İslam Azərbaycanda (İslam.Az)

İmam Kazimdan (ə) nəql olunan bir hədisdə buyurulur:

“Həqiqətən əkin daş parçası üzərində deyil, torpaqda bitir. Hikmət də o cürdür,  təkəbbürlü və lovğa adamın qəlbində deyil, təvazökar adamın qəlbində yaranır. Çünki Allah təvazökarlığı ağlın, təkəbbürlüyü isə nadanlığın aləti edib”.

İmam Baqirdən (ə) nəql olunan bir hədisdə buyurulur:

“Yaxşı işlərə dəvət və pis əməllərdən çəkindirmək peyğəmbərlərin yolu və yaxşı iş görənlərin üslubudur. Bu elə bir böyük vacib əməldir ki, digər vacib əməllər onun vasitəsilə həyata keçər, yollar əmin-aman, gəlirlər halal olar, zorla alınmış haqq və mallar sahiblərinə qaytarılar, yer üzü abadlaşar, düşmənlərdən intiqam alınar və işlər sahmana düşər.”

(Kafi, c.5, s, 56)

İmam Əlidən (ə) nəql olunan bir hədisdə buyurulur:

“Göz yaşının quruması yalnız qəlbin qəsavət bağlaması səbəbi ilədir. Qəlblər də yalnız günahın çoxluğu ilə daşlaşar və qəsavət bağlayar.”

(Biharul-Ənvar, c. 70, s. 55)

Məhəmməd Peyğəmbərdən (s) nəql olunan bir hədisdə buyurulur:

“Məsləhətləşən insan bədbəxt olmaz, məşvərətsiz, özbaşına qərar çıxaranlar xoşbəxtliyə çatmaz.”

(Nəhcül-Fəsahə, s. 533)

Hәzrәt Məhəmməddən (s) rəvayət olunan bir hədisdə buyurulur:

“Qiyamәt günü sizlәrdәn mәnə daha yaxın vә daha sevimliniz, daha gözәl әxlaqlı vә daha çox tәvazökar olanınız, daha uzağınız isə daha tәkәbbürlü olanınızdır.”

(Vәsailuş-Şiә, c. 6, s. 301, 20797-hәdis)

Məhəmməd Peyğəmbərdən (s) nəql olunan bir hədisdə buyurulur:

“Vəfat etmiş insana üç şey yoldaşlıq edər: ailəsi, var-dövləti və əməli. Bunlardan ikisi geri dönər, biri isə qalar. Ailəsi və var-dövləti qayıdar, əməli isə onunla qalar.”

“Kənzul-Ummal, 4276-hədis”

İmam Əlidən (ə) nəql olunan bir hədisdə buyurulur:

“Qadınların ən yaxşı xüsusiyyətləri kişilərin ən pis xüsusiyyətləridir: qürur, qorxaqlıq və xəsislik. Çünki qadın məğrur olsa, özünü (naməhrəmin) ixtiyarına verməz. Xəsis (qənaətcil) olsa, özünün və ərinin malını qoruyar, qorxaq olsa, başına gələn ( adına ləkə gəlməsinə səbəb ola biləcək) hər şeydən qorxar.”

(Tuhəful-Uqul, səh.35)

Allahın Peyğəmbəri (s) bir hədisində buyurmuşdur:

“Hər müsəlman bir ağac, ya bir əkin əksə və bir insan, quş, ya da heyvan onun məhsulundan yesə, həmin şəxs üçün sədəqə savabı sayılar.”

(Mizanul-Hikmət, 2967-ci hədis)

İmam Sadiqdən (ə) nəql olunan bir hədisdə buyurulur:

“İnsanların namazına, orucuna aldanmayın. Çünki bəzən insan namaza, oruca o qədər adət edir ki, onları tərk etsə, qorxu hissi keçirir. Əslində, onları doğru danışmaq və əmanətdarlıqda sınayın.”

(Kafi, c.2, səh. 104, 2-ci hədis)

İmam Səccaddan (ə) nəql olunan bir hədisdə buyurulur:

"Təəccüb edirəm o şəxsə ki, yemək yeyərkən onun zərərlərindən pəhriz edir, lakin günahın ona gətirəcəyi arlıq və zəlillikdən pəhriz etmir."

(Kəşful-Ğimmə, c. 2, s. 107.)