İslam Azərbaycanda (İslam.Az)

"İslam dinini Qurani-Kərimdən öyrənmək lazımdır". Bu eksklüziv açıqlamanı APA-nın Türkiyə bürosuna bu ölkənin Azərbaycanda sabiq dini işlər attaşesi Əbdülqadir Sezgin verib.

"Azərbaycanda fəaliyyət göstərən türk liseylərində şagirdlərə dinin aşılanması faktının şahidi olmamışam. Bu faktı yoxlamaq üçün dəfələrlə həmin məktəblərə gözlənilməz səfərlər etsəm də, belə hala rast gəlinməyib. Bir də ki, əgər müsəlman nazam qılırsa, biz onu qəbahət saymalıyıq?"

İslam Universitetinin rektoru Hacı Sabir Həsənli məscidlərdə azan verilməsi ilə bağlı problemləri araşdırmaq üçün Zaqatalaya yola düşəcək. Onun bildirdiyinə görə, Zaqatala rayon rəhbərliyinin azanın səsləndirilməsinə qadağa qoyması barədə mətbuatda yazılanları narahatlıqla qarşılayır.

Azərbaycan Vətən Müharibəsi Veteranları Birliyinin (AVMVB) "İslam sülhün və qardaşlığın rəmzidir" adlı layihəsi çərçivəsində Bakıdan Məkkəyə piyada gedən üzvü Şahid Qurbanovun Məkkəyə çatmasına 400 kilometrə yaxın məsafə qalıb.

Həcc ziyarətinə avtobusla gedən azərbaycanlı zəvvarlar bu gün axşam Mədinədən Məkkəyə yola düşəcəklər. Bu barədə Azərbaycanlı zəvvarları Həcc ziyarətinə aparan birinci avtobus karvanının qrup rəhbərlərindən olan Hacı Qəni Axundov məlumat verib.

Bütün azərbaycanlı zəvvarlar sağ-salamat Səudiyyə Ərəbistanına çatıblar və tədricən, lazımi ayinlərin icrasına başlayırlar. Bu barədə çərşənbə günü Qafqaz Müsəlmanları İdarəsindən (QMİ) verilən məlumatda bildirilir.

Qafqaz Müsəlmanları İdarəsi yaranmış çətinlikləri avtobusların vaxtından tez müqəddəs torpaqlara çatması ilə izah edir. Həcc ziyarətinə avtobusla yola düşən azərbaycanlı zəvvarlar artıq Mədinədədirlər. Lakin onlar yol-boyu bir sıra problemlərlə rastlaşıblar.

Şimal bölgəsinin məşhur inanc yerlərindən sayılan "Vələmir" pirinin mərkəzi hissəsində naməlum şəxslər tərəfindən qazıntı işləri aparılıb. Xaçmaz rayon Müxtədir kənd sakinlərinin APA-nın Şimal bürosuna verdiyi məlumata görə, qazıntı işləri aparan şəxslərin pirdə nə axtardığı məlum deyil.

Bu gün səhər saatlarında Bakıdan Səudiyyə Ərəbistanına zəvvarları aparan təyyarənin uçuş qrafiki dəyişdirilib. Bu barədə Qafqaz Müsəlmanları İdarəsindən məlumat verilib.

2009-cu ildə Novruz bayramının daha geniş və təntənəli şəkildə qeyd olunması nəzərdə tutulur.