İslam Azərbaycanda (İslam.Az)

Ötən gecə saat 23:00 radələrində Zərgərpalan küçəsində yerləşən rus kilsəsində yanğın baş verib. Yanğın baş verən əraziyə 3 yanğınsöndürən maşın cəlb olunub.

ABŞ-ın Tennessi ştatının Noksvill şəhərindəki kilsədə qanlı insident baş verib. Kilsədə "Enni" müzikli əsasında hazırlanmış uşaq tamaşasına baxış zamanı içəri daxil olan bir nəfər tamaşaçılara ov tüfəngindən atəş açmağa başlayıb.

Erməni apostol kilsəsinin başçısı, bütün ermənilərin katalikosu ikinci Qaregin Azərbaycanda bütün Qafqazın şeyxi tərəfindən Ermənistan əleyhinə səslənən bəyanatlardan narahatlığını ifadə edib. O, bütün Qafqazın Şeyxinin "erməni kilsəsinin bolşevik rejimi ilə əməkdaşlığı riyakar separatizmin bariz nümunəsidir" ifadəsindən narazıdır. İkinci Qaregin bunu AŞ PA sədri Luis Mariya de Puçla görüşdə deyib.

Tovuz rayonunun Yanıqlı kəndində XVI əsrdə memar Şeyx Bahəddin Məhəmməd Amil tərəfindən inşa edilmiş məscidin bir hissəsi uçub. Əsrlərin yadigarı olan məscidin indi əsaslı təmirinə ehtiyac var.

Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə iyulun 26-da ABŞ-a səfər edəcək. QMİ-dən verilən məlumata görə, Şeyxülislam ABŞ-ın nüfuzlu Yel Universitetində iyulun 28-dən 31-dək keçiriləcək "Yaradana və qonşuya məhəbbət: sözdə və əməldə" mövzusunda beynəlxalq konfransa qatılacaq.

Roma papası 16-cı Benedikt İraqın baş naziri Nuri Əl Maliki ilə görüşüb. Danışıqlar Romanın cənubunda Papanın yay iqamətgahında baş tutub. Vatikanın yaydığı məlumata görə, Nuri Əl Maliki ilə Roma papası arasında danışıqların əsasını İraqda xristianların daha yaxşı müdafiəsi məsələsi təşkil edib. 20 dəqiqə davam edən görüşdə Nuri Əl Maliki həmçinin, Vatikan dövlət başçısını İraqa səfərə dəvət edib.

Tatarıstan respublikasında "İxlas" adlı müsəlman kişilər üçün nəzəedə tutulmuş düşərgə faliyyətə başlayıb. İslam dininin mənsubu olan və yaşı 18-keçən 40-dan çox müsəlman Yelabuq yaxınlığında, Kama çayı sahilində düşərgə qurub.

Çinin şimal-qərbindəki Çinghay əyalətində tikilməkdə olan məscid uçub. Nəticədə 8 nəfər ölüb, 23 adam isə yaralanıb.

İngiltərənin paytaxtı Londonda müsəlman, xristian və yəhudi din xadimlərinin rəhbərliyində təxminən 600 nəfərlik qrup, yoxsulluğu azaltmaq üçün 2000-ci ildə söz verən dünya liderlərinə qarşı etiraz aksiyası keçirib.

Hörmətli müsəlmanlar!

Qurani-Kərim uca Allah tərəfindən Peyğəmbərmiz Hz Muhəmmədə (s.ə.s.) göndərilən son ilahi kitabdır. Bu əziz kitabın ünvanı bütün insanlar, qayəsi isə bütün insanların dünya və axirət səadətini təmin etməkdir. Bu qayəyə çata bilmək üçün Quranı oxumalı, anlamalı, əmr və qadağalarına riayət etməliyik. Uca Allah bu barədə belə buyurmuşdur: