İslam Azərbaycanda (İslam.Az)

Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə fevralın 25-dən martın 1-dək Türkiyə Diyanət İşləri başkanı Əli Bardakoğlunun dəvəti ilə bu ölkədə səfərdə olacaq.

"Erməni Apostol Kilsəsinin Novo-Naxiçevanskaya və Rusiya yeparxiyası adının Azərbaycanın Naxçıvan Muxtar Respublikasının adı ilə heç bir bağlılığı əlaqəsi yoxdur". Bu barədə Moskva merinin müavini Valeri Vinoqradovun Naxçıvan MR Ali Məclisinin sədri Vasif Talıbova göndərdiyi cavab məktubunda bildirilib.

Milli Təhlükəsizlik Nazirliyi (MTN) Balakən Rayon Polis Şöbəsi (RPŞ) ilə birgə rayonda xüsusi əməliyyat keçirib. Bu barədə APA-nın Şəki-Zaqatala bürosuna Balakən RPŞ-nin rəis müavini Loğman İsmayılov məlumat verib. Keçirilən əməliyyat zamanı rayonda radikal dini qruplaşmaların üzvü olmaqda şübhəli bilinən şəxslərin mənzillərində axtarış aparılıb.

Buna səbəb isə market kassirinin niqablı müsəlman qadını məsxərəyə qoyması olub

Amerikanın supermarketlər şəbəkəsi "Wal-Mart" üzündəki niqaba görə məsxərəyə qoyduğu müsəlman müştərisindən üzr istəyib. "Amerika-İslami münasibətlər komitəsi"nin verdiyi məlumata görə fevralın 2-də baş vermiş hadisədə marketin kassiri niqablı qadınla qarətçi kimi rəftar edib və "xahiş edirəm məni qarət etməyin" – deyib.

Hörmətli müsəlmanlar!

Bu günkü xütbəmizin mövzusu camaatla namaz qılmağın fəziləti haqqındadır. Bildiyimiz kimi, namazı camaatla birlikdə qılmaq Həzrəti Peyğəmbərin ən güclü sünnətlərindəndir. Rəsulullah hər zaman camaatla namaz qılmağa səy göstərmiş və camaat namazı haqqında belə buyurmuşdur:

"Camaatla qılınan namaz təkbaşına qılınan namazdan iyirmi yeddi dəfə artıq fəzilətlidir. Əgər möminlər işa və səhər namazlarının camaatla qılınmasının savabını bilsəydilər iməkləyərək məscidlərə tələsərdilər" (Riyazu's-Salihin, c.2, h.1058, 1076).

Bu günlərdə Peyğəmbəri (s) təhqir edən bədnam karikaturaları çap etdirən İsveç qəzetinin baş redaktoru anidən öz iş otağında vəfat edib. İsveç KİV-lərinin yaydığı məlumata görə Peter Melin son dəqiqələrinə kimi çox aktiv fəaliyyət göstərirmiş. Vəfatından əvvəl o günün birinci yarısında İsveç radiosunun və TT informasiya agentliyinin jurnalistlərinə verdiyi müsahibədə Peyğəmbəri (ə.s.) təhqir edən karikaturalardan birini çap etmək qərarını məharətlə müdafiə edib.

Ali məktəblərdə hicaba izn verən konstitusiya dəyişikliyinə qarşı hazırlanan bildirişi Türkiyə anamüxalifətinin lideri Dəniz Baykalın akademik olan oğlu və qızı imzalamayıb.

Danimarka parlamentinin deputatları İrana gözlənilən səfəri təxirə salıb. Buna səbəb rəsmi Tehranın Danimarka qəzetlərində Məhəmməd peyğəmbərin karikaturalarının dərcinə görə üzrxahlıq tələbidir. On danimarkalı deputatın səfəri fevralın 18-dən başlanmalıydı.

Azərbaycandakı yəhudi təşkilatları yerləşdikləri ərazilərin mühafizəsinin gücləndirilməsi xahişi ilə hüquq-mühafizə orqanlarına müraciət edib. Bu barədə Azərbaycanın Daxili İşlər Nazirliyinin mətbuat xidmətindən bildirilib. Nazirlikdən onu da bildiriblər ki, artıq müraciətə müsbət cavab verilərək, təhlükəsizliyin gücləndirilməsi barədə zəruri tədbirlər görülüb.

"İlk dəfə bu karikaturalar qəzetlərdə nəşr olunanda danimarkalı olduğum üçün çox utanmışdım"

Danimarkada universitet tələbəsi "facebook" tanışlıq portalında "Məhəmməddən üzr istəyirik" adlı qrup yaradıb. Qrupun hədəfi, Danimarka ictimaiyyətindəki bütün insanların karikaturaları nəşr edən qəzetlərlə eyni fikirdə olmadığını göstərməkdir.