İslam Azərbaycanda (İslam.Az)

Qətər Hz. Məhəmmədi (s.ə.v.) təhqir edən nəşrlərə cavab vermək üçün peyklə yayımlanacaq və sadəcə Hz.Peyğəmbərdən bəhs edəcək yeni bir televiziya kanalı açacaq.

BMT baş katibi Pan Gi Mun Niderlandın sağyönümlü siyasətçisi Heyert Vildersin İnternetdə İslamın əleyhinə yönəlmiş film yerləşdirməsi ilə bağlı sərt bəyanatla çıxış edib. Bu barədə BMT-nin rəsmi saytında məlumat verilib.

Roma katolik kilsəsinin hesablamalarına görə, dünya əhalisinin 19 faizi İslama, 17,4 faizi isə katolikliyə etiqad edir
Vatikanın hesablamalarına görə, 2006-cı ildə dünya əhalisi arasında müsəlmanların sayı katoliklərin sayını ötüb.

Qafqaz Müsəlmanları İdarəsinin mətbuat xidmətinin rəhbəri Hacı Akif Ağayev dünyasını dəyişib. Qafqaz Müsəlmanları İdarəsinin sədr müavini Hacı Salman Musayev bildirib ki, Hacı Akif tənəffüs və ürək çatışmazlığından dünən səhər saatlarında vəfat edib.

Niderland parlamentinin qalmaqallı deputatı və sağçı "Azadlıq Partyası"nın lideri Qeert Vilders internetdə antiislam yönümlü film yerləşdirib. 15 dəqiqəlik "Fitnə" adlı filmdə "Quran"ın oxunması 2001-ci il sentyabrın 11-də Ümumdünya Ticarət Mərkəzindəki terror və 2004-cü ildə Madriddə qatar partlayışı xronikası ilə müşayiət olunur. Film LiveLeak.com saytında ingilis və holland dillərində yerləşdirilib.

Danimarkada "Danimarka Jurnalistləri həmkarlar ittifaqı", Hollandiyalı siyasətçi Qirt Vildersi məhkəməyə verməyə hazırlaşır. Buna səbəb isə Vildersin şəkdiyi filmdə İslam dinini təhqir edən karikaturalarından icazəsiz istifadə etməsidir. "İttifaq" bu karikaturaldan istifadə etmək üçün Vildersin izn istədiyini, ancaq ona icazə verilmədiyini, həmçinin bu filmin siyasi təbliğat xarakterli olduğunu bildirib.

Hörmətli müsəlmanlar!

Ən şərəfli məxluq olan insanın, yemək, içmək, geyinmək kimi maddi ehtiyacları ilə bərabər iman və ibadət kimi mənəvi ehtiyacları da vardır. Çünki insan Allaha ibadət etmək üçün yaradılmışdır (Zariyat, 5). Uca Allah hər şeyi insan üçün yaratmış və insana saya bilməyəcəyi qədər çox nemət vermişdir. İbadət vəzifəsini icra edə bilməsi, xeyir əməllər işləyə bilməsi, pisliklərdən qoruna bilməsi, beləcə dünya və axirət xoşbəxtliyini təmin edə bilməsi üçün insana ağıl, iradə, vicdan, xeyiri və şəri, doğrunu və yanlışı bir-birindən ayıra bilmək qabiliyyəti vermiş, bununla kifayətlənməmiş, ilk insandan etibarən bələdçi olmaq üçün bəşəriyyətə peyğəmbərlər və kitablar göndərmişdir.

Sankt Peterburq şəhərindəki dövlət din-tarix muzeyinin tərkibində İslam bölməsi açılıb. Muzeyin mətbuat mərkəzindən verilən məlumata görə, bunun üçün muzeydə 3 salon ayrılıb.

Zaqatalada xristianlığın radikal təriqətlərinə aid küllü miqdarda dini ədəbiyyat aşkarlanıb. Zaqatala rayon Polis Şöbəsinin (RPŞ) rəis müavini Kamandar Həsənovun APA-nın Şəki-Zaqatala bürosuna verdiyi məlumata görə, polis əməkdaşları ötən gün rayonda xristianlığın radikal təriqətinin üzvü olmaqda şübhəli bilinən rayon sakini, 1963-cü il təvəllüdlü Mətanət Əliyar qızı Qurbanovanın yaşadığı evdə axtarış aparıb.

Rusiyada orta məktəblərdə 2009-cu ilin sentyabrın 1-dən başlayaraq "Dini-əxlaq mədəniyyəti" dərsi keçiləcək. "Mənəvi-əxlaq mədəniyyəti" dərsi məktəb proqramının tərkib hissəsi olacaq. Bu dərs 2-ci və 11-ci sinif şagirdlərinə keçiləcək. Şagirdlər həftədə iki dəfə bu məşğələlərdə iştirak edəcəklər və onlara dörd dinin əsasları barədə məlumat veriləcək.