İslam Azərbaycanda (İslam.Az)

"Bəzən mənim adımı şüşə, armatur, alma, soğan və kartof biznesi ilə məşğul olan şəxs kimi hallandırırlar. Bunların heç biri həqiqətə uyğun deyil. Bir şey haqqında danışanda ortaya sübut qoymaq lazımdır.".

"ABŞ-da islamın sufizm xarakterli olmasını istəyirlər". Bu sözləri Qafqaz Müsəlmanları İdarəsinin (QMİ) sədri, şeyxülislam Hacı Allahşükür Paşazadə bildirib.

Ukraynanın paytaxtı Kiyevin "Emmanuil" kilsəsi azərbaycanlılar üçün "Yevangeliya həftəsi" keçirib. APA-nın kilsənin saytına istinadən verdiyi məlumata görə, iyulun 28-dən avqustun 6-na qədər "Almaz" kinoteatrında Kiyevdə yaşayan azərbaycanlılar üçün konsert təşkil olunub.

Qafqaz Müsəlmanları İdarəsinin sədri Şeyxülislam Hacı Allahşükür Paşazadə bu gün Amerikaya səfərinin yekunlarına həsr olunan mətbuat konfransı keçirib.

Qafqaz Müsəlmanları İdarəsinin (QMİ) sədri, şeyxülislam Hacı Allahşükür Paşazadə ABŞ-ın Yell Universitetində mühazirə oxumağa dəvət edilib. Bu barədə jurnalistlərə A. Paşazadə özü məlumat verib.

"Xristian-Baptist" dini icmasının fəallarından olan Rusiya vətəndaşının Azərbaycanın Zaqatala rayonunda qanunsuz dini fəaliyyətlə məşğul olduğu müəyyənləşdirilib. Zaqatala rayon Polis Şöbəsinin (RPŞ) rəis müavini Kamandar Həsənovun verdiyi məlumata görə, aparılan əməliyyat tədbirləri nəticəsində əslən ingiloy olan Rusiya vətəndaşı, 1949-cu il təvəllüdlü İmamzadə Əlisoltan qızı Mamedovanın Zaqatala rayonu ərazisində qanunsuz dini fəaliyyətlə məşğul olduğu aşkarlanıb.

Azərbaycanda vəhabiliyin güclənməsi Qərbdə də diqqətlə izlənilir. Bir çox Qərb ekspertləri və təhlilçiləri radikal vəhabiliyi Azərbaycanda stabillik üçün başlıca təhlükə mənbələrindən biri kimi görürlər.

Liviyanın paytaxtı Tripoli şəhərində Beynəlxalq İslam Xalq Bürosu baş katibliyinin illik hesabat sessiyası keçirilib. İslam təşkilatları rəhbərlərinin, dünyanın tanınmış elm və din xadimlərinin qatıldığı sessiyada Azərbaycanı Qafqaz Müsəlmanları İdarəsi sədrinin birinci müavini Salman Musayev təmsil edib.

Xaçmaz rayon Polis Şöbəsinin Xudat polis bölməsinin əməkdaşları Köhnə Xudat kənd məscidinin qarşısında əslən türk olan Müzəffər adlı Almaniya vətəndaşını saxlayıblar. Almaniya vətəndaşının keçmiş polis zabiti olduğu bildirilir.

Əslən azərbaycanlı olan məşhur ruhani alimlərdən biri də Ayətullah Naxçıvanidir. Uzun əsrlik islami ənənələrə malik qədim Naxçıvan torpağının yetirməsi olan bu şəxsiyyət öz dövrünün ən mahir şəriət bilicilərindən sayılmışdır.

Ayətullah Şeyx Molla Məhəmməd Əli ibn Hacı Xudadad Naxçıvani təqribən 1852-ci ildə Naxçıvanda doğulmuşdur. Lakin onun ömrünün əksər hissəsi Nəcəf şəhəri ilə bağlı olmuşdur. Belə ki, Ayətullah Naxçıvani gənclik illərində mükəmməl dini təhsil almaq məqsədilə o dövrdə cəfəri fiqhinin paytaxtı sayılan Nəcəf şəhərinə getmiş və ömrünün sonuna kimi orada yaşamışdır.