İslam Azərbaycanda (İslam.Az)

Məsciddə partlayış namaz zamanı olub, ölən yoxdu, yaralılardan beşinin vəziyyəti ağırdır

Əbu Bəkir məscidində partlayış olub. APA-nın hadisə yerində olan müxbirlərinin xəbərinə görə, hadisə bu gün saat 21.00 radələrində, namaz vaxtı baş verib.

Amerika Yəhudi Komitəsinin icraçı katibi Devid Allan Harrisnin rəhbərlik etdiyi nümayəndə heyətinin bu gün bütün Qafqazın Şeyxi Hacı Allahşükür Paşazadə ilə görüşü olub. Görüşdə Hacı Allahşükür Paşazadə Azərbaycanın tolerant ölkə olduğunu deyərək bildirib ki, burada dinlər arasında fərq qoyulmur və onların hamısı Azərbaycanda özlərini öz ölkəsindəki kimi hiss edirlər.

Salyan şəhərinin mərkəzindəki Ağahüseyn məscidi uçmaq üzrədir. Lent.az-ın bölgə müxbirinin verdiyi məlumata görə, Kür daşqınlarından ziyan çəkən bina 5 il əvvəl uçmağa başlayıb. İndi yerlə-yeksan olmaq üzrə olan bu tarixi abidənin 16 günbəzindən yalnız 5-i qalıb.

Hörmətli müsəlmanlar!

İslam dini elm, irfan, hikmət və həqiqət dinidir. Hər hökmü insanın imkanlarına və sağlam məntiqə uyğun olan, dünya və axirət səadətini təmin edən bir dindir.

Təsadüfi deyildir ki, İslam dininin insanlığa ilk mesacı "Oxu" (Ələq, 1) əmri olmuşdur. Bu əmrin mənasının üzərində yaxşı-yaxşı düşünmək lazımdır. Çünki insan yalnız oxumaq və öyrənməklə həqiqəti tapa, səadətə qovuşa, vətəninə və millətinə faydalı ola bilər.

Türkiyə prezidenti Abdullah Gülün oğlu təhsil aldığı kollecdə məscid açılmasını tələb edib. Lent.az-ın Türkiyənin "Milliyet" qəzetinə istinadən xəbərinə görə, prezidentin oğlu telekanallardan birinə açıqlamasında faktı təsdiqləyib.

Oktyabrda "Qızıl minbər" müsəlman filmləri festivalı keçiriləcək. Bu barədə Mədəniyyət və Turizm Nazirliyinin kinematoqrafiya şöbəsindən məlumat verilib. Festivala Azərbaycan kinematoqrafçılarının da filmləri göndərilib.

Sentyabrın 1-dən Ramazan ayı başlayır. Bu barədə Qafqaz Müsəlmanları İdarəsinin (QMİ) mətbuat xidmətindən bildirilib. Məlumata görə, müsəlman dünyasının müqəddəs ayı hesab olunan Ramazan 30 gün davam eləyir.

Bu ilin oktyabrın 6-8-də Azərbaycan Təhsil Nazirliyi və İSESCO-nun birgə təşkilatçılığı ilə İslam ölkələrinin ali təhsil və elmi tədqiqat nazirlərinin IV konfransı keçiriləcək. Azərbaycan Təhsil Nazirliyindən verilən məlumata görə, Bakıda keçiriləcək konfransda bütün İslam ölkələrinin təhsil nazirlərinin iştirakı gözlənilir.

Gəncədəki Şah Abbas məscidi Heydər Əliyev Fondunun maliyyə dəstəyi ilə təmir olunur. 4 əsir əvvəl – 1606-cı ildə Şah Abbasın sifarişi ilə Şeyx Bahəddin Amil tərəfindən inşa edilən məsciddə təmir bərpa işləri zamanı 19-cu əsrə aid 180 rus rublu, kitab və əlyazma tapılıb.

ABŞ yazarı Şerri Consun Hz. Muhəmmədin həyat yoldaşı Həzrəti Aişə ilə əlaqəsini iyrənc bir dillə təsvir edən kitabı qalmaqallara səbəb olacaq. Həzrəti Aişənin 6 yaşında olarkən Hz. Muhəmməd ilə nişanlanması ilə başlayan və Hz. Muhəmmədin ölümünə qədər olan zamanı hörmətsiz bir şəkildə təsvir edən ABŞ jurnalisti Şerri Consun kitabı İslam dünyasında indidən qəzəb dalğası yaradıb.