İslam Azərbaycanda (İslam.Az)

Rusiyada orta məktəblərdə 2009-cu ilin sentyabrın 1-dən başlayaraq "Dini-əxlaq mədəniyyəti" dərsi keçiləcək. "Mənəvi-əxlaq mədəniyyəti" dərsi məktəb proqramının tərkib hissəsi olacaq. Bu dərs 2-ci və 11-ci sinif şagirdlərinə keçiləcək. Şagirdlər həftədə iki dəfə bu məşğələlərdə iştirak edəcəklər və onlara dörd dinin əsasları barədə məlumat veriləcək.

Kilsə qapısında beşiyə quraşdırılmış termo ötürücü bir dəqiqə sonra həkimə və polisə xəbər verir
İtaliyanın Verona şəhərində kilsənin qapısına termo ötürücülü beşik qoyublar. Bu, anaları atmış körpələrin həyatını qorumaq məqsədi daşıyır.

Hollandiyada irqçi millət vəkili Qirt Vildersin İslam dinini təhqir edən 15 dəqiqəlik "Fitnə" filminin nümayiş ediləcəyi internet saytın fəaliyyəti dayandırılıb. Saytı şəbəkə ilə təmin edən amerikalı provayder film barədə çoxlu şikayətlər gəldiyini və bu şikayətləri nəzərə alaraq saytın fəaliyyətini dayandırdıqlarını bildirib.

İtaliyalı jurnalistin katolikliyi qəbul etməsi Vatikan tərəfindən ciddi şəkildə məxfi saxlanılıb

Bu gün Roma Papası 16-cı Benedikt müsəlman ailəsində doğulub böyüyən jurnalist Mehdi Əllamı xaç suyuna salıb. Misir əsilli 35 yaşlı italiyalı jurnalistin katolikliyi qəbul etməsi Vatikan tərəfindən ciddi şəkildə məxfi saxlanılıb. Roma Papası bu barədə katolik ibadəti zamanı çalınan musiqidən bir saat əvvəl məlumat verib.

Martın sonlarında İslamı tənqid edən yeni sənədli film nümayiş olunacaq

Amstrerdamda mindən artıq insan İslamı tənqid edən sənədli filmin nümayişinə etiraz edərək aksiya keçirib. Siyasətçi və rejissor Gelt Vildersin çəkdiyi film "Fitnə" adlanır. Filmin internetə martın sonlarında çıxarılması gözlənilir. Politoloqlar bu filmin nümayişi ilə yeni aksiya dalğalarının başlayacağını istisna etmirlər.

Türkiyənin məhşur müğənniləri birlikdə ilahi albomu çıxarır. "İftixar Abidəmiz Əfəndimiz" adlı albomda Fərdi Tayfur, Muazzəz Ərsoy, Funda Arar, Hakan Altun, Uğur Işılak, Erhan Güləryüz, Fatih Kısaparmak, Zara, Murad Göyəbakan, Orxan Hakalmaz, Əhməd Özxan kimi tanınmış müğənnilər ilahi mahnılar oxuyacaq.

Hollandiyanın mətbuat şəhəri olan Hilversum yaxınlarındakı Huizen qəsəbəsində olan Səlimiyə Məscidində yanğın baş verib. Naməlum şəxslərin hücumu nəticəsində başlayan yanğın, məscidin anbar olaraq istifadə edilən hissəsinin tamamilə yanmasına səbəb olub.

Hakimiyyətdə olan Ədalət və İnkişaf partiyasının (AKP) fəaliyyətinin dayandırılması üçün iddia qaldıran Türkiyənin baş prokuroru Əbdürrəhman Yalçınkayanın katibəsi də hicablıdır. "Star TV"-nin verdiyi xəbərə görə, katibə işə hicabla gəlir, işdə başını açır və işdən çıxarkən yenə də hicabını geyinir.

İslam Konfransı Təşkilatının növbəti sammiti gələn il Misirdə keçiriləcək. Bu ilin iyun ayında isə İKT ölkələrinin xarici işlər nazirlərinin Uqandada görüşü keçiriləcək.

Minlərlə nümayişçi Amerika və Danimarkaya qarşı yalnız cihad yolunun qaldığını bildiriblər

Pakistanın şimal-qərbində yerləşən Qeta şəhərində ötən ay Danimarka qəzetlərində Məhəmməd peyğəmbərin karikaturalarının yenidən dərc olunmasına qarşı etiraz aksiyası keçirilib. Minlərlə nümayişçi Amerika və Danimarkaya qarşı yalnız cihad yolunun qaldığını bildiriblər.