İslam Azərbaycanda (İslam.Az)

İsrailin Qüds şəhərində pravoslavların Pasxa bayramı ilə əlaqədar dünyanın ən nəhəng bayrağı asılıb. Bayrağın uzunluğu 660 metr, eni 100 metr, çəkisi isə 5,7 ton olub.

Kosovonın şimalında yerləşən məbədlərdən birində partlayış törədilib. Partlayış nəticəsində 3 nəfər xəsarət alıb. Polisin verdiyi məlumata görə, əl qumbarasının yaxınlıqdan keçən avtomobildən atıldığı ehtimal olunur.

ABŞ-ın dövlət strukturlarına tövsiyə olunub ki, bundan sonra terrorçuluğa qarşı müharibədən danışılarkən "mücahid" və "cihad" ifadələrindən istifadə olunmasın. Məlumatı Associated Press agentliyi yayıb. Vaşintonda hesab edirlər ki, terrorçuların bu ifadələrlə təqdim olunması onların müsəlman ölkələrində nüfuzunu artırır. Çünki bu terminlər müsbət dini çalar daşıyır.

Danimarkanın Əlcəzair və Əfqanıstandakı səfirliklərinin əməkdaşları ünvanlarına daxil olmuş hədələr üzündən binalarını tərk etməli olub. Bunun başlıca səbəbi fevralda Danimarka qəzetlərində Məhəmməd (əs) peyğəmbərin təhqir olunmasıdır.

Bu gün Cakarta məhkəməsi "Cemaa İslamiyyə" qruplaşmasının lideri Əbu Dujanı 15 il azadlıqdan məhrumetmə cəzasına məhkum edib. Polis İndoneziyada 1 nömrəli terrorçu adlanan Dujanı ötən ilin iyununda Yava adasında həyata keçirdiyi reyddə həbsə alıb.

Dünən, Xristianların "Müqəddəs Bədmüşk Bazarı" günü yunan və erməni din xadimləri arasında qalmaqal baş verib. BBC-nin yaydığı məlumata görə, dava Qüdsdə Müqəddəs Məqbərə Kilsəsində yer üstündə düşüb.

"BMT dünyada ədalətin və nizam-intizamın yaradılmasında həlledici rol oynayır". Bu bəyənatla BMT Baş Assambleyasının tribunasından Roma Papası 16-cı Benedikt çıxış edib.

Gürcüstan pravoslav kilsəsi Gürcüstan-Rusiya münasibətlərinin hazırkı vəziyyətindən narahatlığını ifadə edib. Gürcü patriarxı 2-ci İlyanın müraciətində deyilir ki, pravoslav kilsəsi düşünülməmiş addımlar vəziyyəti kritik həddə çatdıra və nəticədə proseslər nəzarətdən çıxa bilər.

ABŞ-da 6 günlük səfərdə olan Papa XVI Benediktin amerikalı 9 kardinal və 350 rahib qarşısında etdiyi çıxışda dünyəvi sistem barədə verdiyi açıqlamalar mübahisəyə səbəb olub. "Habertürk"ün yaydığı məlumata görə, çıxışının ən uzun hissəsini dünyəvilik müzakirələrinə ayıran Papa bildirib ki, Avropa bu mövzuda Amerikanı özünə nümunə götürməlidir, əks halda bu düşüncə çox təhlükəli ola bilər.

100-ə yaxın tələbə Niderlandın Tehrandakı səfirliyi qarşısında yürüşlər keçirib. Tələbələr Niderland rejissoru Gert Vilderin 6 dəqiqəlik "Fitnə" və ya "Ağır sınaq" adlı filminə etiraz ediblər.