İslam Azərbaycanda (İslam.Az)

Bakının Nardaran qəsəbəsində Danimarka qəzetlərində yenidən Məhəmməd peyğəmbərin (ə.s.) karikaturalarının dərc olunmasına və Fələstində baş verən son hadisələrə etiraz əlaməti olaraq mitinq keçirilib. Qəsəbənin Imam Hüseyn meydanında keçirilən etiraz aksiyasında ABŞ, Israil və bəzi Qərb dövlətlərinin əleyhinə şüarlar səsləndirilib.

Azərbaycanda dini ədəbiyyat və dini mövzuda olan audiovizual əsərlərin ölkəyə gətirilməsi, satışı və yayılmasına nəzarət gücləndiriləcək. Bu barədə Azərbaycan Müəllif Hüquqları Agentliyinin monitorinq qrupunun rəhbəri Alı İsmayılov məlumat verib.

Məkkədə Məscid-ül-Həram məscid kompleksinin ərazisi genişləndirilir. Yenidənqurma işləri çərçivəsində məscid kompleksinin ərazisi 300 min kvadratmetr genişləndiriləcək. Bu isə Həcc mərasimi zamanı Məscid-ül-Həramda daha yarım milyon zəvvarın öz dini borcunu yerinə yetirməsinə imkan verəcək.

İKT-nin Dakarda keçirilən iclasında təşkilatın nizamnaməsinin yeniləşmiş variantı müzakirə olunur. Seneqalın paytaxtı Dakarda İslam Konfransı Təşkilatına (İKT) üzv ölkələrin xarici işlər nazirlərinin 11-ci sessiyası davam edir.

Bazar ertəsi Dakarda İslam Konfransı Təşkilatının (İKT) xarici işlər nazirləri səviyyəsində 11-ci sessiyası öz işinə başlayıb. Bu barədə "Trend News"-a bu gün İKT-nin mətbuat xidmətindən məlumat veriblər.

Türkiyədə hicab problemini islamçılar yaradır. Bu barədə Türkiyənin eks-prezidenti, nüfuzlu siyasi xadim Süleyman Dəmirəl Eko Enerji jurnalına müsahibəsində bildirib. O, islamçıların qadın baş örtüyü – hicab problemindən özlərinin irəliləyən məqsədlərinin reallaşdırılması üçün istifadə etdyini qeyd edib.

Pravoslav xristianlarda Böyük pəhriz başlayır. Böyük pəhrizin birinci günündə Ümümi Rusiyanın və Moskvanın Patriarxı Aleksey II kilsədə ibadətə başlayacaq. Bu barədə Moskva partiarxiyanın mətbuat xidmətindən xəbər veriblər.
Böyük pəhriz xristianları Pasxa bayramını ləyaqətlə qarşılamağa hazırlayır.

"Avropanın bəzi xristian şəhərlərində- London, Münhen, Hamburq, lap elə ABŞ-ın San-Fransisko şəhərində məscid sayı Bakıdan çoxdur"

Dostları adanalı Mahmudu mömin müsəlman kimi tanıyırdılar. Amma o, mənşəyinə görə İslamdan xeyli uzaq, məscidə getməyə tövbə demişlərin təriqəti olan nüseyriliyin təmsilçisi idi. İslamla yaxından ilk tanışlığı 1997-cı ildə Güney Azərbaycanda, daha dəqiqi, Təbrizdə olmuşdu və orada şiəliyi qəbul etmişdi. O vaxtdan Mahmud namazını məsciddə qılmağa çalışırdı, bir dəfə də olsun Cümə namazını keçirmirdi.

Roma papası 16-cı Benedikt ənənəvi bazar messasında (katolik ibadəti) Yaxın Şərqdə sülhə çağırış edib: "Ötən iki gün ərzində zorakılıq və dəhşət yen üzünü yenə al qana boyayıb" deyən pontifik minlərlə dindara müraciət edib.

Türkiyənin apellyasiya məhkəməsi - Yarğıtay "nurçular" adlandırılan dini cərəyanın lideri Fətullah Gülən haqqında bəraət qərarı verən Ankara 11-ci Ağır Cəza Məhkəməsinin hökmünü təsdiqləyib. Bununla da hazırda ABŞ-da yaşayan F. Gülənin vətənə dönüşü üçün bütün hüquqi əngəllər aradan qalxıb.