İslam Azərbaycanda (İslam.Az)

Gürcüstanın Orovaslav Kilsəsi Azərbaycanın gürcü əhalinin kompakt yaşadığı Qax rayonunun Kurmux kəndinin Müqəddəs Georgi kilsəsində ibadət etməsi məqsədilə yeni keşiş göndərəcək. Azərbaycan vətəndaşlığına malik olacaq keşiş İohanı keşiş Qabriel əvəzləyəcək. Bu barədə Gürcüstan Patriarxlığından verilən məlumatda deyilir. Ötən həftə Gürcüstan KİV-nin yaydığı məlumatda bildirilib ki, Kurmux kilsəsi yerli hakimiyyət orqanları bağlayıb və kilsədə ibadət edilməsinə qadağa qoyulub. Azərbaycanın XİN rəsmiləri bu məlumatı Azərbaycan-Gürcüstan münasibətlərinin korlanmasına yönəlmiş təxribat kimi qiymətləndiriblər.

"Dünya dövlətləri bu gün dilemma qarşısındadır - ya dinlər, mədəniyyətlərarası dialoq, ya da dözümsüzlük, parçalanma və gərginliyə doğru getmək". Bunu prezident İlham Əliyevin xanımı, UNESCO-nun xoşməramlı səfiri Mehriban Əliyeva, "Gənclər sivilizasiyalar ittifaqı naminə" adlı nəsillərarası konfransın açılış mərasimində deyib.

Həmin tələbələrin APA-nın Şəki-Zaqatala bürosuna verdiyi məlumata görə, artıq iki gündür ki, institut rəhbərliyi onların dərsə buraxılmasına icazə verib. Tələbələrin sözlərinə görə, bu, Ombudsman Elmira Süleymanovaya ünvanladıqları şikayətdən sonra mümkün olub. İnstitutun humanitar fənlər fakultəsinin dekanı Əminət Haxova da APA-nın yerli bürosuna açıqlamasında məktəbdə təhsil alan hicablı tələbələrlə yaranmış problemin həll olunduğunu təsdiqləyib. O, hicablı qızların istəyinə uyğun olaraq artıq onların çarşabda dərsdə oturmaqlarına icazə verildiyini bildirib.

Bu gün Bakıda "Gənclər sivilizasiyaların ittifaqı naminə" adlı iki günlük beynəlxalq konfrans başlayıb. APA-nın məlumatına görə, tədbir Heydər Əliyev Fondu və İslam Konfransı Təşkilatının Gənclər Forumu tərəfindən İSESCO, Avropa Şurası, BMT-nin İnkişaf Proqramı, Azərbaycan Gənclər və İdman Nazirliyinin dəstəyi ilə keçirilir.

Radikal dini təriqətlərin Azərbaycana axını dövlətçiliyə böyük təhlükə yaradır, çərşənbə günü "Trend"ə Qafqaz Müsəlmanları İdarəsinin mətbuat xidmətinin rəhbəri Hacı Akif Ağayev bildirib. Onun sözlərinə görə, Qafqaz Müsəlmanları İdarəsi radikal vəhabilərin Azərbaycanda fəaliyyətlərinin təhlükəli olduğu barədə hələ 15 il öncə müvafiq dövlət qurumlarına xəbərdarlıq göndərib.

Eldar Səfərov: "Bir hadisə baş veribsə, bundan orduda vəhhabiliyin yayılması ilə bağlı nəticə çıxarmaq düzgün deyil"

"Bir hadisə baş veribsə, bundan orduda vəhhabiliyin yayılması ilə bağlı nəticə çıxarmaq düzgün deyil. Müdafiə Nazirliyi baş verən hadisədən çox təəssüflənir. Ancaq nə etməli ki, istisna hal olsa da, Kamran Əsədov kimi bəzi gənclər mülki həyatda düşdüyü təsirdən hərbi xidmətdə də qurtula bilmir. Kamran Əsədov heç bir yerə qaça bilməyəcək.

"Düşünmürəm ki, vəhhabilik və buna bənzər hallar Azərbaycanda dini tolerantlığı sarsıdacaq gücə malikdir. Bu məsələlər xarakterindən asılı olmayaraq terror hadisəsidir. Buna terror hadisəsi kimi yanaşmaq və qiymət vermək lazımdır". APA-nın məlumatına görə, bunu jurnalistlərə açıqlamasında Milli Məclis sədrinin müavini Bahar Muradova bildirib.

Qaxda hicablı tərbiyəçi çalışdığı uşaq bağçasına buraxılmayıb. APA-nın Şəki-Zaqatala bürosunun məlumatına görə, 5 ildən çox Qax rayonunun Qorağan kənd uşaq bağçasında tərbiyəçi işləyən Rəmiyyə İsrafilova çarşab geyindiyi üçün Rayon Təhsil Şöbəsi (RTŞ) tərəfindən çalışdığı tərbiyə ocağından xaric edilib. Son 1 ildə çarşab taxdığını deyən R. İsrafilova bu günədək heç problemlə üzləşmədiyini bildirib. Lakin iki gün əvvəl çalışdığı uşaq bağçasının müdiriyyəti hicab geyinməsini irad tutaraq, baş örtüyünü çıxarmayacağı təqdirdə, bir daha işə gəlməməsi barədə göstəriş verib. Bağça müdiriyyəti bu göstərişin RTŞ müdiri Məmməd Xasıyev tərəfindən verildiyini bildirib.

Azərbaycan hüquq-mühafizə orqanlarının radikal dini qruplaşmalara qarşı keçirdiyi əməliyyatlarla əlaqədar ölkənin nəqliyyat sistemində təhlükəsizlik tədbirləri gücləndirilib. Bu barədə APA-ya Azərbaycanın Nəqliyyat Nazirliyindən məlumat verilib. Terror təhlükəsi və radikal dini qruplaşmalara qarşı keçirilən əməliyyatlarla əlaqədar hava, su və dəmir yolu nəqliyyatında fəaliyyət göstərən bütün müəssisələr, həmçinin böyük şəhərlərdəki avtovağzallar gücləndirilmiş rejimə keçib. Azərbaycan Dövlət Dəmir Yolunun (ADDY) mətbuat xidmətinin rəisi Nadir Əzməmmədovun APA-ya verdiyi məlumata görə, dəmir yolunun bütün müəssisələri və istehsalat birlikləri bu gün səhərdən gücləndirilmiş rejimdə işləyir: "Dəmir yolu vağzallarında və depolarda təhlükəsizlik tədbirləri gücləndirilib, şübhəli şəxslər və əşyaların yoxlanılması barədə göstəriş verilib. Bu, hüquq-mühafizə orqanlarının təhlükəsizlik tədbirini gücləndirmək barədə xəbərdarlığı ilə əlaqədardır".

Bakının ən qədim məscidlərindən biri olan "İmam Hüseyn" (Tövbə) məscidi təhlükə ilə üzləşib. Belə ki, məsciddən aşağı hissəsində tikilən yeni çoxmərtəbəli bina, tarixi məbəddə çatların meydana gəlməsinə səbəb olub. Binanın inşaatı ilə məşğul olanların sınaq üçün kiçik çatlara yapışdırdığı şüşələr sınaraq tökülüb. Bu da qədim məsciddə meydana gələn çatların hər gün daha da böyüməsindən xəbər verir.