İslam Azərbaycanda (İslam.Az)

Bu gün Azərbaycanda Novruzun çərşənbələrindən sonuncusu - “İlaxır çərşənbə”dir.

Sabahdan etibarən 3 gün ərzində İslam dünyası Həzrət Muhəmmədin (s) əziz qızı, "Analar anası", "Dünya və axirət xanımlarının xanımı" Həzrət Zəhranın (sə) şəhadət gününü qeyd edəcək. Bu günlər müsəlmanlar arasında "Əyyami-Fatimiyyə" kimi tanınır. İslam.az bunun səbəbi və bu günlərin mənəvi təsirləri ilə bağlı ilahiyyatçıların nəzərini öyrənib.

Bakupost - Azərbaycanda din və məzhəb məsələləri heç vaxt geniş müzakirə predmeti olmayıb. Buna səbəb milli cəmiyyətin dözümlülüyüdür. Son vaxtlar isə qəribə transformasiyalar ucbatından vəziyyət kəskin şəkildə dəyişir. Dini təriqətlər, məzhəblərdən istifadə meyilləri üzə çıxmaqla süni gərginlik dalğası yaradır, müxtəlif insanlara, tanınmış simalara yarlıqlar vurmaq cəhdləri adiləşir.

Bu gün “Trend” İnformasiya Agentliyinin mətbuat mərkəzində “Azərbaycanda dini durumun təhlili və dünyəvilik prinsiplərinin qorunması perspektivləri” mövzusunda fəlsəfə elmlər doktoru, ekspert Aydın Əlizadənin brifinqi keçirilib.

Bu günlərdə mətbuatda yayılan məlumata görə, Xaçmaz şəhərinin qeyri-ənənəvi dindarları olan sələfilər (vəhhabilər) rayon icra hakimiyyətinin başçısı Şəmsəddin Xanbabayevlə görüşüblər. Məqsəd Dini Qurumlarla İş üzrə Dövlət Komitəsi (DQİDK) və Qafqaz Müsəlmanları İdarəsinin birgə razılığı əsasında Xaçmaz şəhər məscidinin təmirə bağlanması olub.

Məsələyə aydınlıq gətirmək üçün yarandığı gündən də əsasən şiə müsəlmanların ibadət etdiyi ocaq olan Xaçmaz rayonu “Təzə şəhər məscidi”nin imam-cüməsi Zaur Məmmədovla əlaqə saxladıq.

“İslam məmləkəti – Azərbaycan” rubrikasının növbəti buraxılışında İslam.az oxucularını  Gəncə şəhərinin mərkəzində yerləşən “Şah Abbas” məscidi haqqında məlumatlarla tanış edəcək.

Hər il ənənəvi olaraq Gəncliyə Yardım Fondunun təşkilatçılığı ilə “8 Mart Beynəlxalq Qadınlar Günü” münasibətilə “Azərbaycan və Türkiyə xanımlarının əl işləri Xeyriyyə Sərgisi” təşkil edilir.

Xəbər verdiyimiz kimi martın 1-də Qaradağ rayonu, Müşfiqabad qəsəbə məscidinin yeni dini icmasının təsis iclası keçirilib. Tədbirdə Qafqaz Müsəlmanları İdarəsinin nümayəndələri, rayon İcra Hakimiyyətinin başçısı, Dini Qurumlarla İş üzrə Dövlət Komitəsinin nümayəndələri iştirak ediblər. İclas zamanı məscidin yeni dini icması və təftiş komissiyası yaradılıb. Bundan başqa məscidin yeni imamı təyin edilib. Yeni icmanın sədri İrşad Süleymanov, imam isə Şaiq Əliyev olub. Yeni təyin edilmiş imamın dini sahədə kifayət qədər təhsilli olduğu nəzərə alınaraq tapşırılıb ki, məscidə gələn şəxslər dini məsələlərlə bağlı məhz ona müraciət etsinlər.

Qeyd edək ki, imam Şaiq Əliyev orta təhsilini Ağdaş rayonu Yenicəkənd orta məktəbində başa vurub. Hərbi xidmətdən sonra Ağdaş rayonu Xosrov kənd İslam mədrəsəsində oxuyaraq dini biliklərə yiyələnib. 2005-ci ildən Bakı Dövlət Universitetinin İlahiyyat fakültəsində təhsil alıb. 2010-cu ildən gənc nəslin tərbiyəsində və yetişdirilməsində tərbiyəçi-müəllim kimi çalışıb, eyni zamanda bəzi məcsidlərdə moizələr də söyləyib.

Xəbər verdiyimiz kimi, bir neçə gün öncə Qaradağ rayonu, Müşfiqabad qəsəbə məscidi dini icmasının özünü buraxması haqqında müraciətinə Dövlət Komitəsində baxılaraq dini icmanın ləğvi barədə qərar qəbul edilmişdi.

“Qoy insan yediyinə diqqət yetirsin” (Qurani-Kərim 80:24). Müqəddəs kitabımız Qurani-Kərimdə buyrulan bu və digər ayələrdə açıq şəkildə görmək olar ki, Allahtəala (c.c) bizlərə mühüm göstərişlər verir. Bəs görəsən bizlər gündəlik həyatımızda yediklərimizə və içdiklərimizə diqqət yetirirkmi?