İslam Azərbaycanda (İslam.Az)

Əfqanıstanın yerli rəsmiləri Danimarka və Niderland əsgərlərinin ölkələrini dərhal tərk etməsini tələb edirlər. Məhəmməd Peyğəmbərin (s) karikaturalarını yenidən nəşr edən Danimarka qəzetlərinə və niderlandlı parlamentarinin "Quran"ı qınaq obyektinə çevirən video çarx hazırlamasına qarşı çıxan etirazçılar bu ölkələrin bayraqlarını yandırıblar.

Birləşmiş Ərəb Əmirliklərinin (BƏƏ) paytaxtı Əbu Dabidə dünyanın üçüncü ən böyük məscidi tikilərək istifadəyə verilib. Bu dövlətin qurucusu hesab edilən Şeyx Zayed bin Sultan Əl Nayanın adına olan məscid bir çox xüsusiyyətinə görə, rekordlar kitabına namizəddir.

Martın 13-14-də Seneqalın paytaxtı Dakar şəhərində İslam Konfransı Təşkilatının (İKT) 11-ci sammiti keçiriləcək. Sammitdə onillik fəaliyyət planının reallaşdırılması, İKT Nizamnaməsinə dəyişikliklər, quruma üzv dövlətlər arasında iqtisadi əməkdaşlıq perspektivlərinin araşdırılması məsələləri müzakirə olunacaq.

Amerika prezidenti Corc Buş İslam Konfransı Təşkilatına (İKT) Amerikanın ilk xüsusi nümayəndəsi təyin edilib. Bu Pakistan əsilli, 57 yaşlı iş adamı, yüksək texnologiya sahəsində rəhbər işlərdə çalışmış Sada Kumberidir.

Kardinal Tarsisio Bertone İrəvana dünən gəlməli idi

Vatikanın dövlət katibi, kardinal Tarsisio Bertone İrəvanda baş vermiş hadisələrlə əlaqədar Ermənistana səfərini təxirə salıb. Qeyd edək ki, Tarsisio Bertone İrəvana martln 2-də gəlməli və martın 6-dək Ermənistanda qalmalı idi.

Danimarkada Məhəmməd Peyğəmbərin dərc edilməsinə qarşı etiraz aksiyaları davam edir. Bu gün Pakistanda və Əfqanıstanda növbəti aksiyalar keçirilib. Aksiyada toplaşan 500 nəfərə yaxın dindar Danimarkanı Peyğəmbərin şəkillərini dərc etdiyi üçün qınayıb.

Türkiyə müxalifəti universitetlərdə baş örtüyündən istifadəyə icazə verən Konstitusiya dəyişikliyinin ləğvi tələbi ilə Konstitusiya Məhkəməsinə müraciət edib. Müraciət bu gün Cümhuriyyət Xalq Partiyası və Demokratik Sol Partiyasından olan 111 və bir müstəqil millət vəkilinin imzası ilə Konstitusiya Məhkəməsinə təqdim olunub.

Xaker dağıtdığı saytlara, ayaq izi əks olunan Danimarka bayrağı yerləşdirib

Məhəmməd (əs) Peyğəmbərin karikaturalarının danimarka KİV-lərində təkrarən dərc edilməsinə etiraz əlaməti olaraq, Səudiyyə Ərəbistandan olan xaker Danimarka şirkət və ictimayi təşkilatlarına məxsus minlərlə saytı dağıdıb.

Ticarət Nazirliyinin bu qərarından 60 Danimarka şirkəti ziyan çəkəcək

Sudanın Ticarət Nazirliyi prezipdent Ömər əl-Bəşirin göstərişi ilə Danimarka mallarına qarşı boykot elan edib. Bu addım Danimarka qəzetlərində Məhəmməd peyğəmbərin karikaturalarının dərcinə etiraz əlaməti olaraq atılıb. Nazirliyin qərarından 60 Danimarka şirkəti ziyan çəkə bilər.

İran parlamentində yeni İslam Cəza Qanunu layihəsi müzakirə edilməkdədir. Bu qanun qəbul edilərsə, islamı tərk edərək başqa dinlərə keçənlərə edam hökmü çıxarılacaq.
Sosioloqların dediyinə görə, son illər İranda müsəlman vətəndaşlar bəzən İslamı tərk edib başqa dinlərə, o cümlədən də zərdüştilik və xristianlığa üz tuturlar. Bunun cəzası isə İrandakı islam fiqhinə görə edamdır.