İslam Azərbaycanda (İslam.Az)

Daxili İşlər Nazirliyinin 17.03.09 tarixli "Radikal dini təriqətlərin dini ekstremizmi yaymasının qarşısının alınmasına dair" Planına uyğun olaraq, aprelin 9-da Gəncədə keçirilən əməliyyat tədbirləri nəticəsində Gəncə sakini Yeganə İbrahim qızı Qəhrəmanovaya məxsus evdə "Yəhovanın şahidləri" xristian sektasının üzvlərinin qanunsuz yığıncağı aşkar edilib.

İdarənin ötən əsrin əvvəllərində inşa olunmuş birmərtəbəli binasının sökülməsi və "Təzəpir" məscidi tarix-memarlıq abidəsinin ətrafının genişləndirilməsi hesabına daha bir bina tikilib. Tikinti ilə əlaqədar müvəqqəti olaraq, "Göy məscid" kimi tanınan "Əjdərbəy məsidi"ndə məskunlaşan idarə artıq yeni binaya köçür.

Bakı və Xəzəryanı Yeparxiya müqəddəs apostol Varfolomeyin şərəfinə medal təsis edib. Məlumatı Bakı və Xəzəryanı Yeparxiyasının saytı yayıb. İki dərəcədə olan medal Moskva və Bütün Rusiyanın Patriarxı Kirilin razılığı ilə təsis olunub.

Bütün Qafqazın Şeyxi Allahşükür Paşazadə ilə telefon söhbətində Bütün Gürcüstanın katolikos-patriarxı II İlya müsəlmanları təhqir etməsilə bağlı xəbərləri qəti şəkildə və birmənalı olaraq təkzib edərək, bundan narahatlıq keçiridyini bildirib. Bu xəbər Turana Qafqaz Müsəlmanları İdarəsindən daxil olub.

"Gürcüstanın katolikos-patriarxı II İlyanın öz saytında müsəlmanları təhqir etməsi mənə inandırıcı görünmür", deyə Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə Turana blidirib.

Bu il fevralın 10-dan efirə çıxan "Media FM" radiosunun icraçı direktoru Tural Əliyev (Tural Badi Kubə) yaxın planları barədə "Media forum" saytına danışarkən bildirib ki, bu ay radionun internet səhifəsi işə salınacaq. "Gündəlik" və "Dinlə" adlı verilişlərin də yayımına hazırlıq gedir.

Ağdaş rayonunda qanunsuz fəaliyyət göstərən "Həyatverici lütv" və "Babtist" cərəyanlarını təbliğ edən şəxslər tutulub. Bu barədə Ağdaş rayon Polis Şöbəsindən bildirilib.

""Əbu Bəkr" məscidi bağlı olsa da, biz öz tərəfdarlarımıza dəvətlər etməkdəyik. İndi şəhərin hər yerindəyik. Bakının sünni məscidlərində toplaşır, fəaliyyətimizi davam etdiririk. Məscid bağlanandan sonra tərəfdarlarımızın sayı daha da artıb".

Ağır Cinayətlərə Dair İşlər üzrə Hərbi Məhkəmədə Azərbaycan Ordusunun keçmiş zabiti Kamran Əsədovun və digər 19 nəfərin cinayət işi üzrə məhkəmə prosesi günün ikinci yarısında davam etdirilib. Hakim İslam Neymanovun sədrliyi ilə keçirilən prosesdə təqsirləndirilənlər Kamran Babayevin, Bəxtiyar Orucovun və Yaşar Məhərrəmovun tanışları Zaur Bədəlov, Kamran Qədirov, Rafiq Qədirov əlavə şahid qismində ifadə veriblər.

Martın 20-də Gürcüstan Ombudsmanı Sozar Subari Marneulidə fəaliyyət göstərən "Əhli-Beyt" cəmiyyətinin nümayəndələri ilə görüşüb. Gürcüstan Ombudsmanı soydaşlarımızı Novruz bayramı münasibəti ilə təbrik edib, onlara əmin-amanlıq, xoşbəxtlik arzulayıb.