İslam Azərbaycanda (İslam.Az)

Azərbaycanın Xanlar rayonunda Lüteran kilsəsinin açılış mərasimi keçirilib. Sözügedən kilsə 1854-cü ildə tikilib, bu yaxınlarda əsaslı təmir olunub. Almaniya Texniki Əməkdaşlıq Cəmiyyəti tərəfindən təmir edilən kilsənin təmiri üçün 250 min avro xərclənib.

Əvvəllər ancaq nənələrimizi başı örpəkli görərdik. İndi hər addımbaşı gənc hicablı qadınlara rast gəlmək mümkündür. Amma gənclər nənələrimiz qədər örpəyi baş üstündə gəzdirə bilirlərmi? ANS TV-nin mədəniyyət xəbərlərinin əməkdaşları bu mövzunu, başına örpək taxmış incə sənətin nümayəndələri arasında araşdırıb.

"Ermənistan Azərbaycanın suverenliyi və ərazi bütövlüyünə hörmət etməli, bu ölkənin silahlı qüvvələri Azərbaycanını işğal olunmuş ərazilərindən qeyd-şərtsiz çıxmalıdır". İslam Konfransı Təşkilatı (İKT) Parlament Assambleyasının Misirin paytaxtında keçirilmiş növbəti sessiyasında qəbul olunmuş Qahirə bəyannaməsində belə deyilir.

Dünən Bərdədə qeyri-ənənəvi dini təbliğatla məşğul olan qrupların zərərsizləşdirilməsi üçün geniş əməliyyat keçirilib. Rayon polisindən ibarət əməliyyat qrupu Bərdə şəhər 20 Yanvar küçəsindəki mənzillərin birində fəaliyyəti qanunla qadağan edilmiş dini sekta aşkarlayıblar. Adı çəkilən ünvana gələn hüquq-mühafizə orqanlarının əməkdaşları "Yəhova şahidləri" sektasının 18 üzvünü saxlayıb.

2007-ci il sentyabrın 26-da Qusar rayonunda iki polisi yaralayaraq hadisə yerindən qaçan vəhhabi təriqətinə mənsub rayon sakini 31 yaşlı Telman Abdullayev barəsindəki cinayət işinin istintaqı dayandırılıb. Qusar rayon Prokurorluğundan bildirilib ki, indiyədək T. Abdullayevi tutmaq mümkün olmayıb, hazırda onun axtarışı davam etdirilir.

Azərbaycan prezidenti İlham Əliyev İslam Konfransı Təşkilatının Dakarda keçiriləcək sammitinə dəvət olunub. Bu barədə jurnalistlərə Seneqal prezidentinin İcra Aparatının rəhbəri Abdoulaye Balde məlumat verib.

Afina və Bütün Yunanıstanın dini lideri, arxiyepiskop Xristodolusun vəfatı ilə bağlı Yunanıstanın Bakıdakı səfirliyində anım mərasiminin keçirilməsi nəzərdə tutulur. Səfirliyin mətbuat və ictimaiyyət ilə iş üzrə əlaqələndiricisi Nərgiz Əsədovanın APA-ya verdiyi məlumata görə, vətəndaşlar səfirlikdə açılacaq başsağlığı kitabına öz ürək sözlərini yanvarın 30-da saat 11-dən 16-dək yaza bilərlər.

Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə müalicə olunmaq üçün Çexiyaya gedib. Bu barədə QMİ-dən məlumat verilib.

Polşa prezidenti Lex Kaçinskinin Bakıda yeni inşa olunmuş "Müqəddəs Məryəm" katolik kilsəsinə hədiyyə etdiyi üç kilsə zəngi Polşadan xüsusi təyyarə ilə Bakıya gətirilib. Azərbaycan Katolik Kilsəsinin rəsmi saytında verilən məlumata görə, kilsə zənglərini hazırlamış məşhur usta Zbiqnev Felçinski də zənglərin quraşdırılmasına kömək etmək üçün Bakıya gəlib.

Müstəqil Türkiyə Partiyası (BTP) sədrinin müavini Mehmet Harun Kayacı 2007-ci ilin oktyabr ayında Azərbaycan Hərbi Prokurorluğu tərəfindən həbs olunub. Mehmet Harun Kayacının vəkili Elton Quliyev bildirib ki, ona qarşı Azərbaycan Cinayət Məcəlləsinin 168-ci (dini məzhəbləri yaymaq və dini ayinlərin icrası adı altında fəaliyyət göstərən və bu fəaliyyətlə ictimai asayişi pozan, yaxud vətəndaşların sağlamlığına zərər vuran və ya formasından asılı olmayaraq vətəndaşların hüquqlarını pozan, habelə vətəndaşların qanunla müəyyən edilmiş vəzifələrini yerinə yetirməkdən yayındıran qrup təşkil etmə, ona rəhbərlik etmə və ya belə qrupda iştirak etmə) maddəsi ilə ittiham irəli sürülüb.