İslam Azərbaycanda (İslam.Az)

Danimarkanın 5 gündəlik qəzeti Məhəmməd peyğəmbərin karikaturalarını çəkən müəlliflərdən birinə qarşı planlaşdırılan sui-qəsdə etiraz əlaməti olaraq bu karikaturalardan birini yenidən dərc edib. Fevralın 12-də Danimarkanın Aarxus şəhərində bir neçə nəfər, o cümlədən iki tunisli və Mərakeş əsilli danimarkalı həbs olunub.

İslam Konfransı Təşkilatı (İKT) nəşr etdiyi məlumatla soyuq hava şərtləri və yanacaq çətinliyi qarşısında Tacikistan Müsəlmanlarına təcili olaraq insani yardım edilməsini istəyib. İKT Tacikistanda yaşanan həddindən artıq soyuqlar və qışın çox sərt keçməsini nəzərə alaraq bura köməyin vacib olduğunu və İslam cəmiyyətinin bir an əvvəl Tacik Müsəlmanlara kömək etməsinin lazım olduğunu elan edib.

Avstriyanın cənubunda Kearnet Əyalət Məclisi əyalət sərhədləri çərçivəsində məscid və minarə inşa edilməsini qadağan edən qanunu qəbul edib. Əyalət bələdiyyəsinin sədri və Avstriyanın Gələcəyi İttifaqı Hərəkatının liderlərindən biri olan Jörg Haider bildirib ki, məscid və minarələrin inşası əyalətin tarixi və təbii memarlıq üslubunu pozduğuna görə qadağan edilib.

"Vikipediya" saytının təşkilatçıları Məhəmməd Peyğəmbərin (ə.s.) həyatı haqqında səhifədən onun təsvirini çıxarmaq barədə təklifi qəbul etməyiblər. Bu barədə "VEB planeta" saytı məlumat yayıb. Belə ki, Məhəmməd Peyğəmbər (S.Ə.) ölümqabağı ona sitayiş etməyi qadağan etmişdi və elə buna görə də, onun təsviri olan bütün şəkillər qadağan edilib.

Tərcümə üçün 2 il vaxt sərf edən Giorgi Lobcanidze İran, Misir və Türkiyədə araşdırma aparıb

Gürcüstanın şərqşünas alimi professor Giorgi Lobcanidze ilk dəfə olaraq müsəlmanların müqəddəs kitabı "Qurani Kərim"i ərəb dilindən gürcü dilinə tərcümə edib.

Robert Geyts: "Bu hərəkatı əvvəlcə Əfqanıstanda məğlub etmək lazımdır"

Amerikanın müdafiə naziri Robert Geyts avropalılara müraciət edərək deyib ki, "zorakı islamçı" ekstremizmin yaratdığı təhlükə realdır və o, birdən-birə öz-özünə yox olmayacaq. O israr edib ki, bu hərəkatı ilk olaraq Əfqanıstanda məğlub etmək lazımdır.

Bildiyiniz kimi, İran İslam İnqilabının qələbəsinin 29-cu ildönümü günü bir çox şəhərlərdə tədbir və mitinqlər keçirilməkdədir. Bu tədbirlərin birində İran rəsmisi Höccətülislam Biriya Türkiyənin hicab qadağasını götürməsini təqdirə layiq hal hesab edərək:"İmam Xomeyninin buyurduğu -"İslam bütün dünyada yayılacaq" sözlərinin şahidi oluruq deyib.

Milliyyətçi Hərəkat Partiyasının (MHP) lideri Dövlət Bağçalının bacısı Semiha Bağçalı baş örtüyü məsələsində qardaşına dəstək verməyib. İsparta şəhərindəki Süleyman Dəmirəl Universitetinin rektor müavini, professor S. Bağçalı universitetlərdə türbana sərbəstlik verilməsi üçün hazırlanan müraciətə imza atmayıb.

Dünən Türkiyənin bəzi universitetlərində tələbələr dərslərə baş örtüyü ilə girib. Ali təhsil müəssisələrində baş örtüyündən istifadəyə icazə verən Konstitusiya dəyişikliyi qüvvəyə minmədən bəzi tələbələr bu qərara uyğun hərəkət etməyə başlayıb.

Türkiyənin sabiq prezidenti hicaba qoyulan qadağanın götürülməsinə üzülüb

Türkiyənin 9-cu prezidenti Süleyman Dəmirəl ali təhsil müəssisələrində baş örtüyü taxmağa icazə verən Konstitusiya dəyişikliklərinin parlamentdə qəbul olunmasına münasibət bildirib.