İslam Azərbaycanda (İslam.Az)

Neft Daşlarında yerləşən məscidin söküləcəyi ilə bağlı yayılan xəbərlər təsdiqlənib. Dini Etiqad və Vicdan Azadlığını Müdafiə Mərkəzinin (DEVAMM) verdiyi xəbərə görə, bu gün artıq səhər saat 11 radələrinə məscid tamamilə sökülüb.

Neft Daşlarında çalışan fəhlələrdən birinin "Azadlıq" radiosuna verdiyi məlumata görə, ərazidəki məscidin uçurulacağı barədə xəbər yayılıb. Bu da fəhlələrin narazılığıyla qarşılanıb.

"Mayın 3-də polisə müqavimət adı ilə tutulan qardaşlarımızdan heç bir xəbər yoxdur. Onların harada saxlanıldığını belə bilmirik". Bunu "Media forum" saytına "Nərimanov rayon dindarları" Dini İcmasının rəhbəri Qamət Süleyman deyib.

Bakı Apelyasiya Məhkəməsində "Yəhova şahidləri" dini icmasının bir qrup üzvünün Daxili İşlər Nazirliyi (DİN), Xətai rayon Polis İdarəsi və həmin idarəsinin 34-cü Polis Bölməsinə qarşı qaldırdığı iddia üzrə keçirilməli olan proses təxirə salınıb.

"Azərbaycan tolerant ölkədir. Lakin bəzi məsələlərlə bağlı problemlər var". APA-nın xəbərinə görə, bu sözləri Milli Məclisin bu gün keçirilən iclasında "Dini etiqad azadlığı haqqında" qanuna əlavə və dəyişikliklər layihəsinin müzakirəsi zamanı millət vəkili Siyavuş Novruzov deyib: "Bəzən Azərbaycanda insanlar ayrı-ayrı sektalara qoşulur. Bizim gözəl dinimiz var. Lakin onu vətəndaşlarımıza doğru-düzgün çatdıra bilmirik".

Milli Məclisin bugünkü iclasında "Dini etiqad azadlığı haqqında" qanuna əlavə və dəyişikliklərin müzakirəsi başlanıb. Sənəd haqqında məlumat verən MM-in İnsan haqları komitəsinin sədri Rəbiyyət Aslanova bildirib ki, Azərbaycanda "Dini etiqad azadlığı haqqında" qanun 1992-ci ildə qəbul olunub, indiyə kimi sənədə səkkiz əlavə və dəyişiklik edilib.

"Dini etiqad azadlığı haqqında" qanuna əlavə və dəyişikliklər layihəsi ilə bağlı müzakirələr Milli Məclisin (MM) bu gün günün ikinci yarısında keçirilən iclasında davam etdirilib.

Milli Məclisin İnsan hüquqları komitəsi "Dini etiqad azadlığı haqqında" qanuna bir sıra əlavə və dəyişiklikləri bəyənib parlamentə göndərib. Bu barədə komitənin mayın 6-da keçirilən iclasından sonra deputat Fazil Qəzənfəroğlu məlumat verib. Onun sözlərinə görə, təqribən qanuna 10-dan çox əlavə və dəyişiklikdən söhbət gedir.

Azərbaycan Parlamentinin komitə sədri hesab edir ki, Qafqaz Müsəlmanları İdarəsinin (QMİ) səlahiyyətləri artırılmalıdır. "Qafqaz Müsəlmanları İdarəsi də dini icma kimi qeydiyyatdan keçdiyindən ölkədəki digər icmaların fəaliyyətinə nəzarət məsələsində problem yaranır.

Dünən Milli Məclisdə insan haqları və hüquq siyasəti və dövlət quruluculuğu komitələrinin birgə iclasında "dini etiqad azadlığı haqqında" qanuna əlavə və dəyişikliklər müzakirə olunub. Daha sonra isə qeydiyyatsız dini icmaların fəaliyyətini qadağan edən qanun layihəsi Milli Məclisə tövsiyyə olunub.