İslam Azərbaycanda (İslam.Az)

Müqtəda əs-Sədr və Abdul Əziz əl-Hakimin rəhbərlik etdikləri şiə qruplaşmaları arasında anlaşma imzalanıb

İraqda şiə liderlər Müqtəda əs-Sədr və İslam İnqilabı Təşkilatının rəhbəri Abdul Əziz əl-Hakim iki şiə təşkilatı arasında münasibətlərin yaxşılaşdırılması barədə razılıq imzalayıblar.

Sərgidə "Quran"ın xəttat üsulu ilə işlənmiş nümunələri nümayiş etdirilir

Rusiyada ilk dəfə olaraq Çeçenistan Respublikasının milli muzeyində "Quran"ların sərgisi keçirilir. Sərgidə "Quran"ın xəttat üsulu ilə işlənmiş gözəl nümunələri, həmçinin "Quran"ı öyrənmə üsulları üzrə xüsusi proqramm təminatları nümayiş olunur.

Müsabiqəyə Rusiya, Qazaxıstan, Tacikistan, İran, Türkiyə, Səudiyyə Ərəbistanı və başqa ölkələrdən olan 100-dən çox iştirakçı qatılıb

Moskvanın cümə məscidində beynəlxalq Quran hafizləri müsabiqəsi başlayıb. Müqəddəs Qurani-Kərimi ən yaxşı oxuyan titulu uğrunda yarışa 100-dən çox iştirakçı qatılıb.

Corc Buş "Amerika dost qəbul etdiyi müsəlmanlara fəxr edir" deyib

ABŞ prezidenti Corc Buş Ramazan ayı münasibəti ilə Ağ Evdə 90 nəfərə iftar yeməyi verib. Ağ Evdə 7-ci dəfə verilən ənənəvi iftar yeməyində xarici işlər naziri Kondaliza Rayz, prezidentin müşaviri Dik Çeyni, müsəlman liderlər və səfirlər iştrak edib.

"Allaha doğru" adlanan sərgi üç gün davam edəcək

Oktyabrin 6-da Bakı Rəsm Qalereyasında gənc fotoqraf Müşfiq Medibəylinin fərdi foto sərgisi təşkil edilib. Ramazan ayı münasibəti ilə keçirilən sərgi "Allaha doğru" adlanır.

Nümayiş iştirakçıları İsrail əleyhinə şüarlar səsləndirərək yəhudi dövlətinin bayrağına od vurublar

İranın paytaxtı Tehranda Qüds günü münasibəti ilə kütləvi nümayiş keçirilib. Nümayişə çoxlu sayda insan qatılıb. Tehran küçələri ilə yürüş edən nümayiş iştirakçıları İsrail əleyhinə şüarlar səsləndirərək yəhudi dövlətinin bayrağına od vurublar. Bütün dünyanın müsəlmanları tərəfindən fələstinlilərə dəstək olaraq qeyd olunan Qüds günü müqəddəs Ramazan ayının son cüməsinə təsadüf edib.

"Həyat yoldaşım Lora və mən müqəddəs Ramazan ayı ilə bağlı ən xoş arzularımzı müsəlımanlara çatdırırıq"

ABŞ prezidenti Corc Buş Ramazan bayramı münasibətilə dünya müsəlmanlarını təbrik edib. "İslam dininin ən müqəddəs ayı olan Ramazan Quranın Məhəmməd peyğəmbərə vəhy olunduğu ayıdır. İbadət edən müsəlmanlar tutduqları oruc və qıldıqları namazla Allah qarşısında borclarını yerinə yetirirlər. Ramazan həmçinin müsəlmanların ailə və ictimai əlaqələrini gücləndirmək və ehtiyacı olanlarla Allahın verdiyi nemətləri bölüşmək imkanı verir. Amerika öz torpağında çoxsaylı dinləri cəmləşdirib. Bizim müsəlman vətəndaşlarımız cəmiyyətimizi zənginləşdirir. Ramazan ayının müqəddəs günləri bizə də şəfqətli olsun və başqaları üçün xeyirxah işlər görməyi yadımıza salsın. Həyat yoldaşım Lora və mən müqəddəs Ramazan ayı ilə bağlı ən xoş arzularımzı müsəlımanlara çatdırırıq. Ramazan bayramınız mübariək!" – deyərək ABŞ prezidenti Corc Buş təbrikini başa vurub.

Oktyabrın 24-də Bakıda "Yaxın və Orta Şərq: dünəni, bu günü, sabahı" mövzusunda beynəlxalq elmi konfrans keçiriləcək. Konfransda Azərbaycan elm xadimləri ilə yanaşı, müsəlman və türk dünyasının görkəmli alimlərinin iştirakı gözlənilir. Bu barədə APA-ya Azərbaycan Milli Elmlər Akademiyasının (AMEA) Ziya Bünyadov adına Şərqşünaslıq İnstitutunun elmi katibi Zəfər Abdullayev məlumat verib. Məlumata görə, konfransda Şərq tarixi, ədəbiyyatı, fəlsəfəsi və iqtisadiyyatının aktual məsələləri müzakirə olunacaq. Üç gün davam edəcək konfrans çərçivəsində elm xadimləri arasında əlaqələrin möhkəmlənməsi üçün qonaqlarla bir sıra görüşlərin keçirilməsi nəzərdə tutulur.

Türkiyə Apellyasiya Məhkəməsi Trabzon şəhərindəki katolik kilsəsinin rahibi Andrea Santorunu öldürən Oğuzxan Akdin haqqında verilmiş həbs cəzasını qüvvədə saxlayıb. APA-nın Türkiyə bürosunun xəbərinə görə, Trabzon Ağır Cəza Məhkəməsinin çıxardığı 18 il 10 aylıq azadlıqdan məhrumetmə cəzası təsdiqlənib. Ancaq O. Akdin mövcud qanunvericilikdən yararlanaraq 8,5 ildən sonra azadlığa çıxacaq. Onun atası Hikmət Akdin isə bundan məmnun deyil: "Oğlum mollanı vursaydı, üç il sonra azadlığa çıxardı. Keşişin üstünlüyü nədir ki? Oğlum öz əməlindən peşmandır, "qəza oldu" deyir. Keşişin anası və bacısı oğlumu əfv etdiyi halda dövlətimiz niyə əfv etmir?"

Azərbaycanın Dəvəçi və Siyəzən rayonlarında Milli Təhlükəsizlik Nazirliyinin əməkdaşları Dəvəçi şəhərində və Siyəzənin Sədan kəndində qanunsuz dini ədəbiyyatın toplanması ilə bağlı axtarışlar həyata keçiriblər. APA-nın şimal bürosunun məlumatına görə, Dəvəçidə iki, Siyəzəndə isə bir ev yoxlanılıb. Vəhhabi təriqətinə mənsub olan və adları açıqlanmayan üç şəxsin evindən qadağan olunmuş dini ədəbiyyatla yanaşı, bir xəncər, ov tüfəngi və digər əşyalar da aşkarlanaraq, götürülüb. Əməliyyat-axtarış tədbirlərindən sonra heç kəs saxlanılmayıb.