İslam Azərbaycanda (İslam.Az)

Ötən əsrin 80-ci illərinin sonları idi. Rayonların birində Kərbəla səfərindən bir nurani ağsaqqal qayıtmışdı. Bu, HADİSƏ idi. Onu tanıyanlar da (tanıyanlar isə kifayət qədər idi), tanımayanlar da, ibadət əhli olanlar da, Allahın buyurduğu vacibatları yerinə yetirməyənlər də özlərinə müqəddəs məkandan dönən həmyerlilərini ziyarət etməyi borc bilirdilər. İmam Hüseyn (ə) zəvvarının evinə get-gəl bir neçə gün davam etdi...

Qumdakı Cəmkəran məscidində olanlar oranın qeyri-adi ab-havasından xəbərdardılar. Rəvayətlərə görə, bu məscid bilavasitə imam Zamanın (ə) göstərişi ilə inşa olunub.

Bir gün görürlər Həzrəti İsa (ə) həyəcanla qaçır. “Hara qaçırsan, ya İsa?”, –soruşurlar.  – “Sən, xəstələrə şəfa verən, ölüləri dirildən, kimdən qaçırsan axı?”

Peyğəmbər də cavab verir: “Mən cahillərə bata bilmədim, onların əlindən qaçıram...”

Yas məclisi idi. Yuxarı başda molla əyləşib, təsbeh çevirirdi. Əsəbi olduğu hiss edilirdi. Armudu stəkandan çay içə-içə eynəyin üzərindən mağara nəzər salırdı.

Allaha iman etmiş bəndənin bu dünyadakı ən böyük amalı Yaradanın razılığını qazanmaqdır. Bu razılığı əldə etməyin müxtəlif yolları və vasitələri mövcuddur. Amma bəzi əməllər var ki, bu razılığa daha qısa yolla qovuşdurur. Zənnimizcə bu əməllərdən ən üstünlərindən biri də fədakarlıqdır. Fədakarlıq – yəni öz şəxsi mənafeyini ümumi işə və ya başqalarının işinə fəda etmə, həsr etmə, bu uğurda fədakarcasına çalışma, səy göstərmə.

Tez-tez eşidirik - “hər işdə bir xeyir var”. Amma bəzən bu xeyri tapmaq, görmək müşkülə çevrilir. Məsələn, vəhhabi təxəyyülü, vəhhabi fitnəsi. Nə kimi faydası oldu? Burda fayda axtarışına çıxan əvvəlcədən fiaskoya məhkum deyilmi?

Yerli İnternet resurslarından biri ekspertlər arasında sorğu keçirib: Azərbaycanda fahişəxanaları leqallaşdırmaq lazımdırmı? Buna informasiya səbəbi kimi isə son zamanlar sosial şəbəkələrdə qızğın müzakirələrə səbəb olmuş ailə xəyanəti və zorlamalar göstərilib. İddia olunur ki, fahişəxanalar belə murdarlıqların qarşısını almalıdır.

“BBC News Azərbaycanca” hicabdan imtina edən qadından müsahibə alıb (video əlavə edilib – red.). Bu süjetdən irəli gələn bəzi qeydləri oxucularımızın nəzərinə çatdırmağı lazım bildik.

Yaxşılığa dəvət (Əmr bil-məruf) və pisliklərdən çəkindirmək (Nəhy ənil-münkər) hər bir müsəlmana vacibdir. Amma hər kəs öz imkanlarını real qiymətləndirməlidir. Bəzən kimi isə yaxşılığa dəvət etmək niyyəti ilə söylənilən namünasib 3-4 cümlədənsə susmaq daha yaxşıdır. Kaş bunu hər kəs anlayaydı, hər kəs Allahın dininə nisbət verdiyi fikirlərin nə qədər böyük məsuliyyət olduğunu dərk edəydi.

Yəqin dədələrimiz belə yerdə deyib ki, “Bir dəli quyuya bir daş atdı, 100 ağıllı yığışdı, çıxarda bilmədi”. Artıq neçə gündür hamı bir nəfərin sərsəmləməsini, Milli qəhrəmanımız Mübariz İbrahimova dil uzatmasını müzakirə edir.