İslam Azərbaycanda (İslam.Az)

Qafqaz Müsəlmanları İdarəsinin sədri Hacı Allahşükür Paşazadə qarşıdan gələn Novruz bayramı münasibətilə Azərbaycan xalqını təbrik edib.

Mədəniyyət və Turizm Nazirliyi, Azərbaycan Memarlıq və İnşaat Universiteti, Romualdo del Bianko Fondu (Florensiya, İtaliya), İslam Tarixi, İncəsənəti və Mədəniyyəti Tədqiqat Mərkəzi (İRCİCA) ilə birgə tələbələr və gənc memarlar üçün nəzərdə tutulan "Ənənəvi İslam Memarlığı" mövzusunda "Dərəcə və İxtisas" adlı Beynəlxalq Festival təşkil edib.

Apreldə Hindistanda keçiriləcək parlament seçkilərində Milliyyətçi Hind Partiyasının (Bharatiya Janata Party) namizədi olan Varun Qandi müsəlmanları təhqir edib. Hindistanın sabiq baş naziri İndira Qandinin nəvəsi olan Varun Qandi, "Onların qorxunc adları var. Əgər gecə vaxtı bir müsəlmana rast gəlsəniz qorxarsınız" – deyib.

Roma Papası 16-cı Benedikt "minlərlə fərqliliklər və dini təmayülləri ilə, qədim mədəniyyəti və inkişaf yolu ilə, həmçinin problemləri, xəstəlikləri ilə birlikdə bütün Afrika qitəsini xəyali olaraq qucaqlamaq" niyyətindədir. Bu barədə Pontifik ənənəvi bazar günü duasından sonra verdiyi moizədə bildirmişdir.

Ağır Cinayətlərə Dair İşlər üzrə Hərbi Məhkəmədə Azərbaycan Ordusunun keçmiş zabiti Kamran Əsədov və daha 19 nəfərin cinayət işi üzrə məhkəmə prosesi davam etdirilib. Hakim İslam Neymanovun sədrliyi ilə keçirilən prosesdə təqsirləndirilən Kamran Babayev vəkili Mənsum Bayramovdan imtina etdiyini bildirib. Məhkəmə onun xahişini qəbul edib.

"Qadınlar Arasında Həmrəylik" İctimai Birliyi Böyük Britaniyanın Azərbaycandakı səfirliyinin dəstəyi ilə həyata keçirdiyi "Molla kəbini və qadın hüquqları" layihəsinin nəticəsini açıqlayıb.

Bu gün Azərbaycan Media Mərkəzində jurnalist, ekspert və universitetlərin jurnalistika fakültəsinin tələbələri üçün "Elektron KİV sistemində dini problemlərin obyektiv qoyuluşu" mövzusunda treninq keçirilib.

Bu gün Ali Məhkəmədə "Nərimanov rayon dindarları" Dini İcmasının sədri Hacı Qamət Süleymanovun Dini Qurumlarla İş üzrə Dövlət Komitəsi ilə bağlı məhkəmə qərarından kassasiya şikayətinə baxılıb.

Şri Lankada terror aktı baş verib. Terrorçu kamikadze özünü şəhərdəki məscidlərdən birində partladıb. Hadisə nəticəsində ən azı 10 nəfər ölüb, 25-dən artıq insan isə yaralanıb.

Amerika Birləşmiş Ştatlarının İllinois ştatında kilsəyə silahlı basqın olub. Silahlı şəxs kilsənin rahibini öldürəndən sonra özünə bıçaqla xəsarət yetirib.