İslam Azərbaycanda (İslam.Az)

Martın 20-də Gürcüstan Ombudsmanı Sozar Subari Marneulidə fəaliyyət göstərən "Əhli-Beyt" cəmiyyətinin nümayəndələri ilə görüşüb. Gürcüstan Ombudsmanı soydaşlarımızı Novruz bayramı münasibəti ilə təbrik edib, onlara əmin-amanlıq, xoşbəxtlik arzulayıb.

Çexiya Respublikasında bir məscidin hasar dirəyinə kəsilmiş donuz başı keçirilib. Hadisə barədə məlumat verən polis bildirib ki, paytaxt Praqanın yaxınlığındakı Kyje qəsəbəsində baş vermiş hadisədə hasar dirəyinə donuz başı keçirilib və alıtdan "İslamı dayandırın" yazılmış lövhə asılıb. Hüquq-mühafizə orqanları hadisə barədə araşdırmaya başlayıb.

Təxminən 150 il bundan əvvəl Hz. Məhəmmədin (Ə.S.) qəbrinin üstünü örtmək üçün sifarişlə Hindistanda toxudulan xalça hərracda satışa çıxarılıb. BBC-nin məlumatına görə, "Barodanın İnci Xalçası" kimi tanıdılan əsərin hazırlanmasında 2 milyon təbii inci, bundan başqa yüzlərlə brilliant, sapfir, yaqut və zümrüd qaşlardan istifadə olunub.

Anqolanın paytaxtı Luandada basabasda 2 adam ölüb, azı 8 nəfərsə xəsarət alıb. Hadisə Roma Papası 16-cı Benediktin stadionda çıxışına az qalmış qapıları açarkən baş verib. Vatikanın sözçüsü papanın hadisədən dərin kədərləndiyini deyir.

Bernar d`Espanyat "sübut edib ki, məkan və zaman çərçivəsindən kənarda görünməyən çarlıq var" və bu, özünün qeyri-maddiliyinə baxmayaraq, insan zəkası tərəfindən dərk oluna bilər.

Bu gün Bakı Apellyasiya Məhkəməsində "Nərimanov rayon dindarları" Dini İcmasının sədri Hacı Qamət Süleymanovun "Zerkalo" qəzeti ilə bağlı apellyasiya şikayətinə baxılıb.

Bu gün Bakıda Məhəmməd peyğəmbərin (s.ə.s) mövluduna həsr olunmuş tədbir keçirilib. Mərasim "Təbliğ" İslam Xeyriyyə Vəqfinin təşəbbüsü ilə baş tutub.

ABŞ prezidenti Barak Hüseyn Obamanın kiçik qardaşı George Obama İstanbuldakı Sultan Əhməd Camesində namaz qılıb. Türkiyə firmalarından birinin təmsilçiliyini alan G.Obama "Haberturk"ə şok açıqlamalar verib.

Məhəmməd Peyğəmbərinin (s.ə.s.) mübarək mövludu münasibətilə Azərbaycanda ikinci dəfədir ki elmi-intellektual "Mövlud olimpiadası" keçirilib. Tədbir Dini Etiqad və Vicdan Azadlıqlarının Müdafiə Mərkəzi (DEVAMM), İcərişəhər "Cümə" məscidinin dini icması və İmam Sadiq (ə) adına İslam Maarifi Akademiyasının təşəbbüsü, "Dəyərlər" AİN-in isə informasiya dəstəyi ilə baş tutub.

"Bizim məscid yeganə yer idi ki, burda Azərbaycanda radikallığa qarşı maarifləndirmə işi aparılırdı. Bu isə ölkədəki radikallara sərf etmirdi, onların təbliğatının qarşısı alınırdı. Qumbaranın atılmasının ən böyük səbəblərindən biri də elə bu idi". Bunu "Əbu-Bəkr məscidi" kimi tanınan "Cümə" məscidinin imamı Qamət Süleymanov "Azadlıq" radiosunun "İslam və demokratiya" verilişinə müsahibəsində deyib.