Yazımı bir lətifə ilə başlamaq istəyirəm. Bunun səbəbini bir az sonra biləcəksiniz. Bir dəfə qonşusu Molla Nəsrəddindən ip istəyir. Molla deyir ki, ipin içinə buğda yığmışam. Qonşu təəccüblər soruşur ki, ay Molla ipin də içinə buğda yığırlar?

Molla əhvalını pozmadan cavab verir ki, vermək istəməyəndə hə.

Bu 4 cümləlik ibrətli lətifədə dərin mətləblər yatır. İnsanın xarakterindən tutmuş, mentalitetinə qədər. Bəzən insanlar yaxşı bir işi də görəndə onu görməməzliyə vururlar. Bu mərəzin bir adı var paxıllıq. Bir də təkəbbürlük. Adətən “Niyə mən bunu eləmədim, filankəs elədi?” deyə özünə suallar verən və cavabını da tapmadan qalan bir çoxları elə mənəm-mənəmlik mərəzinin ucbatından yaxşı bir işə də kölgə salmağa çalışır.

İndi gələk məsələnin mahiyyətinə. Sözümüzün "mustafası" budur ki, özünü “dini ekspert” hesab edən bir sıra qaraguruhçular söz xatirinə söz demək üçün mətbuatda çıxış edirlər. Hətta iş o yerə çatıb ki, başı-çıxan da, çıxmayan da özünü bu sahənin mütəxəssisi kimi aparır. Bir müddət əvvəl saytların birində dini ekspert Atəş Sultanov deyə bir ismə rast gəldim. O dəqiqə beynimdə bir nəfər canlandı, amma... Üstündən ikicə gün keçməmiş başqa bir saytda bu adam palaz boyda bir yazı dərc elədi. Sübut eləməyə çalışırdı ki, “ay camaat, dində qadına örtünmək zad lazım deyil.” Əsas qəlbin təmizliyidir. Bu yerdə içki içib “əşşi ürəyin təmiz olsun” deyənlər yada düşür. Hətta Quran ayələrini sitat gətirən bu zat demək istəyirdi ki, bəs 1400  ildir insanlar bunu düz bilməyiblər. Quranda qadının örtünməsi ilə bağlı heç nə yoxdur. "Nur" surəsinin 31-ci ayəsinə gəlincə isə bu elə qəlbin örtünməsi deməkdir. Maraqlıdır ki, Qurani-Kərimin bu ayəsi məhz açıq-aşkar deyir ki, başınızı belə örtün, örpəyinizi yaxanıza çəkin. Bu adam isə deyəsən özündən “Amerika kəşf etmiş” kimi danışır. Eybi yox, danışsın. Özü bilər. Amma əvvəl bir kim olduğunu görüb sonra söz desin. Məsələ burasındadır ki, bu Atəş Sultanov deyilən zat uzun müddət ATV telekanalında işləyəndən sonra son 6 ildə Israil səfirliyində çalışıb. Bəlkə bu “din” dərsini elə orda keçib?

Əvvəl fikirləşdim ki, bəlkə Tövratla Quranı səhv salıb, amma sonra yadıma düşdü ki, qadınların örtünməsi elə Tövratda da var..