İslam Azərbaycanda (İslam.Az)

Azərbaycanda fəaliyyət göstərən dini konfessiyaların rəhbərləri Bakıda Rusiya prezidenti Dmitri Medvedyevlə görüş zamanı Azərbaycanda tolerantlığın səviyyəsi barədə məlumat verəcəklər. Bu barədə Xəzəryanı və Bakı yepiskopu Aleksandr Ata deyib.

Azərbaycan İslam Partiyasının sədri: "Partiyamızın qeydiyyata alınmaması seçkilərdə iştirakımıza mane olur"
Azərbaycan İslam Partiyasının (AİP) Baş Məclisinin sessiyası iyulun sonuncu həftəsində keçiriləcək. AİP sədri Mövsüm Səmədov bildirib ki, yığıncaqda partiyanın prezident seçkisində fəaliyyətinə aydınlıq gətiriləcək. Onun sözlərinə görə, AİP bütün siyasi qurumlar kimi prezident seçkisində iştirak etmək niyyətindədir.

Qanunsuz odlu silah saxlamaqda təqsirləndirilərək saxlanılan Xristian-Baptist dini icmasının Zaqataladakı lideri Həmid Şabanovun barəsində 2 aylıq həbs-qətimkan tədbiri seçilib və o, Gəncədəki 2 saylı istintaq təcridxanasına göndərilib.

"Mənəvi Saflığa Dəvət" İctimai Birliyi Həzrət Məhəmməd peyğəmbərin (s) əziz qızı xanım Fatimeyi-Zəhranın (ə) doğum günü münasibətilə "Müasir Azərbaycan cəmiyyəti və müsəlman qadın" mövzusunda dəyirmi masa keçirib.

Azərbaycanın Zaqatala rayonunda xristian-baptist dini icmasının lideri Həmid Şabanov həbs edilib. Zaqatala Rayon Polis Şöbəsinin (RPŞ) rəis müavini Kamandar Həsənovun verdiyi məlumata görə, H. Şabanov qanunsuz odlu silah saxlamaqda təqsirli bilinir.

İslam Konfransı Təşkilatı (İKT) Xarici işlər nazirləri Şurasının Uqandada keçirilən 35-ci sessiyasında İKT Dialoq və Əməkdaşlıq uğrunda Gənclər Forumunun humanitar faciələrin xatirə gününün təsis olunmasını nəzərdə tutan qətnamə təsdiq edilib.

Rəsmi mətbuat Prezidentin İcra Aparatının rəhbəri Ramiz Mehdiyevin "Modernləşmə xətti yenə də gündəlikdədir" məqaləsinin ikinci hissəsini yayıb. Gənc nəsil probleminə toxunulan məqalənin bir bölümündə R.Mehdiyev yazır: "Mən dövlət qulluğunda işlədiyim illərdə tez-tez gənclərin nümayəndələri ilə ünsiyyətdə olmuşam. Bu, sovet dövründə də olub, müstəqil Azərbaycanda da belədir.

Hər il ölkməizdən keçən xeyli zəvvar müqəddəs torpaqlara üz tutur. Bu zəvvarların bir çoxu müqəddəs səyahətə piyada başlayır. Onlar Azərbaycanın cənub regionlarindan İrana keçərək yollarına davam edirlər.

4-8 noyabr 2008-ci il tarixdə Bakıda "Islamofobiya və ayrı-seçkiliyin dinə əsaslanan digər formaları: onun gənc nəslə təsiri və gənclərin fəaliyyətlərində buna cavabı" mövzusunda ekspertlər səviyyəsində konfrans keçiriləcək. Bu barədə Avropa Şurasının Təhsil, Mədəniyyət, İrs, Gənclər və İdman üzrə Baş Bürosundan məlumat verilib.

Prezident İlham Əliyev iyunun 11-də İslam Konfransı Təşkilatının baş katibi Ekmələddin İhsanoğlunu qəbul edib. "Mədəniyyətlərarası dialoqda qadınların rolunun genişləndirilməsi" mövzusunda beynəlxalq forumun əhəmiyyətindən danışan İhsanoğlu, tədbirin yüksək səviyyədə təşkilinə görə dövlət başçısına, həm də YUNESKO-nun və İSESKO-nun xoşməramlı səfiri, Heydər Əliyev Fondunun prezidenti Mehriban Əliyevaya minnətdarlığını bildirib.