İslam Azərbaycanda (İslam.Az)

"Nərimanov rayon dindarları" dini icmasının rəhbəri, "Əbu-Bəkr" məscidinin imamı Qamət Süleymanovun Lent.az-a müsahibəsi

Qafqaz Müsəlmanları İdarəsinin Qazılar Şurasının üzvü Hacı Mirəziz Seyidzadənin sözlərinə görə, Türkiyə ilə Azərbaycanın arasında olan 2 saatlıq zaman fərqi Ramazanın Azərbaycanda bir gün gec başlamasına səbəb olub: "Buna görə də Türkiyədə ay bir gün əvvəl görünür".

Avqustun 12-də Qax şəhərində, şəhər sakini Vüsal Bəkirov, Yevlax rayon sakini Yusif Səmədov, Bakı şəhər sakinləri Aybəniz Mahmudova, Eldar Əliyev, Zaqatala rayon sakini Rəqsanə Əliyeva və onun qardaşı Ceyhun "Yəhova Şahidləri" dini təriqətini təbliğ etdikləri üçün Qax RPŞ əməkdaşları tərəfindən saxlanılıblar.

Fransa hökuməti müsəlman qadınlara üzgüçülük hovuzlarında "burkini" (başı bağlı üzgüçülük geyimi) geyinməyi qadağan edib. Hovuz rəhbərliyindən bildirilib ki, bu cür geyim ictimai hovuz yerləri üçün "münasib" deyil.

Məhəmməd Hollandiyada ən çox sevilən ad hesab olunur. Bu ad Hollandiyanın böyük şəhərlərində yeni doğulan oğlan uşaqlarına ən çox verilən adlardan biridir.

Dövlət prokurorlara, məhkəmələrə maaş verdiyi kimi, axundlara da maaş verməlidir. Qubanın axundu Hacı Mirələsgər Qafqaz Müsəlmanları İdarəsinin 12-ci qurultayında çıxış edərək belə deyib.

Bakı İslam Universitetinə lisenziya verilməsi məsələsi artıq həll edilib. Belə ki, Təhsil Nazirliyi həftənin sonunda lisenziya sənədini imzalayıb universitetə təqdim ediləcəyini vəd edib.

DSX-nın mətbuat mərkəzindən verilən məlumata görə, bu il avqustun 5-də radikal dini qrup üzvləri tərəfindən Rusiya Federasiyasından Azərbaycanın Qusar rayonu Samur qəsəbəsi istiqamətindən qeyri-qanuni yolla külli miqdarda dini ədəbiyyatın keçirilməsi cəhdinin qarşısı alınıb.

Dünyanın ən hündür zirvəsi olan Comolunqmada (Everest) ilk əzan səudiyyəli alpinist əz-Zəvman tərəfindən oxunub. Zirvəyə qalxan səudiyyəli alpinist Faruq ibn Səad əz-Zəvman krallıq mətbuatına müsahibəsində zirvəyə əzan oxumaq məqsədilə çıxdığını bildirib.

Artıq Azərbaycanın bütün məscidlərində cümə namazı qılınacaq. "Ölkədə bütün məscidlərdə cümə namazlarının qılınması bərpa ediləcək, şiələr və sünnilər arasında ayrı-seçkilik salmaq yolverilməzdir", - deyə QMİ sədri Allahşükür Paşazadə bildirib.