İslam Azərbaycanda (İslam.Az)

"Hizbullah" lideri bunun müqabilində təşkilat üzvünün həbsdən azad edilməsini tələb edib

"Hizbullah" lideri Həsən Nəsrulla Livan telekanallarından birinə müsahibə verərək əsir götürülən yəhudi əsgərlərinin qaytarılması ehtimalının olduğunu deyib. "Hizbullah" lideri dənizdə boğulan yəhudi əsgərinin cəsədini təşkilat üzvünün həbsdən azad edilməsi və daha 2 üzvün cəsədinin qaytarılması qarşılığında dəyişdirməyə razı olduqlarını bildirib.

Dindarlar ocağın ətrafında dua edərkən alovlar formasını dəyişərək xalqı salamlayan papa siluetinə dönüb

Vatikan, II İohan Pavelin yanan ocaqda görünərək xalqı salamladığı iddia edilən foto şəklini Katoliklərə təqdim edib. Foto şəkil 6 ay əvvəl çəkilsə də, Vatikan bu barədə indiyə qədər susub. İddiaya görə bir qrup polşalı dindar II İohan Pavelin ölüm ildönümü tədbirində ocağın ətrafında dua edərkən, alovlar formasını dəyişərək xalqı salamlayan papa siluetinə dönüb. Bunu görən dindarlar daha da bərkdən dua etməyə başlayıblar.

Kondaliza Rays: "Üç təkallahlı din - İslam, xristianlıq və iudaizm region xalqlarını birləşdirmək iqtidarındadır"

ABŞ-ın dövlət katibi Kondaliza Rays İsa peyğəmbərin tarixi doğum yeri sayılan kilsəni ziyarət edib. Kondaliza Rays Peyğəmbəri sülhün şahzadəsi adlandırıb və Onun hələ də bizimlə yaşadığını qeyd edib. Kilsədə etdiyi çıxışında xanım Rays deyib ki, üç təkallahlı din - İslam, xristianlıq və iudaizm region xalqlarını birləşdirmək iqtidarındadır. Onun sözlərinə görə, bu dinlərin gücündən bölgə xalqlarını ayırmaq üçün deyil, birləşdirmək üçün istifadə etmək lazımdır.

Kanadanın bir televiziyasında nümayiş olunan və uydurma bir amerikan şəhərindəki müsəlman icmasının həyatından bəhs edən "Çöllükdəki kiçik məscid" adlı komediya serialı Humanitar Fəaliyyət Sahəsində İnsan Haqları təşkilatının Nyu-York bölməsinin nüfuzlu mükafatına layiq görülüb. "Ortaq məxrəc axtarışında" adlanan bu mükafata əvvəllər Nobel laureatı Dezmond Tutu və ABŞ-ın keçmiş prezidenti Cimmi Karter kimi görkəmli xadimlər layiq görülüblər.

"İsrail" hakimiyyəti Qüds (Yerusəlim) şəhərində müsəlmanlar üçün müqəddəs olan "əl-Əqsa" kompleksinin məğrib qapısının yanında "arxeoloji qazıntı" adı altında aparılan qazıntı işlərini bərpa edir. Bu barədə Nazirliklərarası Komissiya göstəriş verib. Məlumatı news.ru internet saytı yayıb.

Buş adminstrasiyası noyabrda keçirilməsi planlaşdırılan konfransının tarixi və yeri barədə məlumat verməkdən yayınır

Tehranda müqəddəs Ramazan bayramı mərasimlərində çıxış edən İranın Ali dini lideri Ayatullah Əli Xamneyi bütün müsəlman dövlətlərini Birləşmiş Ştatlarının təşkil etdiyi Vaşinqton-Yaxın Şərq sülh konfransını baykot etməyə çağırıb.

Öşvank axtamardan fərqli olaraq gürcü zəvvarları üçün ibadətə açıq olacaq

Türkiyənin mədəniyyət və turizm nazirliyi, gürcülərin hər il kütləvi olaraq ziyarət etdiyi "Oşvank" kilsəsini restavrasiya edəcək. Ərzurum vilayətinin Çamlıyamac kəndindəki min illik qədim kilsə gürcülər üçün böyük əhəmiyyət kəsb edən 4 kilsədən biridir.

Məktub müsəlman və xristianlar arasında daha çox qarşılıqlı anlaşma yaradılmasına çağırır

130-dan çox müsəlman din xadimi Roma papası XVI Benediktə və başqa xristian liderlərinə müraciət ünvanlayıblar. Məktubda onlar müsəlman və xristianlar arasında daha çox qarşılıqlı anlaşma yaradılmasına çağırılırlar.

Nyu-York şəhərindəki yüksək göydələn yaşıl rəngdə işıqlandırılacaq

Nyu-York şəhərindəki ''Empire State Building'' göydələni ilk dəfə Ramazan bayramı münasibəti ilə yaşıl işıqlarla işıqlandırılacaq. Bundan əvvəl göydələnin rəhbəliyi xristianların Yeni il və yəhudilərin Hanuka bayramında işıqlandırılırdı. 443 metr hündürlükdə olan bina ilk dəfə Ramazan münasibəti ilə işıqlandırılacaq.

Rahiblərin təzyiqlərdən bezərək qaçdığı ya da qətlə yetirildiyi güman edilir

Myanmadakı monastırlarda yaşayan rahiblər müəmmalı şəkildə itkin düşməyə başlayıblar. Rahiblərin təzyiqlərdən bezərək qaçdığı ya da qətlə yetirildiyi güman edilir. Meksikalı jurnalist Bernardo Denizin sözlərinə görə, Myanmanın ikinci böyük monastrında əvvəllər 1500-dən çox rahib olduğu halda indi cəmi 100 rahib qalıb. Taylanddakı siyasi məhkumlara yardım təşkilatının məlumatına görə, müxalifət liderləri polis bölmələrində zorakılığa məruz qalıb və hətta qətlə yetiriliblər.