İslam Azərbaycanda (İslam.Az)

Azərbaycan Vətən Müharibəsi Veteranları Birliyinin (AVMVB) "İslam sülhün və qardaşlığın rəmzidir" adlı layihə çərçivəsində Bakıdan Məkkəyə piyada gedən iki üzvü - Şahid Qurbanov və Sahib Kazımovun Səudiyyə Ərəbistanına keçməsi üçün viza verilmir.

Dekabrın 3-də Azərbaycanın paytaxtından 29 avtobusla Həcc ziyarətinə yola düşən zəvvarlardan bir hissəsi artıq İran İslam Respublikasının ərazisinə daxil olub. Bu barədə Qafqaz Müsəlmanları İdarəsinin (QMİ) mətbuat xidmətinin rəhbəri Hacı Akif Ağayev məlumat verib.

Dekabrın 4-də Qüds şəhərində Orta Şərqdə sülhə dair dinlərarası sammit öz işinə başlayıb. Parlamentin mətbuat xidmətindən verilən məlumata görə, tədbirdə Milli Məclisin deputatı Həvva Məmmədova da iştirak edir.

Azərbaycanlı zəvvarların həcc ziyarətinə səfəri başlayır. Zəvvarların ilk qrupu dekabrın 3-ü axşam saat 23:00-da Azadlıq meydanından yola salınıblar.

Forumda əlaqədar dövlət orqanlarına, ictimai qurumlara, media nümayəndələrinə müraciət ünvanlanıb. Dekabrın 3-də "Hicab: seçimimiz, azadlığımız, hüququmuz" mövzusunda 2-ci forum keçirilib. Forumda hicablı qadınların problemlərindən danışılıb.

Şəki rayonunun mərkəzi məscidində güclü yanğın baş verib. Bu barədə rayon sakinləri məlumat verib. Sakinlərin sözlərinə görə, səhər saatlarında baş vermiş yanğın məscidin böyük hissəsini bürüyüb.

Rayonda protestantlığı yayan qadının evindən xeyli sayda dini ədəbiyyat aşkar edilərək götürülüb

Son bir ildə cənub bölgəsində qeyri-ənənəvi dini cərəyanların təbliğatı ən çox Astara rayonunda qeydə alınıb. Belə ki, Astarada protestantlığı yayan bir qadının evindən xeyli sayda dini ədəbiyyat aşkar edilərək götürülüb. Lənkəranda mədh kilsəsinin tərəfdarları, Neftçalada isə nurçular aşkarlanaraq zərərsizləşdirilib. Bununla əlaqədar dini qurumlarla iş üzrə dövlət komitəsi bu ilin iyul ayından başlayaraq respublikanın bütün şəhər və rayonlarında 140 seminar treninq keçirib. İlin sonuna qədər bu tədbirlərin 174-ə çatdırılacağı gözlənilir.

Nazirlər Kabinetinin sərəncamına əsasən, yeni illə əlaqədar hökumət istirahət günlərinin sayını uzadıb

Bu il ölkədə Qurban bayramı dekabrın 20, 21, 22 və 23-də keçiriləcək. Bununla bağlı Nazirlər Kabinetinin verdiyi sərəncamda qeyd edilib ki, dörd gün istirahət günü olacaq. Nazirlər Kabinetinin sərəncamına əsasən, yeni illə əlaqədar hökumət istirahət günlərinin sayını uzadıb. Sərəncama görə, dekabrın 29, 30-u, yanvarın 1, 2, 3-ü bayram ediləcək.

Mərkəz "İmdad Komitəsi"nin himayəsində olan yoxsul insanlara pulsuz xidmət edəcək
İranın "İmam Xomeyni İmdad Komitəsi"nin sədri Hüseyn Ənvari bu gün Bakıda İmam Əli adına tibbi mərkəzin açılışında iştirak edib. Qeyd edək ki, tibbi mərkəz müasir və yüksək keyfiyyətli avadanlıqlarla təchiz olunub. Yalnız avadanlıqların alınmasına 100 min dollar qədər vəsait xərcəlnib. Tibbi mərkəzdə ilk yardım, kiçik cərrahiyyə, elektron kardioqram, ultrasəs və digər xidmətlər göstəriləcək.

Bir neçə gün sonra müsəlmanların müqəddəs Həcc ziyarəti başlayır. Hər il olduğu kimi, bu il də dünyanın müxtəlif ölkələrindən olan inanclı insanlar müqəddəs torpaqlara yollanacaq. APA-nın apardığı sorğu zamanı məlum olub ki, bu il Həccə gedəcək azərbaycanlı zəvvarlar arasında mədəniyyət xadimləri də var. Belə ki, xalq artisti Azər Zeynalov, muğam ifaçısı Səfa Qəhrəmanov, Azərbaycan Dövlət Akademik Milli Teatrının aktyoru Cəfər Namiq Kamal və müğənni Nadir Bayramlı da ziyarətdə iştirak edəcəklər.