İslam Azərbaycanda (İslam.Az)

Qafqaz Müsəlmanları İdarəsinin sədri şeyxülislam Allahşükür Paşazadə müqəddəs Ramazan ayı münasibətilə öz iqamətgahında iftar süfrəsi açıb. Azərbaycan prezidenti İlham Əliyev iftar mərasimində iştirak edib.

Azərbaycanın İordaniya Haşimilər Krallığındakı səfiri Elman Araslı bu ölkənin sənaye və ticarət naziri, Azərbaycan-İordaniya hökumətlərarası müştərək komissiyasının İordaniya tərəfdən həmsədri Amer Hədidi ilə görüşüb. Səfirlikdən APA-ya verilən məlumata görə, söhbət zamanı komissiyanın növbəti iclasının cari ilin sonunadək Bakıda keçirilməsi, kənd təsərrüfatı və heyvandarlıq sahəsində müştərək şirkətin yaradılması və bununla bağlı cari ilin oktyabr ayında Azərbaycan nümayəndə heyətinin İordaniyaya səfəri, İordaniyanın Azərbaycanda Ticarət Mərkəzinin təsis edilməsi məsələləri ətrafında fikir mübadiləsi aparılaraq razılıq əldə olunub.

Heydər Əliyev Fondunun Rusiyadakı nümayəndəliyi bu gün Moskvada iftar süfrəsi açacaq.

İsrailin Azərbaycandakı səfiri Mixail Lavon Lotem Azərbaycan Dövlət Neft Şirkətinin (ARDNŞ) ekologiya üzrə vitse-prezidenti Soltan Əliyevlə görüşüb. Bu barədə APA-ya ARDNŞ-dən məlumat verilib.

Azərbaycanın Lənkəran rayonunda baş vermiş silahlı insidentlə bağlı iki nəfər tutulub. Bu barədə APA-ya Lənkəran rayon Polis Şöbəsinin rəis müavini Cavid Ağayev məlumat verib.

Bakıda bir qrup şəxs "Qüds günü" ilə bağlı İsrailin Azərbaycandakı səfirliyinin binası qarşısında icazəsiz aksiya keçirməyə cəhd göstərib.

Bakının Nardaran qəsəbəsində beynəlxalq "Qüds günü" münasibətilə mitinq keçirilib.

Türkiyənin xarici işlər naziri Əhməd Davudoğlu sentyabrın 1-də ölkəsinin şərq vilayətlərinə səfər edib və Azərbaycan sərhədini keçərək qısa müddət Naxçıvan Muxtar Respublikasında olub.

Bu gün ABŞ-ın Azərbaycandakı müvəqqəti işlər vəkili Adam Sterlinq iftar süfrəsi təşkil edib.

Ermənistanın bəzi kütləvi informasiya vasitələrinin internet səhifələrində qondarma "Dağlıq Qarabağ Respublikası"nın "prezidenti" Bako Saakyanın avqustun 20-də Livana səfər etməsi ilə əlaqədar Azərbaycanın Suriyadakı səfirliyi tərəfindən müvafiq araşdırmalar aparılıb.