İslam Azərbaycanda (İslam.Az)

Bakının Nərimanov rayonu ərazisində yerləşən Əbu Bəkir məscidində baş verən hadisə ilə bağlı araşdırmalar davam etdirilir. Bakı şəhər Prokurorluğunun müstəntiqi Akif Məmmədov jurnalistlərə açıqlamasında partlayış nəticəsində iki nəfərin öldüyünü, 11 nəfərinsə yaralandığını bildirib.

Bakı şəhər prokurorluğunun və Nərimanov rayon prokurorluğunun əməkdaşları hal-hazırda Əbu Bəkr məscidində əl izlərinin götürülməsi və başqa zəruri araşdırmaların aparılması ilə məşğuldurlar. Bu barədə Lent.az-ın müxbiri hadisə yerindən xəbər verir.

Dünən axşam Əbu-Bəkr məscidində baş verən partlayışda yaralananlardan biri əməliyyat olunub. M.Nağıyev adına xəstəxananın cərrahı Bəhman Mahmudovun verdiyi məlumata görə, 1982-ci il təvəllüdlü Vüqar Salahovun üzərində cərrahiyyə əməliyyatı aparılıb və xəstənin vəziyyəti orta ağırdır, dinamikliyi müsbətdir.

"İstintaq hərəkətlərinin aparılması zərurətindən Əbu Bəkir məscidi qeyri-müəyyən vaxtadək bağlı elan olunur". Bu məlumatı Nərimanov rayon prokurorunun müavini Rasim Qurbanov verib. Onun bildirdiyinə görə, bu qərarı hadisəni araşdıran istintaq qrupu verib.

Məsciddə partlayış namaz zamanı olub, ölən yoxdu, yaralılardan beşinin vəziyyəti ağırdır

Əbu Bəkir məscidində partlayış olub. APA-nın hadisə yerində olan müxbirlərinin xəbərinə görə, hadisə bu gün saat 21.00 radələrində, namaz vaxtı baş verib.

Amerika Yəhudi Komitəsinin icraçı katibi Devid Allan Harrisnin rəhbərlik etdiyi nümayəndə heyətinin bu gün bütün Qafqazın Şeyxi Hacı Allahşükür Paşazadə ilə görüşü olub. Görüşdə Hacı Allahşükür Paşazadə Azərbaycanın tolerant ölkə olduğunu deyərək bildirib ki, burada dinlər arasında fərq qoyulmur və onların hamısı Azərbaycanda özlərini öz ölkəsindəki kimi hiss edirlər.

Salyan şəhərinin mərkəzindəki Ağahüseyn məscidi uçmaq üzrədir. Lent.az-ın bölgə müxbirinin verdiyi məlumata görə, Kür daşqınlarından ziyan çəkən bina 5 il əvvəl uçmağa başlayıb. İndi yerlə-yeksan olmaq üzrə olan bu tarixi abidənin 16 günbəzindən yalnız 5-i qalıb.

Sentyabrın 1-dən Ramazan ayı başlayır. Bu barədə Qafqaz Müsəlmanları İdarəsinin (QMİ) mətbuat xidmətindən bildirilib. Məlumata görə, müsəlman dünyasının müqəddəs ayı hesab olunan Ramazan 30 gün davam eləyir.

Bu ilin oktyabrın 6-8-də Azərbaycan Təhsil Nazirliyi və İSESCO-nun birgə təşkilatçılığı ilə İslam ölkələrinin ali təhsil və elmi tədqiqat nazirlərinin IV konfransı keçiriləcək. Azərbaycan Təhsil Nazirliyindən verilən məlumata görə, Bakıda keçiriləcək konfransda bütün İslam ölkələrinin təhsil nazirlərinin iştirakı gözlənilir.

Gəncədəki Şah Abbas məscidi Heydər Əliyev Fondunun maliyyə dəstəyi ilə təmir olunur. 4 əsir əvvəl – 1606-cı ildə Şah Abbasın sifarişi ilə Şeyx Bahəddin Amil tərəfindən inşa edilən məsciddə təmir bərpa işləri zamanı 19-cu əsrə aid 180 rus rublu, kitab və əlyazma tapılıb.