İslam Azərbaycanda (İslam.Az)

"Mən xristianam və İncilə and içmişəm"

ABŞ-da Demokrat Partiyasından prezidentliyə ən şanslı namizədlərdən biri, qaradərili senator Barak Obama müsəlman olması və bunu gizlətdiyi haqda iddialara münasibət bildirib. "MSNBC" telekanalıan müsahibəsində Obama deyib ki, onun atası keniyalı müsəlman olsa da, özü xristiandır və bu iddialar onun reytinqini aşağı salmaq üçün ortaya atılıb.

"Əl-Qaida" liderinin 26 yaşlı oğlu Ömər Üsamə bin Laden İslam dünyası ilə Qərb arasında xoşməramlı səfir rolunu oynamaq istədiyini bəyan edib. O bildirib ki, dialoq İslamı müdafiə etmək üçün müharibədən daha yaxşı üsuldur.

2008-ci ildə qaqauz xalqının xristian dinini qəbul etməsinin 1000 illiyi qeyd olunacaq. Moldovanın Qaqauz Yeri muxtar bölgəsinin başqanı Mixail Formuzalın sərəncamına əsasən, yubiley tədbirlərinin həyata keçirilməsi məqsədilə xüsusi təşkilat komitəsi yaradılıb.

ATƏT-in media azadlığı üzrə xüsusi nümayəndəsi Mikloş Haraşti Belarusda nəşr olunan "Zqoda" jurnalının keçmiş baş redaktor müavini Aleksandr Zdvijkovun 3 il müddətinə azadlıqdan məhrum edilməsinə münasibət bildirib.

Dindarlar ölkənin ən nüfuzlu idman komandalarından birini yaratdıqlarına əmindirlər. Türkiyəni dini işlər idarəsi "İmam-spor" idman klubu yaradır. Qurum inanır ki, yeni komanda yaxın vaxtlarda Türkiyənin ən nüfuzlularından biri olacaq.

Gürcüstanın paytaxtı Tiflis şəhərinin mərkəzi kilsəsi qarət edilib. APA-nın Gürcüstan bürosunun xəbərinə görə, insident bu gün səhər baş verib. Purtseladze küçəsində yerləşən kilsədə 600 lari (təxminən 335 dollar) yoxa çıxıb.

Hollandiyada İslam Demokrat Partiyasının (İDP) yaradılması qərara alınıb. İDP-nin yaradıcıları partiyanın elektoratının bu ölkədə yaşayan milyona yaxın müsəlmanın təşkil edəcəyini bildiriblər. Onlar ümid edirlər ki, yaranacaq siyasi qüvvə qatı islamçılığın, eləcə də ölkənin sağçı lider, qatı antiislamçı kimi tanınan Hirta Vildersə qarşı effektli mübarizə aparacaq.

İranın Mazandaran əyalətinin hüquq-mühafizə qüvvələrinin ictimai təhlükəsizlik üzrə komandanı İsmayıl Nuri jurnalistlərə açıqlamasında bu əyalətdə hicab qaydalarının pozulmasına qarşı aparılan mübarizənin yeni - qış mərhələsində 19 min 798 qadının saxlandığını bildirib.

Dünyanın ən iri sığorta şirkəti "Lloyd’s of London" İslam qanunlarına uyğun sığorta məhsullarının satışına başlamaq niyyətindədir. Bu barədə "Lloyd’s"un Direktorlar Şurasının sədri Piter Levin bəyan edib.

Bu gün pravoslavlar Milad bayramını qeyd edirlər. Vatikanda Papa 16-cı Benedikt İsa Məsihin doğum günü münasibətiylə Pravoslav xristianlarını təbrik edib.