İslam Azərbaycanda (İslam.Az)

Bu gün Moskvada Müqəddəd Daniil Monastırının Sütunlu Zalında (Moskva və Ümumrusiya patriarxının iqamətgahında) UNESCO yanında Dini Liderlərin Məşvərətçi Qrupunun təsis yığıncağı keçirilib.

Uzun illər formasını geyindiyi "Milan"ı Madrid "Real"ına dəyişən Kaka dinə bağlığılığını bir daha sübut edəcək. Belə ki, braziliyalı futbolçu həyat yoldaşı ilə birlikdə Madriddə kilsə açacaq. Bu barədə Kakanın arvadı Karolina məlumat verib.

Somalidə islamçı yaraqlılar BMT-nin iki ofisinə hücum edib. BMT-nin məlumatına görə ƏL-Şabab qruplaşması Baidoa və Vadjid şəhərlərindəki binalarından texnika və bir neçə maşını götürüblər, zərərçəkən olmayıb.

Yəməndən gələn məlumatlara görə, şiə və sünni müsəlmanlar arasında dini zəmində gedən toqquşma nəticəsində 10 adam həlak olub. Bu barədə ANS PRESS BBC-yə istinadən bildirir.

Dinlərarası dialoq üzrə yüksək səviyyəli işçi qrupun yığıncağında iştirak etmək üçün Rusiya paytaxtında olan bütün Qafqazın şeyxi Hacı Allahşükür Paşazadə bu gün Rusiya prezidenti Dmitri Medvedyevin qəbulunda olacaq. Moskva və bütün Rusiyanın patriarxı Kirillin sədrlik edəcəyi yığıncaq isə iyulun 22-də Moskvadakı müqəddəs Daniil monastırında keçiriləcək.

Azərbaycanın Qax rayonunda qanunsuz dini təbliğatla məşğul olan bir qrup şəxs saxlanılıb. Bu barədə APA-nın Şəki-Zaqatala bürosuna Qax rayon Polis Şöbəsindən məlumat verilib.

Anqolada "bədənlərinə cin daxil olmaları" səbəbindən bir evdə qapalı şəraitdə saxlanılan 29 uşaq xilas olunub. Uşaqlar 'God is Alive' (Tanrı Yaşayır) adlı dini qrupun liderinin evində saxlanılırmış. Dini lider istintaqa çağırılsa da, onun saxlanılıb-saxlanılmadığı barədə məlumat verilmir.

Azərbaycan, Ermənistan və Rusiyanın dini liderləri Dağlıq Qarabağ münaqişəsini müzakirə etmək üçün görüşəcəklər. Ermənistanın Apostol və Rusiyanın Pravoslav kilsələrinin başçıları, həmçinin Qafqaz Müsəlmanları İdarəsinin sədri Hacı Allahşükür Paşazadə Moskva və bütün Rusiyanın patriarxı Kirilin də qoşulması ilə üçtərəfli görüşün davam etdirilməsi planlaşdırır.

Roma Papası XVI Benedikt xəstəxanaya aparılıb. Buna səbəb Roma Papasının biləyinin zədələnməsidir. Belə ki, XVI Benedikt Alp dağlarında istirahət edərkən yıxılıb və biləyindən zədə alıb. Həkimlər onun həyatına təhlükə olmadığını açıqlayıblar.

Rusiyanın Sankt-Peterburq şəhərinin Primorsk rayonunda məscid açılıb. "Tatar-inform"un məlumatına görə, bu, "şimal paytaxtında" ikinci məscid olacaq.