İslam Azərbaycanda (İslam.Az)

Azərbaycanın Dini Qurumlarla İş üzrə Dövlət Komitəsinin Şimal bölgəsi üzrə şöbəsi Rusiya ilə sərhəddə radikal dini qruplaşmalara qarşı aparılan əməliyyatlara aydınlıq gətirib.

Bu gün Yer kürəsi əhalisinin 1/4-ni təşkil edən və sayı 1,5 milyard nəfərə yaxınlaşan müsəlmanların səbirsizliklə gözlədiyi Ramazan ayının 1-ci günüdür. Qeyd edək ki, 11 ayın sultanı sayılan müqəddəs Ramazan ayı ərzində müsəlmanlar oruc tutmalı, kasıblara əl tutmalı, fitrə verməli və daha çox ibadətlə məşğul olmalıdırlar.

(Qamət Süleymanovun mediaforum saytına müsahibəsi)

Dini Qurumlarla İş üzrə Dövlət Komitəsinin sözçüsü Yaqut Əliyeva "Media forum" saytına açıqlamasında bildirib ki, polislərin Bakının Aşurbəy məscidində və Şəhidlər Xiyabanındakı məsciddə həyata keçirdiyi tədbirlər dindarların təhlükəsizliyini qorumaq məqsədi daşıyıb.

İsrailli bir geyim firması istehsal etdiyi köynəklərin üstündə Hz. Muhammədin karikaturalarını dərc edib. "Cihan" xəbər agentliyinin yaydığı məlumata görə, Fələstində faliyyət göstərən "İslami hərəkat" təşkilatının üzvləri fanatik yəhudilərə aid olan firmanın bu hərəkətini şiddətlə pisləyib.

Qafqazda yaranmış vəziyyəti bütün Qafqazın şeyxi Hacı Allahşükür Paşazadə bütün Rusiyanın patriarxi və Gürcüstan katalikosu ilə müzakirə edib. Şeyx dini liderlərlə telefon əlaqəsi saxlayaraq danışıqlar apardığını bildirib.

Qafqaz Müsəlmanları İdarəsinin (QMİ) Qazilər Şurası Ramazan ayının başlanması münasibətilə fətva verib. Fətvaya əsasən, avqustun 31-i niyyət axşamı, sentyabrın 1-i isə Ramazan ayının ilk günüdür. Qədr və Əhya gecələri ayın 18-i, 20-si, 22-si və 26-sına təsadüf edir.

Azərbaycanın Tovuz rayonunun Yanıqlı kəndində Şah Abbasın sifarişi ilə XVI əsrdə memar Şeyx Bahəddin Məhəmməd Amil tərəfindən inşa edilmiş məscidin bir hissəsi uçub. İlk görünüşdən Gəncədəki Şah Abbas məscidini xatırladan bu tarixi abidənin əsaslı təmirə ehtiyac var.

Qafqaz Müsəlmanları İdarəsinin rəhbəri, Şeyxülislam Hacı Allahşükür Paşazadə Azərbaycan dindarlarını prezident seçkisində fəal olmağa çağırıb.

Azərbaycanın şimal bölgəsində yerləşən Qusar rayonu ərazisində sələfilərə (vəhhabilər) qarşı rayonun hüquq-mühafizə orqanları əməliyyat keçirib. Belə ki, Qusarın Dağıstanla həmsərhəd Həzrə kəndi yaxınlığında Azərbaycana qanunsuz keçmək istəyən sələfilərlə (vəhabilər) sərhədçilər arasında silahlı insident olub.