın sədri Qirt Vilders müsəlmanların ləyaqətini alçaldan bir film çəkməyə hazırlaşır. Hollandiya hökuməti rəsmiləri isə film nəticəsində meydana gələ biləcək gərginliyə görə qayğılandığını bildirib. Xarici işlər naziri Maksim Verhagen bu filmə görə baş verəcək hər hansı sərt reaksiyaya qarşı xəbərdarlıq etmək üçün Vilderslə görüşüb. Bu barədə məlumat verən xarici işlər nazirliyinin mətbuat sözçüsü Bart Rics, Vilderslə görüşərək bu filmin həm Hollandiya, həm də xaricdə yaşayan hollandiyalılar üçün təhlükəli olacağı barədə xəbərdarlıq etdiyini deyib.

Həmas nümayəndələri bildiriblər ki, bu, Annapolis konfransına qarşı xalqın ilk referendumudur

Həmas qruplaşması Qəzza zolağında, Annapolisdə keçirilən Yaxın Şərq konfransına etiraz əlaməti olaraq nümayişlər keçirib. Xan Yunis qaçqın düşərgəsində nümayişçilər "İsrailə ölüm!" şüarları səsləndiriblər. Onlar həmçinin Corc Buşu hərbi cinayətkar adlandırıblar. Ən böyük etiraz aksiyası isə Qəzzada baş tutub. Həmas nümayəndələri nümayişdə çıxış edərək bildiriblər ki, bu, Annapolis konfransına qarşı xalqın ilk referendumudur.

Bu barədə məlumatı "Əl Sahab" təşkilatı yayıb

"Bir nömrəli terrorçu" hesab edilən Üsama Bin Laden Avropa sakinlərinə müraciət hazırlayıb. Bu barədə məlumatı "Əl Qaidə" qruplaşmasının bir qolu olan "Əl Sahab" təşkilatı yayıb. "Əl Sahab" tərəfindən islam internet saytlarından birində yer alan xəbərdə bin Ladenin müraciətinin efirdə nə vaxt çıxacağı, onun videolent və ya audioyazı olacağı barədə heç bir məlumat verilmir. Lakin ehtimallara görə, Bin Laden Avropa ərazisindəki "cihad döyüşçülərinə" müraciət edəcək.

Nəticədə 90 nəfər həlak olub, 100-dən çox insan yaralanıb

Pakistanda sünni və şiə təriqətinin üzvləri arasında qanlı toqquşma olub. Nəticədə 90 nəfər həlak olub, 100-dən çox insan yaralanıb. Məlumatı Pakistan polisi təsdiqləyib. Qeyd edək ki, tərəflər arasında zorakılıq noyabrın 16-dan müşahidə edilsə də, son üç gündə daha da şiddətlənib.

Peyğəmbəri təhqir etdiyinə görə, onu 3 aylıq həbs və cərimə gözləyir

Sudanda britaniyalı ibtidai sinif müəlliməsi oyuncaq ayıya Məhhəmməd adı verdiyi üçün həbs edilib. O İslam peyğəmbərini təhqir etməkdə günahlandırılır. Bu barədə təqsirləndirilənin işlədiyi orta məktəb məlumat yayıb. Saxlanılan Cilian Qibbonsun həmkarları bildiriblər ki, müəllimə məktəb proqramında planlaşdırıldığı kimi uşaqlara oyuncağa istənilən ad verməyi xahiş edib.

Film İslam dinini qəbul etmiş ingilis qızın həyatından bəhs edir

İngiltərənin BBC2 telekanalı yeni mövsümdə "Ağ qız" (White Girl) adlı teleserialın nümayişinə başlayacaq. Serial 11 yaşlı ingilis qızın ailə və ətraf mühitdə ruhi sıxıntılardan qurtula bilməyərək İslam dinini qəbul etməsindən bəhs edir. Lih adlı bu qız daha sonra Şərqi Asiyalı bir ailənin yanında yaşamağa başlayır. "Yeniyetmə bir qızın gözü ilə İslam dininin kəşf edilməsi", – BBC rəsmiləri serial barəsində belə deyiblər.