İslam Azərbaycanda (İslam.Az)

İraqda ABŞ ordusunun 5 hərbçisi öldürülüb. APA-nın "France-Presse" agentliyinə istinadən verdiyi məlumata görə, Pentaqon hərbçilərin hansı şəraitdə öldüyünü açıqlamasa da, onların "Victory" bazasının silahlı qruplar tərəfindən raket atəşinə tutulması nəticəsində həlak olduqları bildirilir. Silahlılar bazaya 5 raket atıblar.

Qeyd edək ki, indiyədək İraqda 4459 ABŞ hərbçisi həlak olub.

Yəmənin paytaxtı Sənada iyunun 4-də baş vermiş atışma zamanı yaralanan prezident Əli Abdulla Saleh Səudiyyə Ərəbistana müalicə almağa gəlib çatıb.

ABŞ Konqresinin Nümayəndələr palatası prezident Barak Obamadan Liviyadakı hərbi əməliyyatda ölkənin məqsədi və rolunu izah etməyi tələb eləyən qətnamə qəbul edib.

Yəmən prezidenti Əli Abdulla Saleh ölkəni tərk edib. APA-nın xəbərinə görə, bu barədə Yəmən hökumətindəki qaynaqdan "BBC"-yə bildirilib.

"Əl-Qaidə" terrorist təşkilatının liderlərindən biri, təşkilatın Pakinstandakı qolunun başçısı İlyas Kəşmiri (Ilyas Kashmiri) ABŞ-ın pilotsuz təyyarədən endirilən zərbə nəticəsində öldürülüb.

Pakistanda "Hərkət ül-Cahad əl-İslami" qruplaşmasının üzvləri "Əl-Qaida" terror təşkilatının liderlərindən biri İlyas Kəşmirin öldürülməsini təsdiqləyiblər.

Azərbaycan Milli Məclisinin "Dini etiqad azadlığı haqqında" qanuna təklif olunan dəyişiklikləri müzakirə edəcəyi tarix məlum olub. Parlamentin İnsan haqları komitəsinin sədri Rəbiyyət Aslanovanın APA-ya verdiyi məlumata görə, layihə parlamentin iyunun 10-da keçiriləcək növbədənkənar sessiyasında müzakirə ediləcək.

Qeyd edək ki, "Dini etiqad azadlığı haqqında" qanuna 19 dəyişiklik və əlavə təklif olunur.

Yəmən prezidenti Əli Abdulla Saleh, parlamentin sədri, baş nazir və baş nazirin müavini yaralanıblar.

Yəmən müxalifət ölkə prezidenti Əli Abdulla Salehin öldürüldüyü barədə xəbər yayıb.

Yəmən paytaxtında çalışan Qərb diplomatlarından biri prezident Əli Abdulla Salehin öldürüldüyü haqda yayılan xəbərləri təkzib edib.