İslam Azərbaycanda (İslam.Az)

Dünən Bakı Apellyasiya Məhkəməsində hakim Aygün Abdullayevanın sədrliyi ilə "Əbu Bəkr" məscidinin imamı Qamət Süleymanovun "Azadlıq" radiosunun redaksiyasına qarşı qaldırdığı iddia üzrə Yasamal rayon Məhkəməsinin qərarından verdiyi şikayət əsasında məhkəmə prosesi keçirilib.

"Yəhovanın Şahidləri" Dini İcmasının 21 üzvü Xətai rayon Polis İdarəsinə qarşı iddia qaldırıb. İddiada Dini İcmasından mətbuat vasitəsilə üzr istənilməsi, maddi və mənəvi ziyanın ödənilməsi, polis əməkdaşları barəsində intizam tədbirləri görülməsi tələb olunur.

Bu barədə APA-ya məlumat Milli Məclisdən daxil olub. Məlumata görə, Milli Məclisin mayın 8-də keçiriləcək iclasında "Dini etiqad azadlığı haqqında" qanuna əlavə və dəyişiklik müzakirəyə çıxarılacaq.

Daxili İşlər Nazirliyinin məlumatına görə, Sumqayıt ŞPİ əməkdaşları tərəfindən 2-ci mikrorayon ərazisindəki "Müsəlman mağazası"ndan, orada işləyən Yunis Tahirov tərəfindən satılan, yayılması qadağan edilmiş 59 ədəd dini kitab və 8 ədəd DVD disklər götürülüb.

Abşeron rayonunda xüsusi əməliyyat keçirilib. Hüquq-mühafizə orqanlarından APA-ya verilən məlumata görə, Abşeron rayon Polis Şöbəsi əməkdaşlarının rayonun Xırdalan şəhərində həyata keçirdiyi əməliyyat tədbirləri nəticəsində vəhhabi dini təriqətinə mənsub olduğu bildirilən 10 nəfər saxlanılıb.

Rusiya İnformasiya Mədəniyyət Mərkəzi mayın 1-də Bakıda Müqəddəs Pasxaya həsr olunmuş tədbir keçirəcək. Tədbirdə Bakı və Xəzəryanı Yeparxiyanın yepiskopu Aleksandr, digər dini icmaların, eləcə də Rusiyanın Azərbaycandakı səfirliyinin, həmvətənlərin ictimai təşkilatlarının, İsmayıllı, Qəbələ və Şamaxı rayonlarının icmalarının nümayəndələri iştirak edəcəklər.

Şəhidlər Xiyabanının yaxınlığında yerləşən "Şəhidlər Camisi"nin bağlanması birmənalı qarşılanmadı. Qeyd edək ki, 1992-ci ildə Türkiyənin Diyanət İşləri Bakanlığı tərəfindən inşa olunan məscid təmir adı ilə bağlanılıb. "Ekspress"in əməkdaşı ilə söhbətində Türkiyənin Azərbaycandakı səfirliyinin din işləri üzrə müşaviri Müzəffər Şahin də bunu təsdiqləyib.

Dağıstan üzrə Federal Təhlükəsizlik Xidməti (FTX) və Daxili İşlər Nazirliyi ekstremizmə müqavimət idarəsinin əməkdaşları İzberbaş şəhərində Rusiyada fəaliyyəti qadağan olunan "Nurçular" hərəkatı üzvlərini tutublar. Bu barədə RİA Novostiyə Dağıstan üzrə FTX İdarəsinin ictimaiyyətlə əlaqələr şöbəsinin nümayəndəsi bildirib.

Yasamal rayon Dini İcmasının rəhbəri bazar günü axşam saatlarında saxlanılıb və elə həmin axşam sərbəst buraxılıb. İcmanın nümayəndəsi, vəkil Muxtar Mustafayev bazar ertəsi Trend News-a bildirib ki, Mirvaleh Mövsümov polisə müqavimət göstərdiyi üçün saxlanılıb və xəbərdarlıq ediləndən sonra buraxılıb.

Azərbaycan müstəqillik qazandıqdan sonra ölkədə yaranan dini icmalar, müxtəlif icma üzvlərinə qarşı təzyiq göstərilməsi, dini icmaların qanundan kənar fəaliyyəti, hansısa icma üzvlərinin həbs olunmaları, dini ədəbiyyatların qadağan edilməsi və bu kimi məlumatlar həmişə gündəmdə olub.