İslam Azərbaycanda (İslam.Az)

Qax rayonunda qadağan olunmuş dini ədəbiyyat aşkarlanıb. Bu barədə Daxili İşlər Nazirliyinin saytına məlumat yayılıb.

Bu il Azərbaycandan Həcc ziyarətinə cəmi 2000 nəfər gedəcək. Onlardan 300 nəfəri avtobusla, 1700 nəfəri isə təyyarə ilə müqəddəs torpaqlara səfər edəcəklər. Bu barədə bu gün keçirilən mətbuat konfransında Qafqaz Müsəlmanları İdarəsinin rəhbəri, Hacı Allahşükür Paşazadə məlumat verib.

Suraxanı rayon Məhkəməsində Yeni Günəşli qəsəbəsi, "V" yaşayış sahəsinin mərkəzində yerləşən "Fatimeyi Zəhra (s.ə.)" məscidinin fəaliyyətinə dair Suraxanı Rayon İcra Hakimiyyətinin iddiası üzrə məhkəmə baxışı keçirilib. Məhkəmədən verilən məlumata görə, hakim Zülfüqar Sadıqovun sədrlik etdiyi məhkəmə iddiaya aidiyyəti üzrə baxılması üçün işin 1 saylı Yerli İqtisad Məhkəməsinə göndərilməsi barədə qərar qəbul edib.

Qafqaz Müsəlmanları İdarəsinin rəhbəri, Hacı Allahşükür Paşazadə iyul ayının 21-də Rusiyanın Moskva şəhərində keriləcək YUNESKO-nun toplantısına dəvət alıb. Bu barədə bu gün keçirilən mətbuat konfransında o, özü məlumat verib.

"Qarabağla bağlı mənim yalnız bir prinsipim var ki, bu da Azərbaycanın işğal altında olan torpaqlarının geri qaytarılmasıdır. Mən münaqişənin sülh yolu ilə həll edilməsinin tərəfdarıyam". Bu sözləri Qafqaz Müsəlmanları İdarəsinin sədri Şeyxülislam Hacı Allahşükür Paşazadə söyləyib.

"Artıq "Təzə Pir" məscidində istənilən müsəlman ibadət edə bilər". Bunu Qafqaz Müsəlmanları İdarəsinin sədri, Şeyxülislam Allahşükür Paşazadə deyib.

Azərbaycan Prezidenti İlham Əliyev Təzəpir məscid kompleksinin açılışında iştirak edən xarici ölkələrin din xadimlərini qəbul edib. Dövlət başçısı Təzəpir məscid kompleksinin açılış mərasimində iştirak etdiklərinə görə qonaqlara minnətdarlığını bildirərək deyib ki, bizim müxtəlif xalqlarla, o cümlədən din xadimləri ilə yaxşı münasibətlərimiz var.

Azərbaycanlı zəvvarların Həcc ziyarətinə sənəd qəbulu başlayıb. Bu barədə məlumat Qafqaz Müsəlmanları İdarəsindən (QMİ) daxil olub. Məlumata görə, bu il Həcc ziyarəti üçün qiymət dəyişikliyi baş verməyib.

Bu gün Xarici İşlər Nazirliyinin binası qarşısında İsrail prezidenti Şimon Peresin Azərbaycana səfərinə etiraz əlaməti olaraq aksiya keçirməyə cəhd edərkən polis tərəfindən saxlanılan Azərbaycan İslam Partiyasının, Azərbaycan Ziyalılar Birliyinin, Azərbaycan Birlik Partiyasının və Fəzilət Partiyasının üzvləri sərbəst buraxılıblar.

Azərbaycan İslam Partiyasının sədri Hacı Mövsüm Səmədov bu gün həbs olunub. Hadisə təxminən yarım saat əvvəl İsrail prezidenti Şimon Peresin Azərbaycana rəsmi səfərinə etiraz olaraq Xarici İşlər Nazirliyi qarşısında keçirilən piket zamanı baş verib.