İslam Azərbaycanda (İslam.Az)

İraqda Mehdi Ordusu Bəsrə şəhərini öz nəzarəti altına alıb

İslam-Azeri-nin Əl-Bağdadiyyə telekanalına istinadlı xəbərinə görə bu gün (23 oktyabr) İraqda Seyyid Müqtəda Sədrin rəhbərlik etdiyi Mehdi Ordusu Bəsrə şəhərinin nəzarətini öz əlinə alıb.

Tədbirdə Mövlana Cəlaləddin Rumi ilə bağlı çəkilən bir saatlıq "Səma göstərişi" adlı film də nümayiş etdirilib

Bu gün Dövlət Filarmoniyasında 13-cü əsrdə yazıb-yaratmış müsəlman alimi və şairi Mövlana Cəlaləddin Rumiyə həsr olunmuş "Mövlana günləri"nin təntənəli açılış mərasimi keçirilib. Gecədə mədəniyyət və turizm naziri Əbülfəz Qarayev, Yazıçılar Birliyinin sədri Anar və digər ziyalılar iştirak ediblər. Əbülfəz Qarayev "Mövlana günləri"nin YUNESKO-nun təklifi ilə bütün dünyada qeyd edildiyini bildirib: "Mövlana Cəlaləddin Rumi türk-islam mədəniyyətinin bəşəriyyətə bəxs etdiyi ən nadir simalardan, söz-təfəkkür ustadlarından biridir. Bu mənada onun anadan olmasının 800 illiyinin YUNESKO çərçivəsində qeyd olunması heç də təsadüfi deyil. Mövlananın bədii-fəlsəfi irsi Milli mənsubiyyətindən, dilindən, irqindən, cinsindən asılı olmayaraq bütün insanlar üçün böyük dəyər daşıyır. Çünki o, insanlar arasında sevgi, məhəbbət, qardaşlıq hisslərini tərənnüm edir. YUNESKO Mövlana günlərinin bəşəriyyətin bayramına çevrilməsinə qərar verib. Mövlana bayramınız mübarək!".

İranın əxlaq təhlükəsizliyi polisinin rəisi, general Əhməd Ruzbəhani ölkədə bundan sonra qarşısı alınacaq geyim formalarından söz açıb. "Media forum" saytının məlumatına görə, Ə.Ruzbəhani deyib ki, qısa və dar şalvar, manto geyən, habelə qabağı və böyrü yarıq mantolara üstünlük verən, yaxası açıq gəzən, saçları tam örtməyən nazik və qısa şərflərdən istifadə edən, kosmetikadan hədsiz yararlanan qadınların qarşısı gələcəkdə də alıncaq.

Gürcüstan Patriarxiyası ümid edir ki, Qax rayonundabağlanmış gürcü kilsəsi işini bərpa edəcək

Gürcüstan Patriarxiyası Azərbaycanın Qax rayonunda yerləşən Müqəddəs Georginin adını daşıyan Kurmux kilsəsinin bağlanmasından, həmçinin pravoslav ibadətlərinin keçirilməsinə qoyulan qadağadan təəssüflənir. Bu barədə Gürcüstan Patriarxiyasının oktyabrın 20-də yaydığı bəyanatında deyilir.

2 nəfər ölüb, 20-dən çox fələstinli qətlə yetirilib

Qəzza sektorunda rəqib hərəkatlar arasında qarşıdurma baş verib. İlkin məlumata görə, 2 nəfər ölüb, 20-dən çox fələstinli yaralanıb. Ölənlər arasında 13 yaşlı gənc də olub. Son 3 gündə atışmalarda 6 nəfər həyatını itirib. Qarşıdurma "Həmas" təşkilatı üzvlərinin Helles tayfası üzvünün avtomobilini müsadirə etmək cəhdindən sonra başlanıb. Bölgədə polis funksiyasının yerinə yetirən "Həmas" təşkilatı üzvləri avtomobilin dövlət əmlakı olduğunu iddia ediblər.

Silsilə tədbirlər oktyabrın 25-nə kimi davam edəcək

Bu gün "Azərbaycanda Mövlana günləri" çərçivəsində silsilə tədbirlərin açılış mərasimi keçirilib. Açılış Müasir İncəsənət Mərkəzində baş tutub. Tədbirin açılışında Türkiyədən Konya Böyükşəhər bələdiyyəsinin, Azərbaycandan Rəssamlar İttifaqının nümayəndələri iştirak edib. Onlar Mövlana sənəti səma göstərisi haqqında danışıblar.

Almaniyanın Dortmund şəhərində keçirilmiş futbol qarşılaşmasını yəhudi hakim idarə edib

Almaniyanın Dortmund şəhərində türk mollalarla alman keşişlər arasında futbol qarşılaşması keçirilib. Müsəlman din xadimləri alman din adamlarına 6-1 hesabı ilə məğlub olub. Komandaların hər birində 6 nəfər oyunçu olub və matçı yəhudi hakim idarə edib.

Yeni istehsal edilən kuklıalar surələr, dualar və ilahilər oxuyur

Mərkəzi İstanbulda olan bir otuncaq firması Çində sifarişlə istehsal etdirdiyi yeni Elif və Hilal adlı kuklaları satışa çıxarıb. Təxminən 20 YTL (14 AZN) qiymətlə satılan oyuncaq batareya ilə işləyir və müxtəlif yerlərinə toxunulduğu vaxt Qurandan surələr, ilahilər və türkcə dualar oxuyur. Satıcı firma bildirir ki, xüsusilə Ramazan ayında satışlarda çoxalma olub.

Xristian-baptist təşkilatının üzvü olmaqda günahlandırılaraq həbs olunan Zaqatalanın Əliabad kənd sakini Zaur Balayev 2 il müddətinə azadlıqdan məhrum edilib. Bu barədə APA-nın Şəki-Zaqatala bürosuna Z. Balayevin ailə üzvləri məlumat veriblər.

Bu şirkət şəriət qaydaları ilə işləyəcək

İnvestisiya şirkətində bir neçə layihənin müzakirəsi aparılır. Şirkətin icraçı direktoru Anar Axundov ANS TV-yə bildirib ki, ən əsas layihələrdən biri İslam İnkişaf Bankı ilə birgə yeni investisiya şirkətinin yaradılmasıdır. Yaradılacaq yeni şirkət şəriət qaydaları ilə işləyəcək. Anar Axundovun sözlərinə görə, şirkətin yaradılmasında məqsəd müsəlman ölkələrinin əsasən varlı ərəb iş adamlarını Azərbaycana cəlb etməkdir.