İslam Azərbaycanda (İslam.Az)

Dünən Ankaradan İstanbula gedən Obama bu gün "Conrad" otelində ABŞ-ın İstabuldakı Baş Konsulluğunun əməkdaşları ilə görüşüb. Mətbuata qapalı keçirilən görüşdən sonra Obama dini icmaların təmsilçilərini qəbul edib.

Belçika Senatının bir qrup üzvü Roma papası XVI Benedikti kəskin tənqid edən qanun layihəsi hazırlayıblar. "La Libre Belgique" qəzetinin məlumatına görə, deputatlar papanın mart ayında Afrika səfəri zamanı QİÇS barədə danışanda prezervativlərin zərərindən söz salmasından qəzəbləniblər.

"Gürcüstanın katolikos-patriarxı II İlyanın öz saytında müsəlmanları təhqir etməsi mənə inandırıcı görünmür", deyə Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə Turana blidirib.

Gürcüstan patriarxının saytında belə bir sual qoyulub: "Xristianlara müsəlmanlarla ailə qurmağa icazə verilirmi?" Saytın cavabında bildirilir: "Xeyr, xristianlar müsəlmanlarla ailə qura bilməz, buna icazə verilmir. Çünki müsəlman etiqadı şeytana ibadət etməyə çağırır. "Çörəyinizi müşriklərlə bölüşməyin" (Daviddən Psalm)" (http://www.patriarchate.ge/en/?action=kitxva&start=30).

Bu il fevralın 10-dan efirə çıxan "Media FM" radiosunun icraçı direktoru Tural Əliyev (Tural Badi Kubə) yaxın planları barədə "Media forum" saytına danışarkən bildirib ki, bu ay radionun internet səhifəsi işə salınacaq. "Gündəlik" və "Dinlə" adlı verilişlərin də yayımına hazırlıq gedir.

Türkiyə milli komandasının və "Qalatasaray" klubunun veteran futbolçusu hazırda TRT kanalında futbol şərhçisi işləyən Hakan Şükür ümrəyə (həcc mövsümü xaricində Məkkəni ziyarət etmək) gedib.

Amerikalıların çoxu ABŞ prezidenti Barak Obamanın müsəlman olduğunu düşünür. Pew Research Center araşdırmalar mərkəzinin keçirdiyi sosioloji sorğunun nəticələrinə görə, vətəndaşların 11 faizi dövlət başçısının dini mənsubiyyəti barədə belə düşünür.

Ağdaş rayonunda qanunsuz fəaliyyət göstərən "Həyatverici lütv" və "Babtist" cərəyanlarını təbliğ edən şəxslər tutulub. Bu barədə Ağdaş rayon Polis Şöbəsindən bildirilib.

""Əbu Bəkr" məscidi bağlı olsa da, biz öz tərəfdarlarımıza dəvətlər etməkdəyik. İndi şəhərin hər yerindəyik. Bakının sünni məscidlərində toplaşır, fəaliyyətimizi davam etdiririk. Məscid bağlanandan sonra tərəfdarlarımızın sayı daha da artıb".

Ağır Cinayətlərə Dair İşlər üzrə Hərbi Məhkəmədə Azərbaycan Ordusunun keçmiş zabiti Kamran Əsədovun və digər 19 nəfərin cinayət işi üzrə məhkəmə prosesi günün ikinci yarısında davam etdirilib. Hakim İslam Neymanovun sədrliyi ilə keçirilən prosesdə təqsirləndirilənlər Kamran Babayevin, Bəxtiyar Orucovun və Yaşar Məhərrəmovun tanışları Zaur Bədəlov, Kamran Qədirov, Rafiq Qədirov əlavə şahid qismində ifadə veriblər.