İslam Azərbaycanda (İslam.Az)

Azərbaycan Vətən Müharibəsi Veteranları Birliyinin (AVMVB) "İslam sülhün və qardaşlığın rəmzidir" adlı layihə çərçivəsində Bakıdan Məkkəyə piyada gedən iki üzvü - Şahid Qurbanov və Sahib Kazımovun Türkiyədən Suriyaya keçməsində problem yaranıb. Marafon iştirakçısı Şahid Qurbanov APA-ya bildirib ki, Türkiyə rəsmiləri və Suriyanın bu ölkədəki səfirliyi onların bu istiqamətdə hərəkət etməsinin təhlükəli olduğunu deyiblər. Ş.Qurbanov isə marafonun davam etdirilməsində israrlı olduqlarını söyləyib.

Bu barədə APA-ya Dini Qurumlarla İş üzrə Dövlət Komitəsindən məlumat daxil olub. Noyabrın 6-da Prezident Yanında Dövlət İdarəçiliyi Akademiyasında təşkil ediləcək seminar-müşavirədə Azərbaycandakı dini tolerantlıq, dini sahədə hazırkı vəziyyət, qadağan olunmuş dini fəaliyyətlə məşğul olanlara qarşı aparılan mübarizə, konfessiyalararası münasibətlər və digər məsələlər müzakirə olunacaq.

Bu il noyabrın 6-8-də Budapeştdə "Azərbaycan-Macarıstan: mədəniyyətlərin dialoqu" mövzusunda konfrans keçiriləcək. Azərbaycanın Budapeştdəki səfirliyindən APA-ya verilən məlumata görə, ilk belə konfrans 2006-cı ilin mayında keçirilib. Azərbaycanın Budapeştdəki səfirliyinin Macarıstan Elmlər Akademiyası, Karl Kaspar Universiteti və dövlət universitetlərdən biri ilə birgə təşkil etdiyi tədbirdə 34-dən çox macar alim iştirak edəcək.

Bəhreynin Beynəlxalq İnvestisiya Bankı Azərbaycan Bankını islamlaşdıracaq

Bəhreyndə yerləşən Beynəlxalq İnvestisiya Bankı İİB Azərbaycanın ən iri kommersiya banklarından olan "Əmrahbank"ın səhmlərinin 49 faizini aldığını elan edib. Məlumatı "Gulf-News" agentliyi yayıb. Məlumatda deyilir ki, İİB "Əmrahbank"la əməkdaşlığı genişləndirərək Azərbaycanda islam şəriəti qaydaları əsasında yüksək keyfiyyətli maliyyə xidmətləri göstərən İslam kommersiya bankına çevirmək niyyətindədir.

Rəsmi dövlət qəzeti "Azərbaycan" dini mövzuda yazılarını davam etdirir. Bir ay əvvəl – sentyabrın 25-də qəzetdə Prezidentin İcra Aparatının rəhbəri Ramiz Mehdiyevin "Qloballaşma dövründə dövlət və cəmiyyət" adlı məqaləsi dərc olunmuşdu. Bundan sonra qəzet "Qloballaşma dövründə dövlət və cəmiyyət" rubrikası altında dini mövzuda kəskin yazılarla çıxış edib.

Şəriətə qaydalarına görə, faiz haram olduğu üçün bu qaydalarla işləyən banklarda kreditlər faizsiz ayrılacaq, ancaq gəlir gətirmək məqsədilə veriləcək

Azərbaycanda ənənəvi banklarla yanaşı şəriət qaydaları ilə işləyən banklar da fəaliyyət göstərəcək. Ölkə qanunvericiliyi belə bankların bu qaydalarla işləməsinə imkan verir. Şəriətə əsasən faiz yəni sələm haram olduğu üçün bu qaydalarla işləyən banklarda kreditlər faizsiz ayrılsa da, ancaq gəlir gətirmək məqsədilə verilir. Bankın qazancı isə müştərinin həmin pul hesabına əldə etdiyi gəlirdən asılı olaraq dəyişəcək.

Kasıb tələbələri missioner təşkilatların fəaliyyətində iştirak etməyə sövq edirlər. Bu barədə Gənclər ilinə həsr olunmuş dəyirmi masada Tələbələrin Beynəlxalq Əməkdaşlıq Birliyinin sədri Xaliq Qarayev bildirib.

Nizami Gəncəvi adına Masallı şəhər Mədəniyyət evində "Qeyri-ənənəvi dinlər və təriqətlər" mövzusunda seminar-treninq keçirilib. Masallı Rayon İcra Hakimiyyəti (RİH) aparatından APA-nın cənub bürosuna verilən məlumata görə, rayon ictimaiyyəti nümayəndələrinin, din xadimlərinin qatıldığı tədbiri giriş sözü ilə RİH başçısının I müavini Nadir Abıyev açıb. Dini Qurumlarla İş üzrə Dövlət Komitəsinin (DQİDK) cənub bölgəsi üzrə nümayəndəsi Miryəhya Bədirov "Qeyri-ənənəvi dinlər və təriqətlər" mövzusunda geniş məruzə edib. Qafqaz Müsəlmanları İdarəsinin (QMİ) cənub bölgəsi üzrə qazisi Hacı Mirqiyas Təhməzov çıxışında ölkəmizdə formalaşan dövlət-din münasibətlərindən, qeyri-ənənəvi dinlərin və təriqətlərin yayılmasına qarşı hamılıqla mübarizə aparılmasından söz açıb. O, vəhhabilik və nurçuluq təriqətlərinin cənub bölgəsində çox zəif olduğunu qeyd edərək, onlara qarşı mübarizənin vacibliyini önə çəkib.

Mövlanə Cəlaləddin Ruminin 800 illik yubileyi çərçivəsində Azərbaycanda keçirilən "Mövlanə günləri" başa çatıb. APA-nın məlumatına görə, bu gün Azərbaycan Dövlət Opera və Balet Teatrında "Mövlanə günləri"nin bağlanış mərasimi keçirilib. Tədbiri açıq elan edən AMEA-nın müxbir üzvü, millət vəkili Rafael Hüseynov Azərbaycanın son 5 günü Mövlanə ilə yaşadığını bildirib.

Ümumulikdə 258 ədəd müxtəlif dini təyinatlı ədəbiyyatlar aşkar edilib

Sumqayıt Şəhər Polis İdarəsi və Dini Qurumlarla İş üzrə Dövlət Komitəsi əməkdaşları tərəfindən oktyabrın 22-də ölkədə nəşrinə icazə verilməmiş dini ədəbiyyat aşkar edilib.