İslam Azərbaycanda (İslam.Az)

"Dağlıq Qarabağ münaqişəsi çox mühüm və Azərbaycan xalqı üçün həyati əhəmiyyət daşıyan məsələdir. Dağlıq Qarabağ məsələsi – bizim ağrımızdır. Biz, din xadimləri, istəyirik ki, Qarabağ problemi sülh yolu ilə həll olunsun". Bu fikirləri Rusiya paytaxtında keçiriləcək "MDB müsəlmanları konfessiyalararası və millətlərarası barışığa tərəfdardır" beynəlxalq onfransından bir gün əvvəl keçirilən mətbuat konfransında Şeyxülislam Hacı Allahşükür Paşazadə söyləyib.

Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə MDB Müsəlmanlarının Məşvərət Şurasının sədri seçilib. Bu barədə APA-ya açıqlamasında QMİ-nin mətbuat xidmətinin rəhbəri Rəhimə Dadaşova Moskvadan bildirib.

Rusiya paytaxtı Moskvada MDB-nin müsəlman dini liderlərinin konfransı keçirilib. Lent.az-ın Rusiya KİV-nə istinadən məlumatına görə, konfransa MDB dinlərarası şuranın həmsədri, Qafqaz Müsəlmanları İdarəsinin sədri Şeyxülislam Hacı Allahşükür Paşazadə rəhbərlik edib.

Postsovet məkanı tarixində ilk dəfə olaraq Moskvada Müstəqil Dövlətlər Birliyinin müsəlman dini liderləri toplaşacaqlar. Tədbirin keçirilməsinin təşəbbüskarı Qafqaz müsəlmanları Ali Şurası və Beynəlxalq İslam missiyasıdır. Forumun təşkilat komitəsinə MDB Dinlərarası Şuranın həmsədri, Qafqaz Müsəlmanları İdarəsinin sədri, Şeyxülislam Hacı Allahşükür Paşazadə rəhbərlik edir.

"Əbu-Bəkr" məscidinin imamı Qamət Süleymanın "Yeni Müsavat" qəzetinə ekslüziv müsahibəsi

"Azərbaycanda dövlət dinə müdaxilə etmir. Lakin Azərbaycan vətəndaşlarının ümumi həyatına daxil olan dəyər kimi dini fəaliyyətin tənzimlənməsinə ehtiyac var". Bu sözləri "Dini etiqad azadlığı haqqında" qanuna təklif edilən əlavə və dəyişiklərə münasibət bildirən Prezident Administrasiyası ictimai-siyasi şöbəsinin müdiri Əli Həsənov deyib.

Azərbaycan Milli Məclisin Hüquq siyasəti və dövlət quruculuğu komitəsinin sədri Əli Hüseynov son günlərin ən çox müzakirə mövzusu olan "Dini etiqad azadlığı haqqında" qanunlara təklif olunan əlavə və dəyişiklikləri APA-ya şərh edib.

"Şimali Qafqazdakı radikal dini qruplaşmaların Azərbaycanda bu istiqamətdə fəaliyyət göstərən qruplara təsiri mümkündür. Son vaxtlar Azərbaycanda həbs olunan radikal qruplaşmaların üzvlərinin əksəriyyəti əvvəllər Şimali Qafqazdakı döyüşlərdə iştirak etmiş şəxslərdir. Orada döyüşən şəxslər arasında həmin qrup tərəfindən güclü təbliğat aparılıb", - çərşənbə günü Trend News-a Dini Qurumlarla İş üzrə Dövlət Komitəsinin sədr müavini Elçin Əsgərov bildirib.

Oktyabr ayında Bakıda "İslam dünyasında qadın: ənənəvi dəyərlər və müasirlik" mövzusunda konfrans keçiriləcək. Konfrans Bakının İslam Mədəniyyətinin paytaxtı elan olunması ilə əlaqədar hazırlanmış tədbirlər planına uyğun olaraq baş tutacaq.

Cari il iyunun 17-də Moskvada MDB müsəlman dövlətləri dini liderlərinin və xadimlərinin konfransının keçirilməsi nəzərdə tutulur. Bu barədə "Turan"a Qafqaz Müsəlmanları İdarəsinin (QMİ) sədri, şeyxülislam Hacı Allahşükür Paşazadə məlumat verib.