İslam Azərbaycanda (İslam.Az)

Aprelin 8-dən yəhudi xalqının milli bayramı olan Pisax, yəni azadlığa çıxma günləri başlayıb. Qubadakı Qırmızı qəsəbədə yaşayan yəhudilər də ərazidəki sinaqoqda bu bayramı qeyd edir.

Dünya katolikləri Pasxa bayramını qeyd edirlər. Xatırladaq ki, bu bayram ən vacib xristian bayramıdır. Onun keçirilmə tarixi Nikey kilsəsi tərəfindən 325-ci ildə müəyyənləşib.

Türkiyənin Antalya vilayətində məscid məhkəmə tərəfindən hərraca çıxarılıb. Buna səbəb Əyyub Sultan Camesinə mülk kağızının verilməməsidir.

Daxili İşlər Nazirliyinin 17.03.09 tarixli "Radikal dini təriqətlərin dini ekstremizmi yaymasının qarşısının alınmasına dair" Planına uyğun olaraq, aprelin 9-da Gəncədə keçirilən əməliyyat tədbirləri nəticəsində Gəncə sakini Yeganə İbrahim qızı Qəhrəmanovaya məxsus evdə "Yəhovanın şahidləri" xristian sektasının üzvlərinin qanunsuz yığıncağı aşkar edilib.

ABŞ Nevada əyalətinin Reno şəhərində təhsil alan misirli mühacir qız məruz üzləşdiyi təhqirlərə görə məktəbdən külli miqdarda təzminat alacaq. "Cihan" agentliyinin məlumatına görə, Jana Elhifni adlı misirli şagird təhsil aldığı "North Valleys" litseyində müsəlman və hicablı olduğu üçün təhqirlərə məruz qalıb.

Danimarkada Məhəmməd Peyğəmbəri təhqir edən və İslam dünyasında etirazlara səbəb olan karikaturalardan birinin sürətləri satışa çıxarılıb. CNN Türk-ün məlumatına görə, Danimarkanın müstəqil mətbuat dərnəyi verdiyi açıqlamada bildirib ki, 1000 ədəd sürətin hər biri karikaturaçı Kurt Westergaerdin imzası ilə 1400 Danimarka kronuna satılacaq.

İdarənin ötən əsrin əvvəllərində inşa olunmuş birmərtəbəli binasının sökülməsi və "Təzəpir" məscidi tarix-memarlıq abidəsinin ətrafının genişləndirilməsi hesabına daha bir bina tikilib. Tikinti ilə əlaqədar müvəqqəti olaraq, "Göy məscid" kimi tanınan "Əjdərbəy məsidi"ndə məskunlaşan idarə artıq yeni binaya köçür.

Bakı və Xəzəryanı Yeparxiya müqəddəs apostol Varfolomeyin şərəfinə medal təsis edib. Məlumatı Bakı və Xəzəryanı Yeparxiyasının saytı yayıb. İki dərəcədə olan medal Moskva və Bütün Rusiyanın Patriarxı Kirilin razılığı ilə təsis olunub.

Müsəlman aləminin tək qibləsi Məkkədir. Bütün dünya Məkkəyə yönələrək ibadət edir. Amma Məkkədəki məscidlərin qibləyə tərəf olmadığı məlum olub. Məkkədə 1950-ci ildə və ondan daha öncə inşa olunmuş 200 məscidin qiblə istiqamətində olmadığı aydın olub.

Bütün Qafqazın Şeyxi Allahşükür Paşazadə ilə telefon söhbətində Bütün Gürcüstanın katolikos-patriarxı II İlya müsəlmanları təhqir etməsilə bağlı xəbərləri qəti şəkildə və birmənalı olaraq təkzib edərək, bundan narahatlıq keçiridyini bildirib. Bu xəbər Turana Qafqaz Müsəlmanları İdarəsindən daxil olub.