Rayonda protestantlığı yayan qadının evindən xeyli sayda dini ədəbiyyat aşkar edilərək götürülüb

Son bir ildə cənub bölgəsində qeyri-ənənəvi dini cərəyanların təbliğatı ən çox Astara rayonunda qeydə alınıb. Belə ki, Astarada protestantlığı yayan bir qadının evindən xeyli sayda dini ədəbiyyat aşkar edilərək götürülüb. Lənkəranda mədh kilsəsinin tərəfdarları, Neftçalada isə nurçular aşkarlanaraq zərərsizləşdirilib. Bununla əlaqədar dini qurumlarla iş üzrə dövlət komitəsi bu ilin iyul ayından başlayaraq respublikanın bütün şəhər və rayonlarında 140 seminar treninq keçirib. İlin sonuna qədər bu tədbirlərin 174-ə çatdırılacağı gözlənilir.

Cəlilabadda qeyri-ənənəvi dinlər və təriqətlər mövzusunda keçirilən seminar treninq rayonda sayca 2-ci tədbir olub. Seminarın işində Qafqaz müsəlmanları idarəsinin, rayon icra hakimiyyəti, din xadimləri iştirak ediblər. Çıxışlar zamanı Astarada orduya getməyi qadağan edən, protestantlığın və nurçuluğu təbliğ edən, radikal islam sektalarının müəyyən edilməsi və qanun ilə onların qarşısının alınması faktlarına toxunub.