İslam Azərbaycanda (İslam.Az)

Məhəmməd Peyğəmbərdən(s) nəql olunan bir hədisdə buyurulur:

“Allah dərgahında ən pis şəxs odur ki, insanlar arasında söz gəzdirərək cəmiyyətdə sabitliyi pozur,  belə şəxslərin işi-peşəsi xalq arasında təfriqə salıb saleh və namuslu adamlardan eyib tutmaqdır.”

(Miratul-Üqul, c. 10, s. 73)

Məhəmməd Peyğəmmbərdən (s) nəql olunan bir hədisdə buyurulur:

“Ey camaat! Həqiqətən, insanların ən üstünü o şəxsdir ki, yüksək məqamına baxmayaraq təvazökarlıq edir, qüdrətli olmasına baxmayaraq zahiddir, dövlətli olsa da xərclərində israfa yol vermir, güclü olduğu qədər də insaflıdır. Bilin ki, ən üstün insanlar, dünyadan ona kifayət edəcə qədər götürən, iffətli və izzətli ömür sürən, səfərə (axirətə) azuqə yığan və köçməyə hazırlaşan bəndələrdir.”

(Ğurərul-Hikəm, 5904-cu hədis )

Həzrət Əlidən (ə) nəql olunan bir hədisdə buyurulur:

“Ey Kumeyl! Hər bir halda haqqı de və müttəqiləri, pəhrizkarları sev, fasiq (günahkar və nadürüst) adamlardan uzaq ol, münafiqlərlə yoldaşlıq etmə, xainlərlə bir yerdə oturub-durma”.

(Müstədrəkul-Vəsail, c. 12, s. 197.)

Həzrət Əlidən (ə) nəql olunan bir hədisdə buyurulur:

“Fədakarlıq yaxşılıqların ən gözəli və imanın dərəcələrinin ən üstünüdür.”

(Ğurərul-Hikəm, 1705-ci hədis)

Peyğəmbərdən (s) nəql olunan bir hədisdə buyurulur:

"Altı xasiyyət altı xasiyyətə möhtacdır. Əgər Allahın sevimlisi olmaq istəyirsənsə, Ondan qorx və Onun hökmlərinə münasibətdə təqvalı ol. Əgər camaatın səni sevməsini istəyirsənsə, onlara yaxşılıq et, onların əlində olanlardan gözünü çək. Əgər istəsən ki, Allah mal-dövlətini çoxaltsın, onu haramdan təmizlə (zəkatını ver). Əgər istəsən ki, Allah bədənini sağlam etsin, bunun üçün verdiyin sədəqələri artır. Əgər istəsən ki, Allah ömrünü uzatsın, qohum-əqrəba ilə mehriban ol. Əgər qiyamətdə mənimlə birlikdə məhşərə gəlmək istəyirsənə, vahid və qəhhar Allahın qarşısında ibadət edərkən səcdələri uzat”.
(Səfinətül-Bihar, c. 1, s. 599)

İmam Əlidən (ə) nəql olunan bir hədisdə buyurulur:

“İçində Allah zikr edilərək xatırlanmayan hər bir söz, bihudədir. Təfəkkürlə birgə olmayan hər bir sükut səhvdir. İçində ibrət olmayan hər bir baxış, əbəsdir.”

(Biharul-Ənvar, c. 74, s.73, 59-cu hədis)

İmam Sadiqdən nəq olunan bir hədisdə buyurulur:

“Əgər sizlərdən birinin qapısından bir çay axsa və o şəxs hər gün orada beş dəfə yuyunsa onun bədənində çirk qalarmı? Həqiqətən namaz belə bir çaya bənzəyir. Namaz qılan şəxsin namazı onun günahlarının kəffarəsidir. Amma şəxsin imandan çıxıb kafir olmasına səbəb olan günahlar heç vaxt yuyulmaz və belə şəxs həmin günahda qalar.”

(Biharul-Ənvar c. 82, s. 236)

İmam Sadiqdən (ə) nəql olunan bir hədisdə buyurulur:

”Öz valideynlərinizə yaxşılıq edin ki, övladlarınızda sizə yaxşılıq etsin; cammatın namusuna toxunmayın ki, sizin də qadınlarınız iffətli olsunlar”.

(Kafi, c. 5, s. 554)

Bir qüdsi hədisdə Allah Taala Məhəmməd Peyğəmbərə (s) müraciətlə buyurur:

“Əgər sənin ümmətindən bir şəxs yaxşı iş görməyə niyyət etsə və yerinə yetirə bilməsə, o əməlin savabı onun üçün yazılar. (Əgər niyyət etdiyi əməli) yerinə yetirsə, o əməlin 10 bərabər savabı onun üçün yazılar.”

İmam Sadiqdən (ə) nəql olunan bir hədisdə buyurulur:

“Hər kəsin dili düz, doğru danışan olsa, əməli paklaşar. Hər kəsin niyyəti gözəl olsa, Allah onun ruzisini artırar, hər kəs öz əhli-əyalına yaxşılıqlarını artırsa, Allah onun ömrünü uzadar”.

(Xisal c. 1, s. 88)