İslam Azərbaycanda (İslam.Az)

Bu sistemdə xəritə və peyklə qiblənin yeri müəyyənləşdirilə bilər

Dünyanın ən böyük axtarış sistemlərindən biri olan Google artıq harada olursa olsun qibləni tapmaqda müsəlmanlara köməklik edəcək. Bundan sonra müsəlmanlar Google axtarış sistemində olan xəritə və peyk xidmətindən istifadə edərək qiblənin yerini asanlıqla təyin edə biləcəklər.

Bu gün Qafqaz Müsəlmanları İdarəsinin sədri Şeyxülislam Hacı Allahşükür Paşazadə Vatikanın dövlət katibi, kardinal Tarçizio Bertoneni qəbul edib. A. Paşazadə kardinalın səfəri çərçivəsində Bakıda "Müqəddəs Məryəm" kilsəsinin açılışını Azərbaycan üçün böyük hadisə adlandırıb: "Bu kilsənin açılışı Azərbaycanın tolerant ölkə olduğunu bir daha təsdiqlədi".

Açılışda prezident İlham Əliyev və xanımı Mehriban Əliyeva iştirak edib

Bu gün Bakıda prezident İlham Əliyev və xanımı Mehriban Əliyevanın iştirakı ilə "Müqəddəs Məryəm" katolik kilsəsinin açılış mərasimi keçirilib. Azərbaycan katolik kilsəsinin rəhbəri Yan Çapla ölkədə mövcud olan dini tolerantlığa görə Azərbaycan rəhbərliyinə minnətdarlığını bildirib.

Dünən Göyçay-Ucar yolunun 7-ci km-də yerləşən, Göyçay rayonuna aid məscidin ərazisində yanğın olub. APA-nın Mil-Muğan bürosunun məlumatına görə, təxminən 2 hektar sahədə 14-15 ağac və kol-kos tamam yanıb.

Vatikanın dövlət katibi, kardinal Tarcizio Bertone bu gün Azərbaycanın xarici işlər naziri Elmar Məmmədyarovla görüşüb. Görüşdə Katolik kilsəsi ilə Azərbaycan arasında münasibətlərin inkişaf etdirilməsi, həmçinin azərbaycanlı gənclərin İtaliyada təhsil alması üçün şəraitin yaradılması məsələri də müzakirə olunub.

Əziz möminlər!

Bildiyimiz kimi, dünya və axirət səadətini hədəf alan İslam dini cəmiyyətin təməli olan ailəni sevgi və qarşılıqlı hörmətə əsaslanan bir qurum olaraq görmüşdür. Qurani-Kərimdə bu barədə belə buyurulmuşdur: "Sizin üçün onlarla ünsiyyət edəsiniz deyə, öz cinsinizdən zövcələr xəlq etməsi, aranızda sevgi və mərhəmət yaratması da Onun qüdrət əlamətlərindəndir. Həqiqətən, bunda düşünən bir qövm üçün ibrətlər vardır" (Rum, 21).

Roma Papası 16-cı Benedikt dinlərarası dialoq çərçivəsində İslam dünyasının dini liderləri və alimləri ilə görüşəcək. Görüş bu ilin noyabrında baş tutacaq. Hər iki dinin nümayəndələri arasında forumun da təşkil edilməsi planlaşdırılır.

Əfqanıstanın yerli rəsmiləri Danimarka və Niderland əsgərlərinin ölkələrini dərhal tərk etməsini tələb edirlər. Məhəmməd Peyğəmbərin (s) karikaturalarını yenidən nəşr edən Danimarka qəzetlərinə və niderlandlı parlamentarinin "Quran"ı qınaq obyektinə çevirən video çarx hazırlamasına qarşı çıxan etirazçılar bu ölkələrin bayraqlarını yandırıblar.

Birləşmiş Ərəb Əmirliklərinin (BƏƏ) paytaxtı Əbu Dabidə dünyanın üçüncü ən böyük məscidi tikilərək istifadəyə verilib. Bu dövlətin qurucusu hesab edilən Şeyx Zayed bin Sultan Əl Nayanın adına olan məscid bir çox xüsusiyyətinə görə, rekordlar kitabına namizəddir.

Müqəddəs Taxt-Tacın Dövlət Katibi kardinal Tarçizio Bertone cümə axşamı Bakıya rəsmi səfərə gəlib. Martın 9-dək davam edən səfər çərçivəsində, Dövlət Katibinin Azərbaycan prezidenti İlham Əliyev, Baş nazir Artur Rasizadə, xarici işlər naziri Elmar Məmmədyarov və digər rəsmi şəxslərlə görüşü planlaşdırılıb.