İslam Azərbaycanda (İslam.Az)

Ticarət Nazirliyinin bu qərarından 60 Danimarka şirkəti ziyan çəkəcək

Sudanın Ticarət Nazirliyi prezipdent Ömər əl-Bəşirin göstərişi ilə Danimarka mallarına qarşı boykot elan edib. Bu addım Danimarka qəzetlərində Məhəmməd peyğəmbərin karikaturalarının dərcinə etiraz əlaməti olaraq atılıb. Nazirliyin qərarından 60 Danimarka şirkəti ziyan çəkə bilər.

Nişanı Türkiyənin baş nazirinə Hacı Allahşükür Paşazadə təqdim edib

Türkiyədə səfərdə olan Qafqaz Müsəlmanları Dini İdarəsinin rəhbəri, bütün Qafqazın şeyxi Hacı Allahşükür Paşazadə Türkiyənin baş naziri Rəcəb Tayyib Ərdoğanı "Şeyxülislam nişanı" ilə təltif edib.

Məktəb direktoru işdən qovulan müəllimə ilə bağlı məsələyə münasibət bildirib

Xəbər verdiyimiz kimi, Bakının Yasamal rayonunda yerləşən 20 nömrəli məktəbin ikinci sinif müəlliməsi Natalya Melnikova işdən qovulub. Bununla bağlı redaksiyamıza müraciət edən valideynlər onun hicab bağladığı üçün məktəbdən xaric olunduğunu bildirmişdilər. İslam.az saytı məsələ ilə bağlı məktəbin direktoru Əkbər Qocayevin münasibətini öyrənib.

Bu ilin fevral ayının 27-28-də Bakıda Azərbaycan Marketinq Cəmiyyəti (AMC) və İslam İnkişaf Bankının (İİB) təşkilatçılığı ilə "İslam maliyyəsi və onun Azərbaycanda perspektivləri" mövzusunda beynəlxalq seminar keçiriləcək.

Qafqaz Müsəlmanları İdarəsinin sədri şəhid əsgərlərin ruhuna dualar oxuyub

Türkiyədə rəsmi səfərdə olan Qafqaz Müsəlmanları İdarəsinin (QMİ) sədri Hacı Allahşükür Paşazadə Şimali İraqda keçirilən terror əməliyyatlarında şəhid olan əsgərlərin cənazə namazında iştirak edib.

İran parlamentində yeni İslam Cəza Qanunu layihəsi müzakirə edilməkdədir. Bu qanun qəbul edilərsə, islamı tərk edərək başqa dinlərə keçənlərə edam hökmü çıxarılacaq.
Sosioloqların dediyinə görə, son illər İranda müsəlman vətəndaşlar bəzən İslamı tərk edib başqa dinlərə, o cümlədən də zərdüştilik və xristianlığa üz tuturlar. Bunun cəzası isə İrandakı islam fiqhinə görə edamdır.

Bu barədə prezidentin mətbuat xidməti açıqlama yayıb

Türkiyə prezidenti Abdulla Gül universitetlərdə hicaba icazə verən konstitusiya dəyişikliyini təsdiqləyərək rəsmi qəzetdə nəşr edilməsi üçün hökumətə təqdim edib. CNNtürk-ün verdiyi xəbərə görə, bu barədə prezidentin mətbuat xidməti açıqlama yayıb.

Qurum kosmetikada halal-haram fərqi olmadığını bildirib

Türkiyənin rəsmi din qurumu olan Diyanet işleri başkanlığı tərkibində spirt olmadığı üçün "halal kosmetika məhsulları" mövzusunda açıqlama verib. Qurum kosmetikada halal-haram fərqi olmadığını və belə məhsulların təmizlik, gigiyena və xoş ətir məqsədi ilə istifadə etməyin mümkün olduğunu bildirib.

Müəllimə hicaba görə işlədiyi məktəbdən qovulub

Bakının mərkəzində, Parlament prospektində yerləşən 20 nömrəli məktəbin ibtidai sinif müəlliməsi Natalya Melnikova hicab bağladığına görə işdən qovulub. İslam.az saytına məlumatı həmin müəllimənin şagirdlərinin valideynləri veriblər.

Bakının Nardaran qəsəbəsində Məhəmməd peyğəmbərin (s) karikaturalarının Danimarka qəzetlərində yenidən dərc olunmasına etiraz əlaməti olaraq mitinq keçirilib. Qəsəbənin İmam Hüseyn meydanında keçirilən mitinqdə çıxış edən qəsəbə sakini Hacı Əli Hüseynov deyib ki, müsəlman dünyasının inkişafı İslam düşmənlərini aqressivləşdirib və onlar Məhəmməd peyğəmbəri təhqir etməklə müsəlmanlardan qisas almağa cəhd ediblər.