İslam Azərbaycanda (İslam.Az)

2007-ci il sentyabrın 26-da Qusar rayonunda iki polisi yaralayaraq hadisə yerindən qaçan vəhhabi təriqətinə mənsub rayon sakini 31 yaşlı Telman Abdullayev barəsindəki cinayət işinin istintaqı dayandırılıb. Qusar rayon Prokurorluğundan bildirilib ki, indiyədək T. Abdullayevi tutmaq mümkün olmayıb, hazırda onun axtarışı davam etdirilir.

AKP və MHP-nin birgə irəli sürdüyü təklifin qəbul ediləcəyinə şübhə yoxdur

Türkiyə parlamentinin Konstitusiya komissiyası ali təhsil qurumlarında baş örtüsünə qoyulan qadağanın ləğvinə dair təklifi müzakirəyə çıxarıb. Xəbər verildiyi kimi, təklifi iqtidarda olan AKP ilə müxalifətdəki MHP birgə irəli sürüb.

Türkiyə Silahlı Qüvvələrinin başçısı: "Bizim baş örtüsü məsələsində nə düşündüyümüzü bilməyən yoxdur"

Türkiyə Silahlı Qüvvələrinin Baş Qərargah rəisi general Yaşar Böyükanıt Makedoniya Silahlı Qüvvələrinin Baş qərargah rəisini qəbul edərkən görüşün bir hissəsini mətbuata açıq elan edib və bu zaman universitetlərdə baş örtüsü qadağasının götürülməsi ilə bağlı müzakirələrə münasibət bildirib.

Dövlət Baxçalı universitetlərdə baş örtüyü qadağasının görülməsinə qarşı çıxan CHP-ni sərt təndiq etdi

Türkiyədə uzun müddət siyasi gərginlik və mübahisə predmetinə çevrilən qadınların baş örtüyü problemi qismən həllini tapıb. Bu, iqtidardakı AKP ilə müxalifətdəki MHP arasında anlaşma sayəsində baş tutub.

"Bu günlərdə bədnam hollandiyalı sağ radikal Heyert Vilders növbəti dəfə ifrat islamofob ifadələrə yol verib". Bu barədə Dini Etiqad Və Vicdan Azadlıqlarını Müdafiə Mərkəzinin sədri, İçərişəhər "Cümə" məscidinin imam-camaatı İlqar İbrahimoğlunun yaydığı bəyanatda bildirilir.

Əziz müsəlmanlar!

İslam dini həyatın hər yönündə, hər istiqamətində insanlara ən doğru və ən mükəmməl yolu göstərmiş, həyatı gözəlləşdirib firavan hala gətirmək üçün sosial münasibətlərə böyük əhəmiyyət vermişdir. Çünki İslam birlik və bərabərlik içində yaşamağı, qarşılıqlı olaraq sevgi və ehtiram ilə yardımlaşmağı, sözdə və əməldə ən gözəl nümunə olmağı, yaxşılığa və doğru olana çağırmağı və cəmiyyət xidmətində yaxşı və gözəl şeylər etmək üçün yarışmağı daima ön plana çəkmişdir. Çünki İslamın qayəsi insanlar üçün sağlam, firavan və səadət dolu bir həyatdır.

Azərbaycan prezidenti İlham Əliyev İslam Konfransı Təşkilatının Dakarda keçiriləcək sammitinə dəvət olunub. Bu barədə jurnalistlərə Seneqal prezidentinin İcra Aparatının rəhbəri Abdoulaye Balde məlumat verib.

Afina və Bütün Yunanıstanın dini lideri, arxiyepiskop Xristodolusun vəfatı ilə bağlı Yunanıstanın Bakıdakı səfirliyində anım mərasiminin keçirilməsi nəzərdə tutulur. Səfirliyin mətbuat və ictimaiyyət ilə iş üzrə əlaqələndiricisi Nərgiz Əsədovanın APA-ya verdiyi məlumata görə, vətəndaşlar səfirlikdə açılacaq başsağlığı kitabına öz ürək sözlərini yanvarın 30-da saat 11-dən 16-dək yaza bilərlər.

Türkiyənin hakim Ədalət və İnkişaf Partiyası ilə Milliyyətçi Hərəkat Partiyası arasında 5 saat davam edən müzakirələrdən sonra təhsil ocaqlarına hicabla gələnlərin hicabı çənə altından bağlaması, yəni üzünü açıq saxlaması barədə razılıq əldə olunub.

Helmut Şmit daha əvvəl "Tövrat" və "İncil"i də tam oxumadığını etiraf edib. Almaniyanın keçmiş baş naziri Helmut Şmit müsəlmanların müqəddəs kitabı "Quran"ı əvvəldən axıradək oxumaq istədiyini bildirib. Keçmiş baş nazir "Die Zeit" qəzetinə verdiyi müsahibədə, "Quran" kitabını tanımadığını və ilk dəfə oxuyacağını bildirib.