İslam Azərbaycanda (İslam.Az)

Azərbaycandan Həcc ziyarətinə gedən zəvvarların ilk qrupu Vətənə dönüb. Bu barədə azərbaycanlı zəvvarları Həcc ziyarətinə aparan birinci avtobus karvanının qrup rəhbərlərindən olan Hacı Qəni Axundov məlumat verib.

Bir qrup tanınmış siyasətçi, politoloq, hüquq müdafiəçisi, qeyri-hökumət təşkilatı nümayəndəsi və jurnalist Milli Məclisin deputatlarına "Təhsil haqqında" qanun layihəsində dini etiqad və vicdan azadlığını pozan müddəa ilə bağlı müraciət edib.

"Hicab taxmaq və ya taxmamaq hər kəsin fərdi seçimidir". Bunu Tələbə Qəbulu üzrə Dövlət Komissiyasının sədri Məleykə Abbaszadə "Təhsil haqqında" qanun layihəsində təhsil müəssisələrinə müəllim və şagirdlərin hicabla gəlməsinə qadağa qoyulmasına münasibət bildirərkən deyib.

"Cəmiyyətdə hər bir kəsin inamına, insanların davranış azadlıqlarına hörmətlə yanaşmaq lazımdır. Bu, fundamental insan haqları baxımından vacib olan məqamdır və bunu birmənalı şəkildə etiraf edirik".

Həcc ziyarətinə gedən azərbaycanlı zəvvarların təyyarə ilə gedən ilk qrupu bu gün vətənə qayıdır. Bu barədə məlumatı Qafqaz Müsəlmanları İdarəsinin sədr müavini Hacı Salman Musayev verib.

Məkkədən qayıdan azərbaycanlı hacılardan bir qrupu Türkiyənin Çorum vilayətində qalıb. Buna səbəb onları gətirən avtobusun sıradan çıxmasıdır.

Səhabələrdən Ənəs ibn Malikin rəvayət etdiyinə görə, Hz. Peyğəmbər (s.ə.s.) Mədinəyə hicrət etdiyi zaman mədinəlilərin oynayıb əyləndikləri iki günləri var idi. Rəsulullah bunları görəndə "Bu iki günün mahiyyəti nədir?" deyə soruşur. Mədinəlilər deyirlər ki, biz cahiliyyət dövründə bu iki gündə oyunlar oynayardıq. Bunun cavabında Hz. Peyğəmbər buyurur: "Allah o iki günün əvəzində sizə daha xeyirli iki gün vermişdir. Bunlar Qurban və Ramazan bayramlarıdır" (Əbu Davud).

Ali-İmran sürəsinin 19-cu ayəsində buyurulur: "Allah yanında (haqq olan) din, əlbəttə, İslamdır…".
Tanrının haqq, doğru din adlandırdığı İslam dini, həqiqətən, xoşbəxtlik, qardaşlıq, birlik, məhəbbət dinidir. Məhz bu din vasitəsilə bütün bəşəriyyət doğru yola yönəldilir. Qurani-Kərim nəinki ərəblərin, eyni zamanda bütün dünya xalqlarının kitabı sayılır. Bu müqəddəs kitab yalnız müsəlmanlarla deyil, həm də qeyri-müsəlmanlarla da ünsiyyət qurur, onları haqq dini olan İslama səsləyir. Məsələn, Tövbə sürəsinin 11 ayəsində bütpərəstlər haqqında belə buyurulur: "Əgər tövbə etsələr, namaz qılıb zəkat versələr, onlar sizin din qardaşlarınızdır. Biz ayələrimizi anlayıb bilən bir tayfa üçün belə ətraflı izah edirik".

Səudiyyə Ərəbistanı kralının rəsmi dəvəti ilə Həccə gedən İran prezidenti Mahmud Əhmədinejad Peyğəmbər Məscidini ziyarət edərkən ağlayıb. Müxtəlif ölkələrdən olan hacılar M. Əhmədinejada böyük maraq göstərib.

Hindistanın Orista ştatında xristian azlıqla hindus çoxluq arasında toqquşma olub. Hinduislər tərəfindən altı xristian kilsəsi yandırılıb və bir adam həlak olub. Yerdən gələn müəmmalı xəbərlərə görə, hadisəni xristianlar başlayıblar. Onların 80 yaşlı Lahmanandra Saravatiyə hücum etdiyi bildirilir.